CHAPITRE LXIX

Comment l'empereur Sigismond arriva à Paris, où honorablement feut reçu du roy, et de là passa en Angleterre, où aussi feut honorablement reçu et festoyé du roy d'Angleterre; de son retour en France sans avoir besongné tou-

| chant la paix des deux roys; et du trespas du duc Jehan de Berry, oncle du roy de France.

En icelui temps, 14151, vinrent à Paris deux chevaliers des gens de l’empereur Sigismond et roy d'Allemagne, pour avoir et préparer son logis ; auxquels deux chevaliers feut baiïllé et délivré le chastel du Louvre; et le jour du Gras Dimanche ensuivant, arriva l’empereur, accompaigné de huict cents chevaulx environ.

Allencontre duquel allèrent le duc de Berry, le cardinal et le duc de Bar, le comte d'Erminacq et plusieurs aultres, en moult noble estat ; et feut logié au Louvre; et en aucuns jours après fit exposer au roy et à son conseil la cause de sa venue; c’est assavoir pour l'union de nostre saincte Eglise. Et après il se offrit moult au roy à faire ce qu’il polroit pour luy et pour son royaulme; et depuis y eut un docter en théologie, nommé maistre Ghérart Machet, qui proposa devant luy moult prudentement, de par le roy, dont il feut très content, et estoit le roy en assez bonne santé. Et après que pluiseurs parlements eurent par luy esté faicts sur l’estat de l’universelle Eglise et aultres besognes, il se partit de Paris pour aller en Angleterre, où il s’acquitta d’appaiser à son pouvoir les deux roys de France et d’Angleterre, comme cy-après sera dit. Et feut son partement le mercredy devant les Pasques, et de là feut convoyé jusques à Sainet-Denis, par le roy Loys, le duc de Berry et le cardinal duc de Bar ; et estoit en la compagnie de l’empereur, le duc de Milan, oncle du duc d'Orléans; et estoit l’empereur armé, portant à l’arçon de sa selle un chapeau de Montauban. Sur son harnois portoit une heuque® noire, en laquelle estoit une droicte croix, devant et derrière, de couleur de cendre, sur laquelle avoit escript en latin : « Dieu tout-puissant et miséricors. » Et ainsi estoient habillés la plus grant partie de ses gens, montés sur bons chevaulx ; et s’en alla

(1) Et 1416, nouv. st. (2) Robe.

MÉMOIRES DE SAINT-REMY

à Boulogne; mais ceulx de la ville ne les lais-

sèrent pas entrer dedans, dont il eut grand

dépit; et pour ce ne voulut recevoir les pré-

sents à luy envoyés de la ville, et s’en alla à

Calais; et après ce qu’il eust séjourné deux

jours, navires feurent apprestés, sur lesquels luy et ses gens montèrent, et ils eurent vent à plaisir, qui tost les mit à Douvres. Après prin-

rent leur chemin à Londres. Si leur alla audevant le roy d’Angleterre et ses frères, accompaignés de pluiseurs nobles princes de son sang; et en briefs jours après y veint le duc Guillaume, comte de Haynault, pour parler de la paix des deux roys et de leurs ro yaulmes; mais ni l’empereur, ni le roy d'Angleterre, ni ceulx du conseil des deux parties, ne se scurent accorder ni trouver manière de venir à bien de paix. Nonobstant ce. le roy d'Angleterre festoya moult honorablement l’empereur, et le duc Guillaume, son cousin, et les aultres ambassadeurs qui venus estoient en leur compaignie de par le roy. Dont, pour festoyer l’empereur, fit faire un moult bel et somptueux souper, où estoit assis l’empereur au milieu de la table, et à son dextre le duc d’Orléans, et au-dessus du duc d’Orléans le duc de Bourbon, le comte d’Eu , le seigneur d’Estouteville et le seigneur de Gaucourt, tous prisonniers au roy d’Angleterre; et au sénestre costé estoit assis le duc Guillaume, comte de Haynault, de Hollande et de Zélande ; le duc de Brick, Allemand, et trois aultres comtes d'Allemagne que je ne sais nommer. Le roy d'Angleterre, qui bien sçavoit les honneurs mondains autant que prince de son temps, veint devant la table de l’empereur, pour le festoyer et semondre à faire bonne chière, vestu d’une moult noble robe de drap noir, et autour de son col un moult riche collier garni et aourné{ de moult riches pierres ;

si les veint par deux fois visiter. L’empereur séjourna en la ville de Londres, avecques le roy d'Angleterre, par l’espace d’un mois ou cinq semaines; mais quand ils virent que ils ne pouvoient trouver paix ni moyen de traicter entre les deux roys de France et d'Angleterre,

moult desplaisant l’empereur s’en départit et prit congié du roy d'Angleterre. Et quand le roy d'Angleterre sçut son partement, il le fit

desfrayer, et tous ses gens, hommes et che-

(1) Orné.

vaulx. L'empereur, venu à Douvres, après ce que les ducs, comtes et barons d'Angleterre eurent prins congié de luy, il trouva son navire prest. et monta dessus, luy et ses gens, et veinrent au soir au giste à Calais ; puis l'empereur, sans gaires séjourner, retourna en France, là où il raconta au roy ce que luy et le duc Guillaulme avoient peu faire, touchant les matières pour venir au bien de paix ; dont le roy et les princes furent moult courroucés ; car bien scavoient et espéroient que le roy d'Angleterre ne seroit assouffi à tant, et que en brief temps il repasseroit en France. Et quant est à parler du duc Guillaulme, il s’en partist de Londres environ douze jours après l’empereur, et s’en retourna au pays de Hollande.

En ceste année mourut le duc Jehan de Berry, oncle du roy, et se remaria la duchesse au seigneur de La Trimouille ; dont le duc de Bourgongne fut mal content, car pour ce jour il n’aimoit gaires le seigneur de La Trimouille ; et par droit, ladicte dame estoit comtesse de Boulogne. Et pource que le duc de Bourgongne fut adverti du mariage, hastivement envoya le seigneur de Fosseux, lors gouverneur d’Arthois, en la ville de Boulogne, pour icelle saisir et mettre en sa main ; mais desja, de par le roy, estoit commis le seigneur de Moreul pour faire frontière allencontre des Anglois.