CHAPITRE LXXX VIII

Comment les vicaires de l'évesque de Paris révoquèrent cn plein scrmon la condamnation qui autrefois avoit esté faicte contre maistre Jehan Petit, en réparant l'honneur du duc de Bourgongne; comment Lagny-sur-Marne feut prinse ct reprise ; ct de la grand” peste qui régna dans Paris.

En ce temps feut faicte à Paris une procession générale, où estoient ceulx de l’université, et principalement les vicaires de l’évesque de Paris, lors malade à Sainct-Omer. Lesquels vicaires revoquèrent là, en plein sermon, présents ceulx qui là estoient, la condamnation que ledit évesque avoit faicte autrefois contre la proposition de maistre Jean Petit, contre

| l'honneur du duc de Bourgongne, en réparant,

quant à ce, son honneur et loyauté, comme vrai champion de la couronne de France ; et firent apparoir du pouvoir qu’ils avoient de l'évesque en ceste partie; et tant que le duc de Bourgongne feut content.

En cetemps, prinrent les Daulphinois, qui se tenoient à Meaux, Lagny-sur-Marne, par faute de guette, et y firent beaucoup de maux; mais ceulx de la garnison se sauvèrent en une tour, etenvoyèrent prier au duc de Bourgongne qu’il leurenvoyast secours. Si yenvoya le seigneurde l'Isle-Adam, lequel, par le moyen d’icelle tour, entra dedans la ville, et mit à l’espée la plus grand’ partie des Daulphinois; puis laissa bonne garnison en la ville, et s’en retourna à Paris.

Tantost après, vint à Charenton le duc de Bretagne, pour faire la paix entre le daulphin et le duc de Bourgongne, mais ils ne se purent accorder ; si s’en retourna le duc en Bretagne,

Ils s’assemblèrent à Charenton, comme dit est, pour cause de l'épidémie qui régnoit adonc à Paris, si grand’ que, par le rapport des curés, il mourut ceste année, dedans Paris, plus de quarante mille personnes. Et moururent de ceste pestilence le prince d'Orange, le seigneur de Fosseux, messire Jehannet de Poix, le seigneur d’Auxy et autres gentilshommes, serviteurs du duc de Bourgongne.