CHAPITRE XCIIL
Du traictié que le roy d'Angleterre et ceux de Rouen fer rent, moyeunant lequel ils rendirent la ville audit roy, quy avoil esté en l'obeissance des Franchois deux cent et quinze ans.
Le roy, la royne et le duc de Bourgongne estans à Beauvais, commedit est, tinrent conseil pour scavoir quand ceulx de Rouen seroient secourus; mais, en la conclusion, fut avisé qu’ils n’estoient pas assez puissans pour le présent pour combattre le roy d'Angleterre ni lever le siége. Et pourtant on donna congié à la plus grande partie des gens d'armes qui estoient assemblés; et les aulcuns feurent mis en garnison sur les frontières, tant sur les Anglois comme contre les Daulphinois. Après lesquelles conclusions, le roy, la royne et le duc de Bourgongne se partirent de Beauvais et s’en allérent à Provins; pour quoy moult de gens feurent esmerveillés. Si furent tantost icclles nouvelles noncées à ceulx de Rouen; et leur fut mandé secrettement par le duc de Bourgongne : que ils traictassent pour leur salvation avecques le roy d'Angleterre, au mieulx qu’ils porroient, et que aultrement n’y pouvoient remédier. Et adonc, quand les nouvelles feurent espandues en public en icelle ville, iceulx assiégés feurent moult dolents. Si s’assemblèrent en la maison de la ville les plus nottables, pour scavoir comment ils se auroient à conduire devers le roy d'Angleterre. Et fut conclu, puisqu'ils avoient perdu l'espérance d'estre secourus, et qu’ils n’avoient nuls vivres, convenoit par nécessité qu’ils traictassentavecques leurs ennemis. Et envoyèrent un hérault devers le roy d'Angleterre, pour avoir un sauf-conduit pour six hommes aller devers luy, lequel leur fut envoyé. Si ordonnèrent à faire ceste ambassade deux hommes d'église, deux gentilshommes et deux bourgeois; et allèrent tout droit devers la tente du roy, mais ils feurent conduits par ses gens au logis de l’archevesque de Cantorbie, qui avoit la charge, avecqueslecomte de Warwick, de par Je roy, de traicter avecques eulx. Et après qu'ils feurent assemblés , il y eut plusieurs matières ouvertes, assavoir à quelle fin ils porroient venir. Mais, pour ceste fois, ne purent oncques obtenir quelque traicté, sinon que tous les hommes de la ville se missent en la franche volonté du roy d'Angleterre; et, sur ce, retour-
MÉMOIRES DE SAINT-REMY
nèrent dedans la ville, et firent leur rapport, lequel leur sembla moult estrange. Et fut dit par tous ceulx là estans, que mieulx aimeroient vivre et mourir tous ensemble combattans leurs ennemis que eulx mettre en la subjection du roy d'Angleterre. Si se despartirent pour ce jour sans rien conclure ; et le lendemain revinrent ensemble en moult grande multitude ; et après plusieurs parlemens, finalement feurent
tous d'opinion de mettre sur estaches de bois, un pan de mur par dedans la ville ; après, eulx tous ensemble, hommes, femmes et enfans armer. Quand ils auroient premier boutté le feu en pluiseurs lieulx parmi la ville, ils abbatteroient ledit pan de muraille ès fossés, et s'en iroient où Dieu les vouldroit conduire. Si se partirent, à intention, le lendemain, par nuict, mettre à exécution leur entreprinse. Mais il advint que le roy d'Angleterre fut de ce adverty ; et pour tant que son désir estoit d’avoir la ville entière à son obéissance, fit fainctement redemander les ambassadeurs par l'évesque de Cantorbie,avecques lequel, et aultres à ce commis, fut tant traicté que les parties furent d'accord par la manière cy - après déclarée, Premièrement fut ordonné que le roy d’Angleterre auroit de tous les bourgeois et habitans de laditte ville de Rouen La somme de trois cents quarante-cinq mille escus d’or, du coin de France , et trois hommes à sa volonté, lesquels furent dénoncés ; c’est assavoir maistre Robert de Luy, vicaire-général de l’archevesque de Rouen , lequel, durant le siége , s’estoit gouverné moult prudentement ; le second fut un bourgeois nommé Jehan Jourdain , qui avoit eu le gouvernement des canonniers; le tiers fut nommé Allain Blanchard , qui estoit capitaine du mesme commun. Etavecques ce, tous universellement jureroient au roy d’Angleterreet à ses successeurs de tenir foy et lovauté avec toutte obéissance, moyennant qu’il leur promettroit de les deffendre allencontre de tous ceulx qui force ou violence leur vouldroient faire; et avecques Ce , leur tiendroit-on leurs privilèges, franchises et libertés desquels ils possessoient du temps du roysainct Loys. En outre, fut ordonné que tous ceulx qui se vouldroient partir s’en iroient franchement, tant seulement vestus d’auleuns de leurs habits, et le surplus demourroit confisqué au roy d'Angleterre. En après, fut ordonné que tous les gens d'armes met-
troient généralement tous leurs biens en certains lieux déclarés ; et après qu'ils auroient fait serment au roy d'Angleterre d'eux point armer, un an durant , allencontre de lui, il leur feroit bailler sauf -conduit , et les feroit conduire outre des destroits, vestu chacun de ses habits accoutumés, tout à pied, le baston au poing. Après lesquels traictiés accordes et paraccomplis, et que le roy d'Angleterre eut pleigesd'’entretenirles choses dessusdittes, ceulx de la ville, en nombre compétent, allèrent quérir vivres à leur plaisir en l’ost du roy d'Angleterre. Lequel traictié fut du tout parfourni le 16e jour de janvier, l’an 14181, par un lundy ; et le jeudy ensuivant , entra le roy d’Angleterre dedans la ville de Rouen, en grant triomphe, accompaignié des seigneurs de son sang et autres. Et avoit un page derrière lui, sur un moult beau coursier, portant une lance, à laquelle d'emprès le fer avoit attaché une queue de renard , en manière de penoncel; puis alla logier dedans le chastel. Ainsi fut la ville et cité de Rouen conquise par les Anglois, laquelle avoit esté en l’obéissance des rois franchois depuis l’espace de deux cent quinze ans, que le roy Philippe, père? de sainet Loys, l’avoit conquise sur le roy Jehan d'Angleterre, comme confisquée, pour faute de relief, par Le jugement des pairs de France. Puis, quand vint le lendemain, le roy fit copper la teste à Alain Blan- Chart, capitaine du commun; et les deux aultres qui estoient en sa volonté furent depuis sauvés , en payant certaine somme de pécune.
Et après, fit issir la garnison tout à pied, comme dit est.
En icelle mesme saison, le roy fit envoyer grand’ garnison ès frontières contre les Anglois; d’autre part, les Anglois gastoient tout le pays par feu et par espée; et d’aultre part, les Daulphinois faisoient le cas pareil. Et quant aux gens du roy et du duc de Bourgongne ne se feignoient pas; et par ainsi, ce très noble royaulme estoit en divers lieulx travaillé et molesté, et merveilleusement oppressé par les trois parties dessusdites, et n’avoit le povre peuple comme nuls défenseurs, ni aultres recours que de eulx plaindre lamentablement à Dieu leur Créateur, en attendant sa grace.
(1) Et 1M9 n. st (2) Aïeul
