CHAPITRE LXXIX
de passer la rivière à batteaulx, et s’en alla len-
demain courre devant Senlis, dont messire Robert d’Esne estoit capitaine et bailly, lequel saillit sur les Bourguignons. Dont le commun de la ville fut si mal content que, la nuit ensuivant, le prinrent et mirent en prison, après qu’ils eurent tué huit ou dix de ses soudoyers; et tantost après le boutèrent hors de la ville et tousses gens; et puismandèrent ledit de Luxembourg, et le mirent dedans leur ville; et jurèrent foi et loyauté au roy et au duc de Bourgongne ; et fut Troullart de Maucreux constitué bailli de Senlis, par Messire Jehan de Luxembourg.
Quand le duc de Bourgongne eut le passage de la rivière d'Oise, et que il feut à l’Isle-Adam, il se en alla mettre le siége devant Beaumont ; lesquels enfin se rendirent à sa volonté ; et fut sa volonté telle, que il yen eut neuf qui eurent les testes coppées, et les aultres payèrent par finance. Puis, après ce faict, laissa au chastel bonne garnison, et envoya son avant-garde logier à Mal-Buisson, auprès de Pontoise, du costé devers Paris ; et s’en alla atout son ost, de l’aultre costé devers Beauvais, et fit les engins dresser devant les portes de Pontoise. Mais ceux de la garnison se rendirent , sauf corps et biens, et lui promirent qu'ils ne s’armeroient contre lui devant le jour de Noël; dont ils ne tinrent rien ; car sitost qu’ils furent à Paris, ils se mirent à la guerre. Le duc de Bourgongne entra à Pontoise, et en fit capitaine le seigneur de l’Isle-Adam. Tantost après,le duc de Bourgongneprit son chemin à Meulan; et quand
il eut passé Seine au pont de Meulan, il alle logier outre deux lieues en plein champ. Après fit mettre le siége devant la tour de Sainct- Cloud ; puis s’en alla logier sur une belle montagne, qui s'appelle Mont-Rouge ; et de là alloient tous les jours jusques devant Paris, et ceux de Paris sailloient souvent sur eux. Mais les Bourguignons couroient le plat pays à sept ou huit lieues arrière de leur ost, et ramenoient tant de vaches, brebis et bestes, que c’estoit pitié à regarder, avec aultres biens portatifs. Et le duc de Bourgongne, estant logé sur le Mont-Rouge devant Paris, envoya un hérault nommé Palis, qui depuis fut roy d’armes de Flandres, porter lettres missives au roy et au daulphin. Lequel hérault fut mené par le comte
d'Erminacq au daulphin, car au roy ne peult parler, et lui baïlla les lettres du duc de Bourgongne, en lui disant en bref la charge que il avoit de lui. Et le daulphin lui dit, instruit par son conseil : « Hérault, dit-il, ton seigneur de « Bourgongne, contre la vollenté de monsci- «“ gneur le roy et de nous, sa piécà gasté le « royaulme jen pluiseurs lieux, en continuant « jusques à maintenant de mal en pis. Il mons- «tre mal qu’il soit nostre bienveillant, comme «il nous escript. Et s’il veut que monseigneur « le roy et nous le tenons pour nostre parent, « et léal vassal et subject, qu’il voise ! à débou- «ter le roy d'Angleterre, ancien ennemi de ce “royaulme, et après vienne devers monsei- «“ gneur le roy, et il sera recu. Et ne die plus “que monseigneur le roy et moi soyons en « servage de personne nulle, car nous sommes “en nos libertés et franchises ; et garde que « tu lui dies ce que te disons publiquement de- «“vant ses gens.» Après ces paroles le hérault retourna, et dit à sonseigneur tout ce qu’ilavoit ouy; dont le duc de Bourgongne ne fit gaire de semblant, considérant que telles paroles venoient des gouverneurs du roy et du daulphin. Quand le duc de Bourgongne vit qu’il n’entreroit point dedans Paris, et que ses favorables qui l’avoient mandé pouvoient faire ce qu'ils désiroient , il s’en alla assiéger Mont-le-Héry ; mais ceux de dedans se composèrent à lui, de rendre la place s'ils n’estoient secourus dedans huit jours. Et pour ce qu'ils n’eurent point de secours, ils rendirent la place. Et tantost après se rendirent à lui les chasteaux de Marcoussy, Dourdan, de Piscau et autres du pays d’environ. Or advint que aucuns seigneurs de Bourgongne s’en allèrent devant le chastel d’Oursay, et affustèrent canons et engins, pour rom pre la place; mais le connestable leur vint courre sus, à un point du jour qu’ils de rien ne : se doubtoient ; et les rua jus, si qu’il print bien cinquante gentilshommes, et les aultres se retrayrent en leur ost. Entre ces ehoses, le duc de Bourgongne envoya seize mille combattants jusques à Chartres, laquelle ville se mit en l’obéissance du due de Bourgongne ; et aussi firent Gaillardon, Estampes, et aultrespluiseurs. Une autre compaignie fust envoyée à Anneau ; et la dame de la Rivière, qui estoit layens®,
(4) aille. (2) Dedans.
leur promist que, en ses places, ne mettroit homme en la nuysance du duc de Bourgongne.
Ainsi donc se mirent pluiseurs bonnes villes et chasteaux en l’obéissance du duc de Bourgongne, tout volontiers, pour ce qu’il ne leur souffroit payer tailles ni imposition, sinon celle du sel ; par quoy il acquit la grace de pluiseurs bonnes villes, si que tous désiroient qu’il eust le gouvernement du royaulme.
