CHAPITRE LXX VI
Le trespas du roÿ Loys de Sézille, et quels enfans fl délaissa, et des pilleries et mauvais gouvernement qui estoit au royaume de France.
En ceste année le roy Loys mourut, et laissa trois fils ; c’est assavoir, Loys, l’aisné, qui feut roy apprès luy; le second eut nom René, et feut duc de Bar; et le tiers eut nom Charles, comte du Maine et de Guise. Il laissa aussi deulx filles, dont la première olt le dauphin, et la seconde, nommée Yolens, n’avoit que deulx ans.
Alors estoit en France ung moult meschant gouvernement, car justice n’y estoit en rien obéie; et les estrangiers qui tenoient les champs, du parti de Bourgongne, robboient et pilloient tout che qu'ils trouvoient, sans nuls espargner ni d'ung parti ni d’aultre, car les pays du duc de Bourgongne estoient pillés et robbés comme les aultres : et de faict, une com-
(1) Alors,
MÉMOIRES DE SAINT-REMY
paignie d’iceulx se boutèrent en Picardie, vers la marche de Boullenois; mais Butor, bastard de Croy, mit sus les gens du pays, et s’en alla par nuit effondre sur leurs logis, et les rua jus; et y feut tué Laurens Roze, sous-lieutenant de Jehan de Claux, et aulcuns aultres ; mais pour lui venger de ce bastard, ledit Jehan de Claux print ung gentilhomme de Boullenois, nommé Gadifer de Collehaut, et le fit pendre à ung arbre. Touttefois ils issirent du pays de Boullenois, et s'en allèrent au pays de Santers, où ils prirent la ville et forteresse de Davenencourt, la pillèrent, et puis y boutèrent le feu, et de là s'en allèrent mettre le siége devant le Neufchastel sur Aisne. Et pour lever le siége, Remonet de la Guerre et le bailly de Vermandois se mirent sus, de par le roi, et allèrent pour cuider lever le siége ; mais iceulx estrangers se levèrent de leur siége et les allèrent combattre; et là feurent déconfits les gens du roy; et feurent morts en la place plus de huit vingts, et les autres se fuirent et se sauvèrent au mieux qu'ils peurent ; et, par che moyen, se rendirent à eulx ceulx du chastel, et ils entrèrent dedans, et le pillèrent de tout point, et y boutèrent le feu ; puis se retrahirent en Cambrésis, là où ils firent tous les maulx du monde. D’autre part, Jehan de Fosseux, Daviot de Poix, Ferry de Mailly, et aulcuns aultres Picards, jusques à douze cents combattants, passèrent ung jour la rivière de somme à la Blanche-Tache, et s’en allèrent jusques à Aumarle, prinrent la ville et assaillirent le chastel durement ; donc quand ils virent que ils ne le polrent avoir, ils pillèrent la ville, qui pleine estoit de tous biens, et puis y boutèrent le feu, et de là s’en allèrent à Hornoy et au beau pays de Vimeu tenir les champs, piller et robber che qu'ils y trouvèrent ; et puis, tous chargés de proyes et de prisonniers, ils repassèrent l’eau de Somme pour retourner au pays. Et Dieu sait comment le povre peuple estoit alors foullé et destruit de toutes parts.
En ce mesme temps estoit alors à Péronne, de par le connestable, messire Robert de Lore, à cent hommes d’armes, cent arbalestriers Jennevois, et cent aultres combattants, lesquels couroient souvent au pays d’Arthois; et d’aultre part convinrent ceulx d'Amiens de bouter hors leur bailly et le procureur du roy, à l’instance du duc de Bourgongne, pour ce qu'ils estoient trop rigoureux à ses gens, ou aultre-
ment ils les mebaçoient de leur faire guerre; et s’en allèrent le bailly et le procureur faire leur eomplainte au roy; pourquoi, en persévérant de mal en pis, ne feut pas content du duc de Bourgongne:.
