CHAPITRE XCI
« vous, et contre vous, seigneur de Bourgon- «“ gne, quy avez le gouvernement du roy et de « son royaulme, le grand haro; lequel cri signi- “fie l'oppression qu’ils ont des Anglois; et « vous mandent et font sçavoir de par moy « que si, par faute de vostre secours, il convient « qu'ils soient subjects au roy d'Angleterre, “ vous ne aurez au monde pires ennemis, et « S'ils peuvent, ils détruiront vous et vostre gé- « nération. » Telles et semblables paroles remonstra ledit prestre au roy et à son conseil; et après qu’on luy eut promis de y pourvoir au plus brief que on polroit, il s’en retourna le mieux qu’il put, portant les nouvelles à iceulx assiégés. Et brief ensuivant, le roy et le due de Bourgongne envoyèrent leurs ambassades au Pont-de-l'Arche vers le roy d'Angleterre pour traictier de la paix ; et alla avec lesdits ambassadeurs le cardinal des Ürsins. Allencontre desquels vinrent, de par le roy d’Angicterre, au lieu du Pont-de-l'Arche, le comte de Warvick, le chancelier d'Angleterre, l’archevesque de Cantorbie, et aultres du conseil du roy. Et dura ceste ambassade environ quinze jours, durant lequel temps allèrent ambassadeurs devers le roy d'Angleterre à son siége devant Rouen. Si feurent du roy et des princes honora blement reçus; et avoient porté lesdits ambassadeurs la figure de madame Katherine, fille du roy de France, laquelle feut présentée au roy, et luy plut très bien. Toutefois, pour ce qu'il fit trop forte demande, comme il sembla aux François , c'est assavoir que on luy donnast la fille du roy, dix cent mille escus d’or, la duché de Normandie, dont déjà il avoit conquesté la plus grand” partie, la duché d'Aquitaine et la comté de Poitou avec aultres seigneurics, sans tenir en ressort du roy, rien nese put accorder. Et aussi les ambassadeurs du roy d’Angleterre firent response quele roy n’estoit point enestat ; pourquoy ils ne purent traiter avec eulx; et dirent que le daulphin son fils n’estoit point emprès du roy; et que au duc de Bourgongne n'appartenoit point traictier de l'héritage du roy. Après lesquelles choses le cardinal et les ambassadeurs s’en retournèrent devers le roy, qui nouvellement estoit à Ponthoise, avec fa royne et le duc de Bourgongne ; et racontèrent l'estat de leur ambassade ; et en brief temps s’en retourna le cardinal en Avignon, devers le pape Martin, pource qu'il sentoit assez qui rien
ne polroit accorder entre les parties. Et adoncques ceulx de Rouen scachants assez de la rompture de l'ambassade d’entre les deux rois, voyant que leur secours mettoit longuement à venir, prinrent ensemble conclusion de saillir hors de leur ville à puissance, et combattre ung des siéges du roy d'Angleterre ; mais avant che, boutèrent hors de leur ville plus de vingt mille povres gens, hommes, femmes et enfants quy n’avoient que vivre, dames, damoiselles et hommes vieils, dont ils ne se povoient ayder.
Quand ils les eurent mis hors des portes, le roy d'Angleterre, qui de che feut tost adverti, y envoya gens d'armes et archers, quy par force de traicts que lentement tiroient sur icelles gens, force leur feut de eulx retraire dedans les fossés de la ville, où ils feurent l’espace de trois jours ; et tellement se demenoient de pleurer et crier, et aussy que pluiseurs femmes accouchèrent d’enfant dedans les fossés, que c’estoit piteuse chose à le voir; tant que en la fin, ceux de la garnison ct les bourgcois de la ville feurent constraints, par pitié et compassion qu’ils eurent d’eulx, de les remettre dedans la ville. Par quoy mortalité et famine s’y bouta si grande que bien trente mille personnes, que hommes, que femmes, que enfants, y moururent. Ceulx de la garnison appercevants que leurs vivres amoindrissoient, et aussi que leur secours estoit lointain, comme dessus est dict, se mirent dehors la ville dix mille bons combattants et la ville gardée; et quand tout feut prest pour accomplir leur entreprinse, et que déjà en avoit sailly bien deux mille, cuidants que les aultres les debvoient suivre par la porte devers le chastel, où ils commencèrent à issir, il advint que aulcuns Anglois feurent advertis de leur saillie; tant que par nuict firent soier! atout soieries? sourdes les estaches5 qui soutenoient le pont; parquoi, tantost qu’ils commencèrent à marcher sur ledit pont, ceulx quy estoient de ceste heure dessus cheurent ès fossés; une partie feurent morts et les aultres blessés; et de che feurent esmerveillés, non sans cause. Lors iceulx, voyants ceste adventure, se retrairent tantost à une aultre porte, pour secourir et ayder leurs gens qu’ils scavoient en . danger; et les firent retraire et rentrer dedans la ville. Mais avant qu'ils les pussent ravoir, perdirent beaucoup des leurs. Toutefois ce ne {1} Scier. (2) Scies. (3) Pieux.
MÉMOIRES DE SAINT-REMY
—e——— mm
feut pas sans porter grand dommaige aux Anglois; et estoient en adventure, si ledit pont n'eust esté soié!, de leur faire beaucoup de mal. Aprés laquelle besongne on commenca à murmurer fort contre l’honneur de messire Guy le Boutciller, qui feut mescreu? d’avoir faict soier ledit pont, et d’en avoir adverti les Anglois; et tost après ceste besongne, trespassa par maladie le bon Laghen, bastard d’Ally, pour la mort duquel ceulx de la communauté feurent fort desconfortés; car, comme dit est, ils se fioient plus en luy que en nul des aultres capitaines, pour la vaillancc quy estoit en luy.
Or lairons à parler de ceulx de Rouen, et retournerons à parler ung peu du roy et de ceulx de sa partie.
