CHAPITRE LXXXVI
Comment les Parisiens, gens de petit estat, au nombre de quarante mnille hommes, allérent en diverses prisons, et tuërent bien trois mille hommes, entre lesquels feut occis k comte d'Erminacq, connestable de France, plusieurs évesques et seigneurs ; comment la royne et le duc de Bourgouguc eutrérent dedans Paris; de pluiseurs aultres choses advenues; et conumment la ville de Compicngne fcut prinse des Dauphinvis.
Le douziesme jour ensuivant, ceulx de Paris de petit estat s'assemblèrent bien quarante mille hommes; et doubtants!queles prisonniers ne feussent mis à délivrance, s'en allèrent, comme bestes enragées, contre le gré de leur prévost et des seigneurs estants adonc à Paris, criants : « Vivent le roy et le duc de Bourgon- «“ gnC ! » à grant bruit à toutes les prisons, et tuèrent cepiers? et cepières et tout ce qu'ils trouvèrent de prisonniers, indifféremment, sans nul espargner, jusques au nombre de trois mille hommes; desquels et les plus principaux feurent : le comte d'Erminacq, connestable de France, le chancellier de France, les évesques de Coustance, de Bayeux, d'Evreux, de Senlis et de Saintes, le comte de Grampret, Remonnet de la Guerre, l'abbé de Sainct-Cornille de Compiègne, Hector de Chartres, Charlot Poupart, argentier du roy, et généralement tous ceulx quy estoient ésdites prisons, jàa-soit que pluiseurs y feussent pour desbats ou pour debtes, mesmement tenants la partie de Bourgongne. Et outre feurent occises plusieurs femmes parmi la ville, inhumainement, et laissées ès places où elles estoient occises. Ceste occision commença à quatre heures après minuit, et dura jusques à dix heures du matin du jour ensuivant. Icelles occisions et meurdres se firent, présents messire Jehan de Luxembourg, le prévost de Paris, le seigneur de Fosseux, le seigneur de l’Isle- Adam, et pluiseurs aultres, jusques au nombre de mille combattants, tous en armes et sur leurs chevaux; et n'y avoit si hardi quy osast dire d’entre eulx, sinon : « Mes enfants, vous faictes « bien. » Le corps du connestable, du chancellier et de Remonnet de la Guerre, feurent dénudés 3 en la cour du Palais, et liés ensemble ; et là demeurèrent trois jours en ce point ; et les mauvais enfants se jouoient à les trainer avant la cour du Palais. Et avoit le connesta-
(1) Craignant. (2) Geoliers. (3) Mis nus.
MÉMOIRES DE SAINT-REMY
ble osté de son corps une bande de son cuir, de deulx doigts de large, quy estoit une grant dérision. Et, au quatriesme jour, feurent mis sur beneaux 1 basses, et menés dehors Paris, et feurent enfouis avec les aultres en une fosse nommée la Louvière, auprès du marché aux pourceaulx. Iceulx communs de Paris, non assouffis de ceste occision, ne cessèrent, par plusieurs jours après, d’aller ès maisons de ceulx qui estoient notés avoir tenu le parti du comte d'Erminacq ; et prenoient leurs biens et les occioient sans merci; et s’ils hayoient un homme, luy faisoient entendre qu’il estoit Erminacq, et le tuoient. Et si aulcun hayoit un aultre, et il leur dist : « Voilà un Erminacq! » il estoit occis incontinent, sans que nul en osast parler.
Le duc de Bourgongne, ouyesles nouvelles de la prise de Paris, assembla hastivement ce qu’il peut avoir de gens,ets’en alla à Troyesdeversla royne,etmanda messire Jehan de Luxembourg et le scigneur de Fosseux, lesquels y allèrent à mille combattants. Puis se partirent de Troves en grand arroy, la royne et le duc de Bourgongne, et s’en allèrent à Paris; et y vinrent le quatorziesme jour de juillet ; et issirent de Paris plus de six cents hommes à cheval allencontre d’eulx, portant heucques ? bleues, et, par-dessus, la croix Sainct-Andricu, en licu de la bande qu'ils avoient long-temps portée ; et offrirent au duc de Bourgongne et à son nepveu, le jeune comte de Sainct-Pol, deulx bleucs heucques de velours à croix Sainct-Andrieu, comme ils portoient. À entrer en Paris, ils s’en allérent descendre à l’hostel de Sainct-Pol, où estoit le roy, qui les receut à grantjoie. Aulcuns jours après, se tinrent à Paris pluiseurs consaux sur le faict du gouvernement du royaulme. Le seigneur de l’Isle-Adam et le seigneur de Chastellus feurent faicts maréchaux, et messire Robinet de Mailly feut fait grand panetier de France; messire Carles de Lens feut faict amiral; maistre Eustache de Lattre feut faict chancelier ; maistre Philippe de Morvilliers feut faict premier président en parlement , et le duc de Bourgongne feut faict capitaine de Paris, et messire Charles de Lens son lieutenant ; et accordoit le roi tout che qu’on lui demandoit. Entre ces choses, un nommé Jehan de Vertaing, capitaine de Sainct- Denis , feut occis par douze compagnons, à la
(1) Tombercaux. (2) Robes.
Chapelle, entre Paris et Sainct-Denis; et en feut accusé messire Jehande Luxembourg, pour ehe que aulcuns de ses gens le tuèrent, c’est assavoir Lionnel de Wandonne, le bastard de Roubaix, et aulcuns aultres ; et en feurent ceulx de Paris si mal contents qu’ils saillirent aux champs, pour prendre et mettre à mort les facteurs, mais ne les trouvèrent point ; et convint ledict Luxembourg désavouer le faict. pour contenter ceulx de Paris.
Le duc de Touraine, daulphin de Vienne, feut induit par Tanneguy du Chastel, le vicomte de Narbonne, le président de Péronne, et aulcuns autres ses gouverneurs, de faire guerre au duc de Bourgongne,etse feit nommerrégentde France, nonobstant qu’il feust pluiseurs fois sommé par le roy, La royne et le duc de Bourgongne, deretourner aveceulx, et on lui feroit tout honneur. Mais il ne voult rien faire, ains au contraire se disposa à faire la guerre; et tant queunefois huit compagnons armés à la couverte s’en allérent à la porte de Compiengne, quy va à Pierrefons, et advisèrent leur point d'entrer avecques une charrette de bois; si tuèrent sur le pont ung des chevaux de la charrette ; par quoy la charretie demoura sur le pont, et ne put estre levée ; puis tuërent aulcuns des portiers. Et, à ung signe qu'ils firent, saillit de la forest le seigneur des Bosqueaux , à ! cinq cents combattants, etentrèrent en la ville, et crièrent : « Vive “ le roy et monseigneur le dauphin! » et tuèrent pluiseurs gens en leur venir. La ville feut fustée; et feurent pris et pillés tous ceulx quy tenoient la partie de Bourgongne; le seigneur de Crèvecœur et le seigneur de Chevreuse furent menés à Plerrefons, et eschappèrent par finance. Ainsi feut Compiengne prinse et conquise par les Daulphinois, lesquels se prirent à faire dure guerre ès pays du duc de Bourgongne.
