CHAPITRE LXXX

Comment le duc de Bourgongne escripvit derechief lettres à plusieurs bonnes villes, et envoya ‘une cédule qui contenoit la substance de la proposition que ceulx du concile luy avoient faict faire par un docteur; comment il s'en alla devers Tours, au mandement de la royne, laquelle il ramena à Chartres.

Le duc de Bourgongne envoya pluiseurs let tres à pluiseurs bonnes villes pour les attraire à son amour. Par lesquelles ses lettres il leur remonstroit Île mauvais gouvernement du royaulme par la coulpe de ceulx qui sont entour le roy et daulphin, et comment, pour remédier à tant de inconvénients qui en viennent, il s’est mis sus en armes; et jà-soit-ce que il ait faict par pluiseurs fois sommer et advertir les gouverneurs pour mettre remède et réparation au royaulme , néantmoins ils n’y ont oncques voulu entendre ; mesmement, puis un peu de temps, luy estant logé près de Paris, avoit envoyé à Paris pour avoir accès et audience devers le roy. en luy offrant service de corps et de biens, et de toute sa puissance, mais son hérault ne put parler au roy; et luy feurent ses lettres rendues; et luy fut dit qu’il n’y retournast plus. Pourquoi son intention est de poursuivir son entreprise, quelque chose qui luy en puisse advenir, jusques à ce qu'il y ait bonne réformation au royaulme, et que lesdicts inconvénients cesseront , et que la marchandise puisse avoir cours au royaulme, et que justice soit maintenue ; et, mesmement, attendu qu’il est déclaré par le saint concille de Rome que à luy appartient avoir recours ès besognes du royaulme. Et finablement les sommoit par ces lettres, au nom du roy, et leur prioit et requéroit que ils voulsissent avoir advis sur les choses dictes, et prendre avec luy une conclusion honorable pour le roy, si que ses subjects puissent de lors en

avant vivre en paix et en justice. La substance

de la cédule enclose ès lettres estoit telle, que

un docteur nommé ‘maistre Lievin Nevelin

veint devers luy et luy présenta lettres de cré-

dence que luy envoyèrent les doyens des éves-

ques, le doyen des prestres, le doyen des dia-

cres-cardinaulx estans audict concille. Lequel docteur, venu vers luy, commenca sa proposition : Domine, refugium factus es nobis,

c’est-à-dire :« En ce temps dedéluge tu es nostre refuge.» Et puis, en déduisant la matière, compara le saint collége au roi David; et luy dit la manière qu’ils tenoient au concille, pour venir à l’union de l’église, et que toute la chrestienté estoit unie, excepté un grain de bled en un boissel, et nomma pour ce grain le comte d’Erminacq, qui tenoit encore la partie de Pierre de La Lune, lequel néantmoins estoit déclaré schismatique et hérétique, et tous ses adhérants et favorisants suspects de schisme et d’hérésie. Dit outre : qu’il estoit envoyé, non pas à luy comme duc de Bourgongne, mais à luy comme à celui qui représente le royaulme de France, et à qui en appartient le gouvernement, et non pas au roy, attendu son empeschement de maladie, ni à son fils, attendu son jeune age, ni au comte d’Erminacq, pource qu’il est réputé schismatique. Puis fit ledict docteur trois requestes au duc de Bourgongne. La première fut qu’il voulsist avoir le sainct concille et le pappe pour recommandés; la seconde, que, si aucuns avoient escript contre le sainct concille et collége, qu’il n’y voulsist ajouter foi ; et la tierce qu'il voulsist avoir et tenir pour agréable tout ce qui seroit faict au concille, tant sur eslection de pappe comme sur la réformation de l'Eglise.

Après ce que le duc de Bourgongne eust esté un espace de temps à Mont-le-Héry, il s’en alla devant Corbeil, et le asségia de l’un des costés, qui fut une grande folie, car toujours alloient gens de Paris enla ville de Corbeil sans danger. Et s’il y eust esté cent ans, ainsi qu'il y estoit, il ne l’eust point eu. Si levason siège et s’en alla à Chartres. La cause pourquoi il leva son siège si soudainement fut principalement, pour tant que la royne estant à Tours, si court tenue comme devant est dict, luy envoya prier, par un sien secrétaire, qu’il la voulsist deslivrer du danger où elle estoit, en luy promettant qu’elle s’en iroit avec luy. Pour laquelle cause le duc de Bourgongne s’en alla si hastivement

à Chartres, à Bonneval, à Vendosme et à Tours; mais quand il se trouva à deux lieues près, il envoya les seigneurs de Fosseux et de Vergy, à huict cents combattants, meitre em

busches à demi-lieue de Tours. Lesquels illec venus envoyèrent un certain message devers la royne, pour noncer leur venue; et tantost elle dict à ses trois gouverneurs qu’elle vouloit ouyr la messe en l’abbaye de Marmoutier, qui est dehors la ville de Tours. Ceulx luy desconseillèrent ; néantmoins elle les pria tant qu'ils la menèrent; et alors, ainsi qu’elle oyoit la messe, veint Hector de Saveuse, à soixante combattants , pour entrer en icelle abbaye.

Lors les gouverneurs luy dirent : « Dame, dé- « partons d'ici, voici Bourguignons ou Anglois « qui sont ici venus. » Et clle leur dit qu’ils se tenissent près d'elle; et entre tant, Hector entra dedans l'Eglise et alla saluer la royne, de par son maistre le duc de Bourgongne. Elle luy demanda où estoit son seigneur, il luy dit qu'il viendroit en brief devers elle. Adonc luy dit-elle, qu’il prenist ces trois qui auprès d'elle estoient, et qu'il s’en tenist seur. Et tantost l’un de trois, nommé maistre Laurent du Puich, s'enfuit par derrière, ct entra en un vaissel pour passer la rivière, mais il eut si grant haste qu'il se noya ; et les deux aultres feurent prins, c’est assavoir maistre Jehan Pichard et maistre Guillaume Thorel. Il estoit environ neuf heures au matin, et le duc y veint environ à onze heures; et y fit à la reine grand’ révérence, et elle à luy, en luy disant : « Beau cou- « sin, entre tous les hommes de ce royaulme, «“ je vous dois aimer, quand à mon mandement « vous avez tout laissé et m’estes venu déli- « vrer de prison. Pourquoi, beau cousin, ja- « mais ne vous fauldrai, car bien vois que « toujours avez aimé monseigneur, sa généra- “ tion, son royaulme et la chose publique. »

Ils disnèrent ensemble en icelle abbaye. La royne manda en la ville que elle et son cousin de Bourgongne y vouloient entrer. Le capitaine y différa un petit, mais néantmoins il se retrait dedans le chastel, et ils entrèrent dans la ville atout leurs gens; ct tantost après, au mandement de la royne, le capitaine ouvrit le chastel. Et puis, quand le duc de Bourgongne y eust séjourné trois jours, il commit à la garde du chastel Charles Labbe, à deux cents combattants, lequel jura et promit au duc de Bour-