CHAPITRE LXXX VIT

cause de entretenir la paix et amour, ensemble pour le bien de leurs subjects, pour ce que leurs seigneuries tiennent l’un l’autre. Et tantost après, la paix feut faicte entre Jehan de Bavière et sa niepce. Et depuis, comme le due de Brabant et la comtesse sa femme résidoient à Mons, en Haynault, il feut un jour qu'il alla chasser ; et vint à son hostel messire Evrard, bastard de Haynault, frère à la duchesse, et aucuns aultres avec lui ; et de fait appensé, tuèrent le gouverneur du duc de Brabant, nommé Guillaume de Berghe, qui lors estoit couché malade sur un lit; dont le duc fut moult courroucé, mais enfin sa femme le rappaisa ; et feut adonc commune renommée qu’elle en estoit bien consentante.