CHAPITRE LXXVIIL
pluiseurs aultres, ont esté principaux promoteurs et conduiscurs desdittes iniquites, à la perturbation de paix, et ont faict pluiseurs grands excès et crimes cy-après déclarés ; pour lesquels enchasser et boutter hors du gouvernement, le duc de Bourgogne s’est mis en armes, et ne cessera, tant qu’il ait la vie au corps, de poursuivre sa bonne intention, et non pas pour favoriser les Anglois, ni pour destruire le royaume.
Item, quant aulx graces que le roy doilt avoir faict au duc de Bourgongne, respond :
que l’appointement que fit le duc Guillaume de Bavière avec la royne et le conseil, du vivant du daulphin, fut provisoirement assez faict à son gré ; mais sitost que le daulphin fust mort, les traistres ostèrent dudit appointement ce qui n’estoit pas à leur gré; dont ce ne fust pas de merveilles si le duc n’en tint compte, quand mesmement le duc Guillaume estant au lit de la mort, quand il vit celle mutation ainsi faicte en leur appointement, à la charge et honneur du duc de Bourgongne, en fut si mal content, que il dit tout haut , que les traistres qui estoient autour du roy, estoient pires que nul ne polroit dire ni penser ; et promit adonc et jura au duc de Bourgongne, si Dieu le voulloit aider de celle maladie, qu'il le aideroit de son corps et de ses sujets à prendre punition des traistres : lesquels il réputoit si mauvais et si obstinés en leur dampnable affection contre le duc de Bourgongne, en disant qu'il leur avoit ouy dire que, si les Anglois venoient d’un costé à Paris, et le duc de Bourgongne y allast de l’aultre costé, que ainchois ! mettroient-ils les Anglois dedans Paris, que ne feroient le duc de Bourgongne. Ces paroles ici dit le duc Guillaume au lit de la mort, présents pluiseurs notables seigneurs.
Item, estoit vrai, que puis un petit de temps, iceulx gouverneurs du roy avoient faict ardoir publicquement au palais de Paris, les lettrespatentes du duc de Bourgongne, par lesquelles il offroit paix à tous ceulx qui le voulloient avoir avec lui. Finablement, lesdittes réponses estoient escriptes, que le duc de Bourgongne voulloit que chacun sceult que son intention estoit de persévérer en son bon propos, et qu’il ne le délaisseroit jusques à ce que il auroit eu
(4) Plutôt.
conseil grant avec le roy, et faict remonstrer au roy les iniquités, tyrannies, cruautés et inhumanités cy-dessus déclarées, la désolation du royaume et les manières qu'il convenoit tenir pour la réparation d’iceluy, tellement et tant que le roy et tous les bons subjects de son royaulme en debvroient estrecontents. Et combien que le duc de Bourgongne ait par lettrespatentes offert paix, ainsi comme ditest, et que ceulx d’entour le roy ne l’eussent pas à ce reçu, ains ayent contre lui persévéré en leur rigueur et toutte vengeance, pour le bien du royaulme, qui tant a besoin de paix et concorde, de confort et aide, il se offre de toujours estre prest et appareillé de vouloir paix à tous, selon la teneur de ses lettres.
Ces responses du duc de Bourgongne furent rapportées au roy et au conseil par le seigneur de Chauny, et, par escript, sur chacun point des remonstrances. Quand le scigneur de Chauny fut retourné, il fust accusé en plein conseil, avant qu'il fist son rapport, d'avoir baillé en pluiseurs lieux, à Amiens et à Paris, la copie de ses instructions et desresponses faictes par le duc de Bourgongne ; et lui en fut une copie leue et monstrée contre l'original, et fut trouvé que c’estoit tout un; dont le seigneur de Chauny fut fortement argué et reproché, attendu qu'il estoit du conseil du roy ; mais il s’en exCusa sur son clerc. Néanmoins il fut prins et mené en la bastille Sainct-Anthoine, où il fut longuement; c’est assavoir, jusques à la prinse de Paris; car les gouverneurs du roy estoient très déplaisants que les responses du duc de Bourgongne estoient sçues par tant de gens. Néanmoins, en persévérant en leurs obstinations, eulx advertis par lesdittes responses que le duc de Bourgongne ne se partiroit de son entreprinse, firent rescripre par le roy aulx villes et passages entre Amiens et Paris, qu’il ne fust receu, lui ni ses gens ; et, d’autre part, le connestable manda ses gens qui se tenoient en la frontière de Normandie, qu'ils venissent hastivement devers lui entour Paris, et les renvoya ès garnisons sur les frontières de Picardie, pour résister contre le duc de Bourgongne, qu'il ne venist à Paris. Ainsi donc les frontières de
Normandie furent abandonnées aulx Anglois, : Son passage par la ville de lIsle-Adam. Mais
pour contr’ester au duc de Bourgongne ; qui sembla à pluiseurs une estrange chose.
MÉMOIRES DE SAINT-REMY
