CHAPITRE XL

Comment tout à ung mesme temps le comie de Dunois assiégea les ville et chastel de Bourg, le comte d'Albrelh assiégea la cité d’Arques, le comte d'Arminacq assiégea Rion, le comte de Ponthièvre assiégea Chastillon en Pierregort; et feurent toutes ces places rendues au roy de Frauce.

Après la rendition de la ville et chastel de Blaye, incontinent, sans intervalle, le comte de Dunois, avecques toute sa compagnie, alla mectre le siége devant la ville et chastel de Bourg, tant par mer que par terre. Et n’y feut ledict siège que cinq à six jours ; car quand ceulx de la ville, quy estoient dedans, veirent sy grande puissance et en sy belle ordonnance, aussy bombardes et canons sortir debvant eulx, avecques mines, approchements et trenchis, ils requirent eulx rendre, leurs corps et biens saulfs. Et estoient dedans, de la part du roy d’Angleterre et de ceulx de Bourdeaulx, de quatre à cinq cents combattants, dont estoit capitaine messire Bertrand de Montferrand, lequel, luy et ses gents s’en allèrent, leurs corps et leurs biens saulfs, en la ville de Bourdeaulx ; et demoura la place en la garde, de par le roy de France, de messire Jacques de Chabanen, grand-maistre-

(1) Bourbourg,

d’hostel de France Et ce mesme an, audict mois de may, le comte d’Albreth, avecques les seigneurs de Tartas et d’Orval, ses fils, lequel avoit en sa compagnie trois cents lances et deux mille arbalestriers, vint mectre le siège devant la cité d’Arques, du costel de devers Bourdeaulx, au bout du pont de la rivière de La Dourdonne. Etenviron dix àdouzeheures après que lesiége feut mis, vint le comte de Foix avecques le vicomte de Lautrech, son frère légitime, messire Bernard de Bierne !, son frère bastard; les barons de Nœuville, de Lattrydon*, de Roix et de Corasse ; messire Martin Gratien, capitaine des Espagnols ; Robin Petit-Los, capitaine des Escossois ; et plusieurs aultres chevalliers , seigneurs et escuyers, et gens de guerre, jusques au nombre de cinq cents lances et de mille arbalestriers; et meirent le siége devers Navarre et Bierne. Durant lequel siége il olt plusieurs armes d’ung costel et d’aultre, jusques à tant qu'il vintà leur cognoissance que ceulx de Bourdeaulx avoient intention de trouver le traictié avecques le lieutenant

du roy de France ou ses commis. Pour laquelle

cause, à la requeste du comte de Foix, ils feurent comparants en l’appoinctement que feirent ceux de Bourdeaulx. Et par ainsy la cité feut rendue en la main du roy de France, et commise à garder à quatre barons du pays de Bierne.

En ce mesme temps et mois, se partit le comte d’Arminacq de son pays, avecques le sieur de Poictraille et les quatre séneschaux de Toullouse, de Rouergue, d’Agenes5 et de Crécy#, et le séeneschal de Guyenne. Et avoit le comte en sa compagnie, tant desseigneurs dessusdicts que de gens de son pays, cinq cents lances et les archiers, avecques lesquels il vint mectre le siége devant une place nommée Royons.

Il feut par une espace de temps, en portant forte guerre aux ennemis du roy de France. Durant lequel temps, jà-soit qu’ils parlamentassent d’avoir appoinctement avecques ceulx de Bourdeaulx, sy faisoient-ils tousjours forte guerre les ungs contre les aultres, jusques à tant que ledict appoinctement feut faict.

En ce mesme temps et mois feut mis le siége debvant Chastillon en Perregort, par le comte de Ponthièvre, et le sieur de Jalloingnes, ma-

(4) Béarn. (2) Terride. (5) Agénois. (4) Quercy. (5) Rivm.

reschal de.France, aecompagnié de maistre Jehan Bureau, thrésorier de France ; et avoient en leur compagnie trois cents lances avecques leurs francs archiers, avecques grosse artillerie et menue ; quy espouvanta tellement ceulx dedans, lesquels voyoient la puissance du roy de France, quy faisoit mectre plusieurs sièges ensemble , feirent traictié et composition aulx François, par lequel, leurs corps et leurs biens saulfs, ils partirent de la place, laquelle demoureroit ès mains du roy de France ; laquelle feut mise à garder à messire Jehan Bureau.

En ce temps se rendirent au roy de France ceulx dela ville de Saincet-Melon{, voyants

qu’ils ne pouvoient résister contre sa puissance; :

et feut la ville bailliée en garde au comte de Ponthièvre.