CHAPITRE EX VII

Du retour du duc de Bourgongne en son pays de Flandres, el comment il al'a visiter ses deux nepveux, Jehan et Philippe, fils de son frère Anthoine, duc de Brabant, qui mourut en la bataille d'Azincourt ; et des gens de gucrre quy gastoient le pays de Santers, quy feurent rués jus par le commandement du roi de France.

Après que le duc de Bourgongne eust esté bien dix semaines à Lagny-sur-Marne, voyant que par nuls moyens il ne pouvoit impétrer devers le roy pour entrer dedans Paris, à simple estat se partit delà et prit son chemin à Dampmartin, à Reims en Lannois, Thiérasce et Cambrésis, à Douay et à Lille; et tousjours avoit grand nombre de gens d’armes avec luy, dont le povre peuple estoit fort oppressé. Toutefois , à son partement de Lagny , fut poursuivy par aucuns de soudoyers du roy, lesquels vers le Pont-à-Vaire férirent et occirent de ses gens, dont il fut mal content; et pour sa longue demeure dedans la ville de Lagny, les Parisiens et aultres le nommoient en commun langage « Jehan de Lagny. » Et après, quand il fut retourné en sa ville de Lille, il s’en alla en Brabant visiter ses deux nepveux, c’est à savoir Jehan et Philippe, fils au duc de Brabant ; et lors pritavec luy le mains-né fils, auquel avoit esté ordonné pour partage la comté de Sainct-Pol et de Ligny et toutes les terres qui furent au comte Walleran de Sainct-Pol, père de madame leur mère et de Brabant. Le duc de Bourgongne retourna en son pays de Flandres, où il ordonna le seigneur de Fosseux, capitaine de Picardie, à faire retraire tous ses capitaines et leurs gens d’armes hors de son pays d’Arthois, et des mettes d'environ. Et pour ce que les aucuns travailloient moult fort