CHAPITRE LXX

be l'armée de mer que le roy de France mit sus, laquelle feut défaite par l’armée des Anglois, dont le duc de Clarence estoit chief.

En icelle mesme année, fut par le roi et son conseil ordonné et avisé de mettre en la mer, entre France et Angleterre, une grosse armée, et si puissante que pour combattre l’armée du roy d'Angleterre , et mesmement pour garder la mer, que la ville de Harfleur ne fust avitaillée d'Angleterre, ni d’ailleurs. Et pour fournir icelle grosse armée , le roy envoya à Gennes, où il recouvra de huit grosses carraques, lesquelles le roy fit armer, avec pluiseurs et grand nombre de navires de guerre : et furent d’icelle armée chefs et capitaines, le bastard de Bourbon et messire Robinet de Bracquemont, amiral de France. Il est vrai que, après que ladite armée fut preste , ils se mirent en mer , et tantnagèrent

qu'ils se trouvèrent sur la coste d'Angleterre, si