CHAPITRE LX VIII

les pays du roy, le vingt-quatriesme jour de janvier, par nuict, Rémonnet de la Guerre, le prévost de Compiengne, le seigneur des Bosqueaux, gouverneur de Valois, par le commandement du roy et de son conseil, assemblèrent secrettement grand nombre de gens d'armes, et furent au logis de messire Martelet du Maisnil, et Ferry de Mailly, qui estoient logés au pa ys de Santers, en aucuns villages, atout bien six cents hommes, faisants grans dérisions sur le pays ; lesquels furent tous morts, pris ou destroussés, sinon ceux qui eschappèrent par fuite ; et furent messire Martelet et Ferry de Mailly pris prisonniers et menés à Compiengne. Toutesfois le jour de la Purification de Nostre-Dame, messire Martelet et quatre aultres gentilshommes, après ce qu'ils eurent esté questionnés des officiers du roy, furent pendus au gibet de Compiengne; et Ferry de Mailly, par le moyen de aucuns ses bons amis, fut mis à pleine deslivrance.