LEVRE 1, CHAP. XXX VII

générales par tout son royaulme, le quatorziesme jour d'octobre ensuivant, et de là en avant par chascun an, le quatorziesme jour d’aoust; et de ce envoya lettres-patentes aulx prélats par tout son royaulme, requérant de ce faire, et que en ce n’y olt faulte. Et pour ce que cy-dessus est assez parlé des assemblées des gents d'armes que les princes et seigneurs tenoïent et avoient, et comment l’ung avoit deux cents lances, l’autre trois cents, et ainsy plas ou moins, il est bon de faire entendre ce qu'on appeloit une lancé et quelle sieutet.

Vray est que, par l'ordonnance qu'il avoit mis

en son royaulme, laquelle rnontoit d'ordinaire,

sans les seigneurs, princes, seigneurs fiefvés et

arrière-fiefvés quy doivent servir le roy, à dix- sept cents lances. Et estoit chascune lance

d'ung homme d’armes, armé de cuirasse, har-

nas de jambes, sallades, bannière, espée, et

tout ce qu’il fault à ung homme armé au cler,

| ses sallades et espées garnies d'argent ; lequel

homme d’armes avoit trois chevaulx de prix, Pung pour luy, l’aultre pour son page quy portoit sa lance, le tiers pour son valet, lequel estoit armé de sallade, bringandine, jacquet ou haubergeon, portant hache ou guisarme ; et avoit avec ce chascune lance, deulx archiers a cheval, armés le plus de bringandines, harnas et sallades, dont les plusieurs estoient garnies d'argent. Du moins avoient iceulx archiers, touts jacquets ou bons haubergeons. Et payoiton touts ceulx quy estoient de ceste ordonnan-

ce de dix-sept cents lances, de mois en mois,

feust que le roy olt guerre ou non. Et les payoient les gens du plat pays et des bonnes villes, parune taille qu'iceluy royavoit mis sus, ce qu'on n’avoit oncques faict, laquelle on appeloit la faille des gents d'armes; etavoit chastun homme d’arme quinze francs, monnoie royale, pour ses trois chevaulx > à Sçavoir : pour luy son page et ung guisarmier ou coustellier ; et chascun archier, pour lui et son cheval, sept francs et demy le mois. Durant ceste conqueste de Normandie, touts les gentsd’armes du roy de Franceet quy estoient en son service, fuissent d’icelleordonnance ou non, feurent touts payés de leurs gages de mois en mois; et n'y avoit sy osé ne sihardy quy osast prendre, durant ladicte guerre ou conqueste de Normandie, prisonnier ny rançonner cheval ny autre beste quelle (1) Suite,

qu’elle feust, ny vivres en quelque lieu que ce feust sans payer, fuissent en l'obéissance des Anglois ou à ceulx de leur party, fors seulement sur icealx Anglois et gents tenants leur party quy estoient trouvés faisants guerre et en armes; et ceulx-là pouvoient-ilsbien prendre licitement, et leur estoit permis, et non aultrement. Touts ceulx pareillement quy gouvernoient l’artillerie estoient payés de jour en jour, en laquelle y avoit le plus grand nombre de grosses bombardes, gros canons, veuglaires, serpentines, crapeaulx d’eau, coulevrines et ribaudequins qu’il n’estoit lors mémoire d'homme avoir veu à roy chrestien, bien garnis de poudres, manteaulx, et toutes autres choses pour approcher et prendre villes et chasteaulx, et moult grande foison de charroys pour les mener, et des manouvriers pour les gouverner. Pour laquelle artillerie conduire et gouverner estoient commis messire Jehan Bureau et son frère, qui en feirent moult bien leur debvoir, et s’y gouvernèrent très grandement. Et à la vérité dire, durant ceste conqueste de Normandie, les plus des villes et chasteaulx eussentesté prinses d’assault et par force d’armes; mais quand les places estoient approchées et prestes à assaillir, le roy de France, Charles, en avoit pitié, et vouloit qu'on les prinst par composition pour obvier à l’'effusion de sang humain, et à la destruction du pays et des peuples quy estoient enclos en icelles forteresses.