CHAPITRE LXXVIIL

Comment le duc de Bourgongne, avec une grande armée, s’en alla à Corbie et à Amiens, où le seignent de Chauny vint vers lui de par le roy; de ses instructious, et la response du duc de Bourgongne; et comment ledit seigneur de Chauny feut constitué prisonnier en la baslille à sou retour.

En ce temps, avoit lors le duc de Bourgongne mis sus une grande armée , atout laquelle il se tira devers Corbie ; et adveint, la nuict où il arriva à Corbie, que l’abbé de Corbie mourut. Puis s’en alla à Amiens, où ils crièrent Noël! à sa bien venue. Puis fit illec nouveaulx officiers devant son partement, car il fit le seigneur de Belloy cappitaine de ladicte ville , et le seigneur de Humbercourt fit-il bailly. En icelle ville d'Amiens veint à luy le seigneur de Chauny, qui luy apporta lettres du roy, signées de sa main, et luy dit : qu'il avoit charge du roy de luy enjoindre et deffendre qu'il n’allast plus avant et qu’il mist son armée jus, et retournast en son pays, et qu'il rescripvist au roy pourquoi il avoit fait ceste armée et assemblée. Auquel le duc de Bourgongne respondit : que obstant qu’il estoit son parent du costé de Flandres, il ne debvoit point prendre telle charge, ains s’excuser. Lors le seigneur de Chauny se jeta à genoux et se excusa le mieux qu'il pust, et ceulx aussi qui estoient entour le duc de Bourgongne le aidèrent à excuser. Si se appaisa le duc de Bourgongne; et jà-soit-ce que le cœur courroucé il eust dit au seigneur de Chauny que par luy il ne rescriproit point au roy, néantmoins, avant qu'il se partist, le duc de Bourgongne fut conseillé de luy bailler response par escript, à toutes les articles qui luy avoient esté apportées par le seigneur de Chauny;et se luy fit jurer qu’il les bailleroit à la personne du roy et non à aultres.

Le premier article de FPinstruction dudict seigneur de Chauny estoit et contenoit : que le roy et le daulphin estoient moult esbahis des manières que tenoit le duc de Bourgongne devers le roy et sa seigneurie.

Item, pourquoi ses gens faisoient guerre ouverte au roy et ses subjects, et font pis que ne font les Anglois, qui sont ennemis mortels du royaulme, entendu qu'il estoit cousin-germain du roy, et que toujours dit et confesse qu'il veut le bien du roy; et pourquoi il prend les serments des bonnes villes du roy, et les constraint à sa seigneurie.

Item, qu’il a faict accroire qu'il soit allié aux Anglois, et qu’il consent à déposer le roy de sa couronne; pour lesquelles causes le roy luy faict ces choses remonstrer, afin qu’il voulust faire son armée retourner; car il soit vraisemblable qu’il ne les tient sinon pour donner faveur, confort et aide aux Anglois, au préjudice du roy et de son royaulme.

Item, que s’il ne laisse sa manière de faire, il retournera reproche à luy et à sa génération, et ne ressemblera son bon père, qui luy exhorta à son derrain et luy pria moult, de toujours obéir au roy et à ses commandements.

Ilem, seront ces choses remonstrées par le seigneur de Chauny aux barons, chevaliers et escuyers estants avec le duc de Bourgongne; et seront instamment requis de par le roy que, en ensuivant les traces deleursbons et loyaulx prédécesseurs, ils se veullent tenir bons et loyaulx devers le roy, et que par mauvais conseil ils ne fassent chose qui leur tourne à déshonneur ou reproche.

Item, que si le duc de Bourgogne dit que ceulx qui gouvernent le roy luy font souvent, et luy ont faict aucunes duretés et choses qu'il ne peut ni doit souffrir, le seigneur de Chauny luy respondra, que pourtant ne doit-il point porter faveur aux Anglois, ni faire chose qui soit contre son honneur. En ceste matière pourroit-il bien procéder par manière plus honneste ; et aussi que le roy n’a pas la main close, qu’il ne soit bien enclin à luy faire graces et courtoisies, et à ceux qui sont en service, mais que ils fassent envers le roy ainsi comme ils sont tenus.

Ces choses ainsi, ou en substance, remonstrées au duc de Bourgongne par messire Aubert de Chauny, illuy fut respondu par ceulx du conseil du duc de Bourgongne, par escript, ainsi, ou en substance, que cy-après s'ensuit. Premièrement, au premier poinct, respond : Que voirement'estil parent et vassal du roy, et pourtant obligé au roy à le servir contre tout homme, et à ce a labouré et laboure encore, à celle fin que le roy et le royaulme soient bien gouvernés, et que réparations se fassent de ses maisons et de ses places, et de la justice de son royaulme , et de l'administration de ses finances ; de toutes lesquelles besognes ont esté, au pourchas du duc de Bourgongne, faites par le roy lesdictes ordonnances. De la rompture desdites ordonnançes, qui guaires ne durèrent, furent cause ceulx

MEMOIRÉS DÉ SAINT-REMY

Ct417)

qui cy-après seront nommés, lesquels sont des entours le roy, auxquels n’a pas suffi rompre et anéantir lesdictes ordonnances, mais sans cesse persécutent le duc de Bourgongne, et ses subjects, amis et bienveillants, en les destraisant de corps et de biens, contre l’honneur de luy et de sa postérité, jà-soit-ce que au saint concile de Constance eust obtenu une sentence pour soy, par laquelle il appert clairement de son bon droit et de la mauvaiseté de ses haineux.

Item, quant au poinct, touchant que les gens du duc de Bourgongne font guerre ouverte aux gens du roy, respond : Que quand il a veu ceulx qui sont entour le roy persévérer en leur rigueur, et qu’ils n’ont voulu entendre à nul bon régime ni a bien de paix, il fit ces choses sçavoir en pluiseurs lieux, et la volonté qu’il avoit au bien du royaulme, et la manière qu’il entendoit pour y remédier; et pour celle cause fit-il son mandement de gens d’armes, et que, graces à Dieu, il avoit avecques luy six mille chevalliers et escuyers pour servir le roy pour son grand bien, et trente mille combattants, tous bien veuillants du roy et de son royaulme ; et avoit trouvé ceulx des bonnes villes bons et courtois, connoissants sa bonne intention ; avoit aussi trouvé aucunes places pleines de pillarts et de larrons, dont il avoit le pays délivré ; et en icelles avoit commis preud’hommes, léaulx gens au nom du roy; lesquels, pour nulle quelconque chose, ne voulloient faire faute envers le roy. Sique touttes ces choses ont esté faictes au gré des bonnes villes qui sont au roy. Et respond qu'il a ce fait, afin que les subjects persévèrent en bonne volonté envers le roy et leroyaulme, et à la confusion et reprochedes empescheurs de paix et destruiseurs du royaulme, qui se trouvent entour le roy. Et ne l’a pas faict pour tollir au roy sa seigneurie et aide, comme dient lesdits haineux, mais trop bien que ces droits ou finances ne soient bailliées aux faux traistres et empescheurs de paix, ains soient confermées et gardées pour employer au bien du roy et de son royaume, en temps et en lieu. Et entend le duc avoir bien faict ; car tout ce qui vient ès mains de traistres a toujours mauvaisement et desléalement esté emblé ! au roy, et desparti entre eulx, à l'avantage des ennemis de France, comme chacun sait; et que son in-

(4) Enlevé. :

tention est, lui venu devers le roy, procurer que tels aides n’aient plus cours.

Liem, que le duc soit allié aulx Anglois, respond : que, sauve la révérence du roy, tousceux qui dient qu’ilestsermenté aux Angloismentent.

Et quant au point de rompre son armée, respond : qu’il n’en fera rien, et que, en ce faisant, il feroit mal, attendu qu'il est heure de assembler gens pour résister contre ses ennemis qui sont dedans le royaulme.

Tlem, que quant à ce qui lui a été remonstré, que il regarde à son honneur et aulx parolles que lui dit son père, respond : que, voirement, son feu père, voyant les iniquités, manieres et règnes de la cour de France, lui commanda servir le roy ; aussi est son intention d’entendre à la réparation et bonne réformation de ce royaulme. Et n’a pas faict ce soudainement ; mais toujours par très grand et meure délibération de conseil ; et partant lui semble que, s’il s’en déportoit, qu’il en seroit blasmé et reproché, et ceulx qui de lui issiroient.

Item, quant est du remonstrer touttes ces choses aux seigneurs de sa compaignie, respond : que, par leur bon conseil et pour le bien du royaulme, il a faict et encore faict tout ce qu'il a faict; et partant est bien content que tous le sachent, afin qu’ils connoissent mieux les iniquités de ceulx qui destourbent la paix et la bonne intention du duc de Bourgongne.

Item, quant au point touchant que ces remonstrances et deffenses soient faictes au duc de Bourgongne, respond : que il sait bien que telles deffenses ne viennent pas du roy ni de sa volonté, et que le roy l'aime et le désire à voir, et les faux traistres font faire couvertement ces remonstrances et deffenses. Aussi, attendu que les ennemis sont en Normandie, il n’est pas heure de rompre les armes, ains au contraire se doivent tous bons et loyaux subjects mettre sus, et eulx employer à la deffense du royaulme. Et quand ores ils n’y fussent pas descendus , si ne voudroit pas le duc de Bourgongne souffrir les faux traistres qu’ils demeurassent en tel gouvernement.

Item, quant à ce que le duc de Bourgongne voulut dire, que ceulx qui gouvernent le roy, c’est assavoir messire Henry de Marle, l’évesque de Paris, messire Tanneguy du Chastel, messire Burel de Dampmartin, maistre Etienne de Beauregart, maistre Philippe de Corbie, et

J. Du Ccerco ET Sr. REMY.