CHAPITRE XXX V
Comment le seigneur de Cottivy, admiral de France, et le baïlly
de Troycs feurent lués durant lc siége de Chicrbourg, et comme la ville fcut mise en l'obéissance du roy de France.
Le siège estant devant Chierbourg, se gou- (1) Domfront. |
vernèrent grandement, honnorablement et valliamment les François quy là estoient, et oppressèrent fort ceulx de dedans de trenchis, mines et aultres oppressions, où feut tué d’ung canon, messire Pregent de Cottivy, seigneur de Raix et admiral de France; quy feut bien grand dommaige; car il estoit l’ung des vaillants chevalliers et bien renommés de la France, prudent homme et de bon age. Et pareillement feut en la ville tué d’une coulevrine Thomas le Bourgeois, bailly de Troyes, lequel estoit vaillant bomme de son corps, à pied et à cheval, de grande conduicteet bien cognoissant la subtilité de la guerre. Icelle ville de Chierbourg feut fort battue de canons et bombardes, et le plus subtilement que homme veist. Du costel de la mer, y euttrois bombardes rompues et ung canon, et y feurent faictes de belles et grandes armes; et tellement que Thomas Gruel, Anglois, composa et traicta de rendre la place, dont il estoit capitaine, moyennant qu’on luy délibvreroit son fils, quy estoit hostaige pour sa part de l'argent quy estoit deu au roy de France et à ceulx de Rouan, pour la composition qu’avoit faicte le duc de Sombreset, luy estant à Rouan; lequel luy feut rendu et quicte. Puis délibvra La ville et chastel de Chierbourg au roy de France ou à ses commis, le douriesme jour du mois d’aoust, audict an mil cinq cents et cinquante. En laquelle ville ils estoient bien mille combattants anglois, soubs iceluy Thomas Gruel, lesquels s’en allèrent leurs corps et biens saulfs. Après ce en feut capitaine pour le roy de France le seigneur de Bueil, atoutquatre-vingts lances; lequel avoit esté fait nouvel admiral de France, par le trespas du seigneur de Cottivy, quy en son vivant estoit capitaine deGranville, dont feut capitaine après sa mort messire Jehan de Lorraine, atout cinquante lances.
