CHAPITRE XXXVL
Comment, après que le roy eust conquis tout le pays de la Normandie, il envoya ses gents d'armes en Guyenne; et des gents de guerre qu'il laissa pour garder ledict pays de Normandie, puis s’en relourna en sa ville de Tours.
Ainsy comme dict est cy-dessus feut reconquesté par le roy de France, Charles, septiesme de ce nom, et par les François, la duchié de Normandie, et toutes les villes et chasteaulx d’icelle mis en l’obéissance du roy de France, en ung an et six mois; quy peut sembler que ce feut grace divine que Dieu y entendit; car
1480} ôn n’a peu Veu nysceu que sy gratid'pays feust sitost conquesté ; lequel pays contient six grosses journées dé long et quatre journées de large, et y a dedans six éveschés, ung archevesque ét cent que villes et forts chasteaux, sans ceulx quy ont esté abattus, destruicts et desmolis par la fortune de guerre, laquelle y avoit duré l’espace de ‘trente ans, durant les grandes divisions quy avoient esté en France, tant à cause de la mort de Loys duc d'Orléans, quy feut occis en l’an quatre cents et sept, en la ville de Paris, et lequel estoit frère du roy Charlessixiesme, comme dela mortde Jehan duc de Bourgogne, lequel avoit aussy esté vilaine-
| : a ment occis à Montereau Faut-Yonne, en l’an
mil quatre cents dix neuf, desquelles guerres font mention plusieurs chroniques de ce parlants, quy en ce temps feurent faictes. On n'a point veu que sy grand pays eust esté conquis en sy peu de temps ny à moins d’occision de peuples et de gents d'armes, ny à moins de dommaige ; quy peut et doibt tournerfà la grande gloire et honneur du roy de France dessusdict, des princes et aultres seigneurs françois debvant nommés, et de touts aultres quy feurent en la compagnie du roy, au recouvrement de la duchié dessusdicte; et se feit icelle conqueste en l’année des grands pardons de Rome.
Quand le roy de France eut, ainsy que dict est, conquis toute la Normandie, il ordonna six cents lances et les archiers, c’est à scavoir : Chascune lance deulx àrchiers et ung coustelier, pour garder iceluy pays; et les aultres gents de guerre, il les‘envoya en Guyenne. Puis se partit le roy du pays de Normandie, et arriva au mois de septembre ensuivant en sa ville de Tours en Touraine. !
