CHAPITRE XCI
Comment le roy d'Angleterre asségia la ville de Rouen, et comment il fortifia son siége; de plusieurs choses quy adviurent pendant ledit siége ; des ambassades des deulx roys, qui ne se peurent accorder et partirent sans traictier la paix.
En ce temps feut envoyé enla cité de Rouen, de par le roy et le duc de Bourgongne, pluiseurs Capitaines pour aidier les habitants d’icelle à défendre ladite ville et garder contre le roy d'Angleterre, duquel ils attendoient
de jour en jour à avoir le siège; c’est assavoir messire Jehan de Neufchastel seigneur de Montagu, messire Anthoine de Toulonjon, le bastard de Thian et pluiseurs aultres. Avec ce y estoit auparavant messire Guy le Bouteillier, natif du pays de Normandie, capitaine-général de la ville, et le bastard d’Ally ; lesquels capitaines, tous ensemble, povoientavoir quatre mille combattants ou environ, tous gens à l'eslite. Et si estoient les citoyens bien seize mille hommes bien armés et habillés selon leur estat, prests et désirants de eulx défendre contre ceulx quy mal leur voldroient. Après la prise de la bonne ville de Caen, et que le roy d'Angleterre eut faict fournir et réparer la ville de gens et d’artillerie, et commis capitaine de par lui, print son chemin devers le Pont-de-l'Arche; et pour l’asségier de tous costés, trouva manière de conquester la rivièrede Seine. Là feut faict chevalier le fils du seigneur de Cornouaille, quy ce jour acquit grand honneur. Et de faict conquirent les Anglois ladite rivière de Seine, et par conséquent en briefs après la ville et chastel de Pont-de-l'Arche. Quand le roy d’Angleterre eut prins la plupart des bonnes villes et forts chasteaux de la duché de Normandie, et que à chacune des places il eut laissé des garnisons, se partit et print son chemin vers la bonne cité de Rouen; mais au chemin ne demoura place ni fort chastel que tout ne mist à son obéissance. Tant exploita qu'il asségia la bonne ville de Rouen au mois de juin, avant qu'iceulx assiégés pussent avoir nouveaux grains. Son avant-garde se logea devant la ville, à minuit, afin que ceulx de dedans ne fissent aucune envahie sur eulx, et se logea le roy d'Angleterre à la maison des Chartreux ; le duc de Glocestre fut logé à la porte de Martinville; le comte de Warvick à la porte de Beauvais; le duc d’Exestre et le comte Dorset devant la porte du chastel; le comte Mareschal et le seigneur de Cornouailles à la porte du Pont. De l’autre costé de Seine feurent mis les comtes de Hantonne, de Salébry, de Kinte et le seigneur de Neufville ; et devant Saincte-Catherine-sur-le-Mont feurent mis aulcuns aultres barons d'Angleterre. Toutefois, devant que lesdits asségiants pussent estre fortifiés, feurent par pluiseurs fois envahis des assiégés; et y eut grosses escarmouches, tant d’ung costé comme d’aultre. Mais le roy d'Angleterre or-
MÉMOIRES DE SAINT-REMY
donna, au plutost qu’il pust, faire grands fossés entre la ville et son logis, sur lesquels fossés fit faire grosses hayes d’espine, pourquoy les Anglois ne povoient estre surpris ni travaillés, sinon par canons et par trait. Et en après, fist le roy d'Angleterre, en l’eau de Seine, à ung costé et à l’aultre, au jet d’un canon ou environ, près de la ville, tendre chaisnes de fer, dont l'une estoit d’un pied et demi dans l’eau, la seconde en la galite de l’eau, et la tierce estoit à deulx pieds dessus, afin que par-dessus batteaux les assiégés ne pussent avoir recours, et aussy qu’ils ne pussent vuider par le courant de l’eau. Et avec ce feurent faicts en pluiseurs lieux moult de fossés profonds en terre, pour aller de logis à l’aultre, sans estre atteint du traict des canons ou des aultres engins d'iceulx assiégés. D’aultre part, ceulx quy dedans Saincte-Catherine estoient, rendirent le fort au roy d’Angleterre par faute de vivres, et s’en allérent, tant seulement sauve leur vie, sans emporter rien de leurs biens. Si avoit en sa compaignie le roy d'Angleterre bien huit mille Irlandois, dont la plus grand’ partie alloit à pié, l’ung estoit chaussé et l'aultre nud; et povrement estoient habillés, ayants chacun une targeite et gantelets avec gros couteaux d'estrange façon. Et ceulx quy alloient sur chevaux n’avoient nulles selles, et chevauchoient sur bons petits chevaulx de montaigne, et estoient leurs peneaux assez de pareille facon que portent les blattiers? du pays de France. Toutefois ils estoient de petite défense au regard des natifs du pays d'Angleterre. Lesquels Irlandois souvent durant le siége avec les Anglois couroient la Normandie et faisoient maulx innumérables, ramenants en leur ost grands proyes ; et mesmement lesdits Irlandois de pied prendoient petits enfants ès bers 5 et autres, et montoient sur vaches portants lesdits petits enfants et bagues devant eulx; et feurent pluiseurs fois trouvés des François en tel estat. Pour lesquels courses, tant d’Anglois, Bourgongnons, comme Daulphinois, le pays de Normandie feut fort oppressé et le peuple destruit. En oultre, le roy d'Angleterre estant dans son siége fit dresser devant la ville pluiseurs grosses bombardes et aultres engins pour icelle confondre et abattre ; et pareillement les assié-
(1) Surface. (2) Marchands de blé. (3) Berceau.
gés, par toutes voies et manières qu'ils povoient adviser, grévoient ennemis et faisoient aussy pluiseurs saillies, lesquelles seroient trop longues à raconter chacune à plein ; mais pour vray iceulx asségiés se gouvernèrent très vaillamment. Durant lequel siége, Laghen, bastard d’Ally, qui estoit l’ung des capitaines de ceulx de dedans en quy ceulx de ja ville avoient plus grand’ fiance, ei avoit la charge et garde de la porte de Caux, devant laquelie vint un jour messire Jehan ie Blancq, lors capitaine de Harfleur de par le roy d'Angleterre, qui pour lors estoit le fils du comte Dorset; lequel requit audit bastard de rompre trois lances contre luy, lequel bastard luy accorda libéralement et prestement. Après qu'il feut armé, saillit hors, atout trente compaignons de pied ; et là, devant la barrière, coururent de grand’ volonté l’ung contre l’aultre. Mais ainsy advint que du premier coup le chevalier anglois feut traversé parmy le corps et porté jus de son cheval; et avec ce feut tiré dedans la ville par force, où il mourut tantost après; dont fut dommage, car il estoit chevalier de bonne renommée ; et fut le bastard courroucé de sa mort. Toutefois iceluy bastard eut quatre cents nobles des amis du mort pour rendre son corps.
Pour laquelle chose ledit bastard généralement de ceulx de la ville feut fort prisé et honore, et pour les biens et vaillances quy estoient en lui, car c’estoit celuy que on disoit quy faisoit les plus belles saillies sur les Anglois et quy plus leur portoit de dommages.
Ceulx de la ville avoient esté asségies une longue espace. Si se voyoient fort oppressés et leurs vivres amoindrir; si trouvèrent manière de faire une sortie, comme sur le soir, et boutèrent dehors un prestre agé ; lequel très subtilement et en grand adventure se partit, bien adverti de cc qu'il devoit dire au roy, de par les asségiés en Rouen. Le prestre moult subtil eschappa le mieux qu'il pust; et telle diligence fit que, sans nul empeschement, il vint à Paris. Lequel fit proposer sa légation devant le roy par ung docteur Augustin; et prit iceluy proposant son thesme, en disant : Quid faciemus, lequel il exposa moult sagement et authentiquement. Et après qu'il eut proposé la Charge à luy baillée, iceluy prestre dit au roy: «“ Princes et seigneurs, il m'est enjoint par les « habitants de la ville de Rouen à crier contre
