CHAPITRE XCIT

les battist et navrast très cruellement ; car, par l'espace de trois mois , ne feurent vendus quelques vivres sur le marché. Ce qui par avant le siège estoit vendu un denier, on le vendoit lors vingt, trente ou quarante deniers, et encore par nulle finance n’en pouvoit-on recouvrer. Pourquoi, comme dict est, il eut le siége durant, dedans icelle ville, moult de tribulations piteuses à raconter ; car, qu’il soit vrai, ladicte famine fut si grande que, pour une pièce de pain , belles jeunes pucelles se abandonnoïient. Les males fortunes et adventures seroient fortes à recorder et trop longues à escrire. Durant ce temps, messire Jacques de Harcourt et le seigneur de Moreul assemblèrent deux mille com battants ou environ, qu’ils menèrent à deux lieues ou environ près du siége, en intention de faire sur les Anglois aucune destrousse ; et de fait, se mirent en embusche en deux lieues du siége , assez près l’un de l’aultre pour voir les ennemis venir. Et après envoyèrent bien six vingt hommes d'armes, lesquels allèrent férir en un village assez près du siége, où il y avoit aucuns Anglois, qui tantost feurent morts ouprins, sinon aucuns qui par bons chevaulx se sauvèrent et fuirent en l’ost, très fort crians allarme, disans qu'ils avoient veu les Franchois en grant nombre. Si ordonna le roy d'Angleterre le seigneur de Cornouailles, à six cents combattants, pour scavoir que c’estoit; et sans s’arrester, s’en alla radement ; et brief trouva les courreurs François, lesquels, voyans les Anglois trop grand nombre, retournèrent par-devers leurs embusches , auxquels ils dirent la venue des Anglois. Les Anglois chevauchèrent très hastivement après eulx; et lors les Franchois estant en embusches se meirent les aucuns en ordonnance pour aller par -devers leurs ennemis, et les aultres tournèrent le dos et se meirent en fuite. Pourquoi, ce voyans les Anglois frappèrent dedans, et les meirent en desroy ; et feurent ce jour, que morts que prins, douze vingt! hommes d'armes francois, etles aultres se sauvèrent. Après ce, tourna le seigneur de Cornouailles au siége, très joyeux de sa bonne fortune, de laquelle le roy d'Angleterre et tous ses princes feurent moult joyeux. Si laisse à parler des Anglois, et retourne à parler du roy.

(4) Deux cent quarante.