CHAPITRE XXX VIII

Comment le seigneur d’Albreth desconfit ceux de Bourdeaux, et en occit quinze cents, et prit prisonniers douze cents; et de la prinse de maistre Jean Panchous, reccpyeur général du roy, et de sa condampnation.

Charles roy de France, venu en sa ville de Tours, feit prendre maistre Jehan Panchous, son recepveur-général de ses finances, lequel feut mis au chasteau de Tours; et luy meit-on sus qu’il avoit mal gouverné sa recepte, pourquoy il feut questionné par le conseil du roy; et par sa confession, feut trouvé avoir commis crime de lèze majesté, pour avoir prins en grandes et excessives sommes des deniers du roy, mesmement avoir fait certaines ratures. Pour lesquelles causes il feut condamné par la bouche du chancellier de France à tenir prison certain temps, et ses biens confisqués, desquels le roy donna une maison qu’il avoit faict en la ville de Tours au comte de Dunois; et oultre ce feut le

dict maistre Jehan Panchous condamné à payer au rot la somme de soixante mille livres.

Audictan, le dernier jour d'octobre, leseigneur d’Orval, le tiers fils du seigneur d’Albreth, et sa compagnie de quatre à cinq cents combattants, se partirent de Basas et allirent courre en l’isle de Medoche en Bourdelois ; et repeurent en ung bois deux lieues près de Bourdeaulx ; et lelendemain. jour de Toussaints, commeils feurent montés a cheval, leur vindrentnouvelles que ceulx de Bourdeaulx, tant gents de guerre que populaires, cstoientsur les champs en nombre de huict à neuf cents, tant de pied comme de cheval, pour eulx venir combattre. De ce adverti, le seigneur d'Orval pour tant ne laissa à faire son entreprinse, mais meit sesgens en bonncordonnance, attcidlants la bataille, combien qu'ils feussent en moindre nombre sans comparaison que les Bourdelois et Anglois ; et attendirent que ceulx de Bourdeaulx, desquels estoit conduiseur le maire de Bourdeaulx, les choisirent. Sy se mirent en ordonnance et leur vinrent courresus ; et là le seigneur d’Albreth et ceulx de sa compagnie se portèrent sy valliamment qu'ils les meirent en fuite et en occirent, tant en la bataille qu’en fuyant, bien dix-huit cents; et sy prindrent des

. prisonniers'bien douze cents hommes. Ce faict, le seigneur d’Albreth et ceulx de sa compagnie

s'en retournèrent en la cité de Basas dessusdicte. A ceste desconfiture feurent fort descartés et esbahis ceulx de Bourdeaulx et du pays environ.