CHAPITRE LXX V
quelque estat ou condition que ils soient. En ce
d’ung grant mantel, vint parler à eulx ; et lors aulcuns de la compaignie quy avoient les faces mucées! le occirent cruellement. Après ce faict, de là allèrent à l’hostel de son lieutenant, nommé Jehan Légier, et le mirent à mort; et de là en aultres lieux, jusques au nombre de dix. Mais aulcuns des aultres officiers, comme le vicomte et le receveur, de che avertis, s’enfuirent au chastel, où ils feurent reçus par messire Pierre de Bourbon, quy en estoit capitaine; et, lendemain au matin, se assembla le commun en grant nombre, et allèrent en armes devant le chastel, en intention d’entrer. Mais le capitaine, quy avoit avec luy cent souldoyers de par le roy, leur refusa l'entrée. Apprès pluiseurs paroles feut traité entre eulx que il entreroit dedans jusques au nombre de seize hommes des plus notables de la ville, pour parler au capitaine sur les affaires quy moult leur touchoient, comme ils disoient. Lesquels, après ce qu'ils furent entrés, s’excusèrent de la mort du bailly et des aultres, et aussi toute la communauté, disants que moult seroient joyeux si les facteurs estoient connus et prins et aussi punis, car pour l’homicide ils craignoient le roy, et, pour ce, lui requéroient qu’il leur baïillast le chastel à garder : laquelle requeste leur feut refusée. Secondement, requirent que la porte du chastel vers les champs feust condamnée, et che pareil. lement leur feut refusé; et, après che, lui prièrent que il les voulsist excuser, eulx et le commun, devers le roy et le dauphin son fils ; auxquels le capitaine respondit qu’il le feroit en temps et lieu. Apprès pluiseurs paroles, le capitaine leur conseilla que ils feissent ouverture au roy et à son fils, s'ils venoient en leur ville, comme bons subjects sont tenus et doivent faire. Il est vrai que, en brief temps, che qu’ils doubtoient advint; car le fils du roy, partant de Paris atout trois mille combattants, alla au Pont-de-l'Arche; duquel lieu il envoya larchevesque faire savoir à ceux de la ville sa venue, afin qu’ils luy feissent ouverture ou obéissance ; et, quand l’archevesque feut venu à la porte, il trouva aulcuns chanoines de l’église armés avec les bourgeois de la ville, auxquels il exposa le mandement du daulphin. Et ils respondirent qu'il n’entreroit dans la ville à toute sa puissance; mais s’il y vouloit entrer à petite com-
(1) Cachées,
pagnie, ils en estoient contents, et non aultrement. Adonc! l'archevesque, voyant qu’il ne povoit rien besogner, retourna vers le dauphin, et luy dit ce qu’il avoit trouvé et ouy. Et lors le dauphin manda Pierre de Bourbon, et parla à luy en luy demandant l’estat de la ville. Apprès pluiseurs paroles, le daulphin s’en alla à loger à Saincte-Catherine du Mont de Rouen; apprès ce, dit à Pierre de Bourbon, capitaine du chastel de la ville de Rouen : « Allez en vostre « chastel, et, par la porte des champs, recevez “ deulx cents hommes d’armes et autant d’ar- « chers que je vous envoyerai. » Laquelle chosé feut ainsi faicte : pourquoi ceulx de la ville feurent en grand doutance. Touttefois, en dedans trois jours ensuivant, le dauphin, par traicté, entra dans la ville atout sa puissance, et feut loger au chastel de Rouen; puis traita à ceulx de la ville, en leur pardonnant tous leurs mesfaicts, excepté les occiseurs du bailly.
Tantost après, le dauphin retourna à Paris, et, avant son partement, ordonna bailly de Rouen le seigneur de Gamaches, auquel il commanda prendre punition des homicides trouvés coupables par bonne information de la mort du bailly : et ainsi en feut faict de la mort des aulcuns. Mais Allain Blanchard se absenta certain espace de temps, et depuis retourna en la ville de Rouen, où il eut grand autorité et gouvernement, comme cy après sera déclaré.
