CHAPITRE LX VI
gongne, qui lors estoit en son pays de Bourgongne ; pourquoy, pareillement comme les aultres princes, il feut très dolent, et très fort desplaisant, par espécial de ses deulx frères, le duc de Brabant et le duc de Nevers; mais che nonobstant, se prépara sans délay à toute diligence et à grand’ puissance de gens, pour aller à Paris, en sa compaignie le duc de Lorraine et bien dix mille chevaux ; pourquoy les Parisiens, doubtants le duc de Bourgongne, envoyèrent à Melun devers la royne de France, qui là estoit malade, laquelle de là se feit porter par pluiseurs hommes de pied à Paris, et se logea à l’hostel d'Orléans avec la duchesse de Guyenne, fille au duc de Bourgongne. Or est vrai que aucuns Parisiens et aucuns officiers du roy, qui avoient esté favorables à la partie d'Orléans, se doubtoient très fort pour ce qu'il avoit dans sa compaignie pluiseurs de ceulx qui avoient csté bannis et enchassés de Paris; c’est assavoir messire Ellyon de Jacqueville ; messire Robinet de Mailly ; maistre Eustace de Latre ; maistre Jehan de Troyes; Caboche et Denisot de Chaumont ; Garnier de Sainet-Yon, et pluiseurs aultres. Et pourtant traitèrent sy bien devers le roy que messire Clignet de Brabant, le seigneur de Barbasan et le seigneur des Bosqueaux, feurent mandés à venir à Paris avec grand nombre de gens d’armes, pour la seureté d'icelle, et aussy pour accompagner le duc de Guyenne. Etavecquesche, feut mandé de rechef le comte d'Erminacq, qu’il venist atout! la plus grande puissance qu'il polroit finer. Le duc de Bourgongne passa par Troyes et s’en vint à Provins et à Meaulx en Brie ; auquel lieu on lui refusa l'entrée, par le commandement du duc de Guyenne, qui leur avoit rescript que pas ne laissassent dedans le duc de Bourgongne; et pourtant s’en alla à Lagny-sur-Marne, et se logea dedans la ville. D'autre part se mirent sus pluiseurs capitaines à grand puissance, du pays de Picardie; c’est assavoir Martelet du Mesnil, Ferry de Mailly, Hector et Philippe de Saveuse, messire Maury de Sainct-Légier, messire Payen de Beaufort, Loys de Warignies, et pluiseurs aultres ; lesquels, fort dégastants le pays, allèrent par le pont au Vaire jusques au lieu de Lagny, devers le duc de Bourgongne, quy
(1) Avec.
mandé les avoit. Et tant multiplia sa compaignie qu'ils feurent bien vingt mille chevaux ou plus.
Durant lequel temps le roy Loys, scachant qu'il n’estoit point aymé du duc de Bourgongne, pour la cause du renvoy de sa fille, se partit de Paris tout malade et se en alla à Angers ; mais avant son partement, se voeult soumettre de leurs discords sur le roy et sur son grand conseil, moyennant que il fust ouy en ses deffenses ; à quoy le duc de Bourgongne ne voult entendre, mais feit response à ceulx quy pour ceste cause estoient venus devers luy ; que des torts et blasme que le roy Loys avoit faict à luy et à sa fille, il ’amenderoit en temps et lieu, quand il polroit. Le duc de Bourgongne, de Lagny-sur-Marne, où il estoit, envoya devers le roy à Paris, messire Jehan de Luxembourg, le seignenr de Sainct- Georges, et pluiseurs aultres, quy exposèrent pleinement au conseil du roy la cause de sa venue, en faisant leur requeste que il pussit en Paris entrer atout sa puissance, pour la seureté de leur corps; mais sur che, ils ne eurent aulcune response, synon que le roy envoyeroit brief response devers le duc de Bourgongne ; lequel y envoya maistre Jehan de Wailly, président en parlement , et pluiseurs aultres ambassadeurs du conseil du roy. Mais à la fin il ne put finer d'entrer à Paris en puissance ; ains Juy fut dict que, sy il y voulloit aller à son simple estat, le roy et son conseil en estoient bien contents, et non aultrement. Che que le duc de Bourgongne ne voulut jamais, car biens cavoit que ceulx qui gouvernoient le roy estoient ses mortels ennemis, et ne se y fust pour rien fié.
Or, est ainsy que les Parysiens et principalement ceulx de l’université, véyant de jour en jour que pluiseurs maulx et desrisions se multiplioient entre les seigneurs du sang royal et ceulx de leur conseil l’un contre l’aultre, à la grant destruction du royaulme et du povre peuple, allèrent un certain jour, à grant multitude, devers le duc de Guyenne, où estoit son frère, nommé le duc de Touraine, le duc de Berry et pluiseurs aultres grans seigneurs et gens d’esglise, demandant audience de parler. Laquelle obtenue, le premier président en parlement commença à parler et dit pour son thesme che qui se ensuit : Domune,
MÉMOIRES DE SAINT-REMY
gneur , sauvez-nous, Car nous périssons. » Et estescritau chapistre de sainct Mathieu. Lequel président clairement l’exposa, en touchant sagement et éloquement bee conclusions, en desclarant les principaux malfaicteurs du royaulme, troublants et opprimants le povre peuple.
Après la fin de laquelle proposition le duc de Guyenne promptement respondit, et prit parole de fils de roy : que doresnavant les malfaicteurs du royaulme, de quelque qualité que ils fussent, seroient punis selon leur desmérite, et que justice seroit fayte, réparée et gardée, et que le clergié et le peuple seroient tenus en paix. Mais tantost après, le bon duc de Guyenne, qui, par cours de nature, debvoit estre, après la mort du roy son père, roy, et qui avoit grant désir, comme raison estoit, de faire bonne justice et de tenir le peuple en paix, accoucha malade des fievres ; dont il alla de vie à trespas, le huitiesme jour de décembre, en l’hostel de Bourbon. Pour la mort duquel furent faicts grans pleurs et lamentations de pluiseurs seigneurs et aultres ses serviteurs. Si fut gardé son corps audit hostel, en un cercueil de plomb, par l’espace de trois jours ; et là vinrent tous les collèges de Paris prier pour luy, et depuis fut porté à Sainct- Denys, où les roys ont leurs sépultures.
En après huit jours ensuivant, le comte d'Erminacq entra à Paris, à recevoir l'office de connestable et l’espée de la main du roy, en faisant serment solennel, comme il est de coustume de faire; et là remercia humblement le roy de l'honneur qu’il luy portoit et faisoit. Quand le comte d’Erminacq eut fait le serment de connestable, il assembla gens d'armes; tant qu'il se trouva de cinq à six mille combattants pour résister allencontre du duc de Bourgongne ; et fit mettre en pluiseurs lieux garnisons; et doubtant les Bourguignons, fit rompre pluiseurs ponts et passages. En ce temps fut messire Jehan de Torsay, de par le roy, ordonné maistre des arbalestriers de France, messire Thomas de Dargies, bailli de Vermandois, le seigneur de Humbercourt, bailly d'Amiens, et messire Brunet de Baines, bailly de Tournay ; et pareillement furent faits par le roy plusieurs officiers en France.
En ycelle saison, le duc de Bretagne alla à
salva nos, perimus, Che qui veut dire: « Sci- ; Paris pour traiter devers le roy, que le duc de
Bourgongne; pust aller devers ]ny à toute sa puissance ; laquelle chose il ne put impétrer, et pour tant retourna assez tost en Bretagne; mais avant son partement 56 courrouca moult fort à messire Tanneguy du Chastel, prévost de Paris, et luy dit pluiseurs injures, pour ce qu'il avoit fait mettre en prison au Chastelet le ministre des Mathurins, docteur en théologie, lequel avoit fait devant le peuple de Paris une proposition de par le due de Bourgongne; et bief en suivant le prévost le deslivra franc et quitte.
