CHAPITRE LX VI

Comment le roy de France feut adverti de la bataille que les princes de son sang avoient perdu; comme aussi feut le duc de Bourgongne qui, à graud' puissance d'armes, tira vers; Paris, où il ne peut entrer; et du départ. du duc de Guyenne; et comment le comte d'Erminacq feut faict connestable.

Assez tost après que le roy d'Angleterre eut obtenu la victoire sur les Franchois, au lieu d’Azincourt, les nouvelles feurent portées à Rouen devers le roy, de la douloureuse adventure et perte de ses gens. Si ne faut pas doubter que le roy et ses gens, princes et aultres, eurent au cœur grand’ tristesse. Néanmoins, dedans certains jours après , le roy retourna à Paris, et en la présence du roy Loys, des ducs de Guyenne, de Berry, de Bretagne et de pluiseurs aultres de son sang et conseil, constitua et establit le comte d’Erminacq connestable de France, et manda icelluy hastivement au pays de Languedoc, où il estoit, à venir devers lui. Aussy feurent portées les nouvelles au duc de Bour-