LIVRE I, CHAP. XXXIX
TR
d'armes. Lequel voyant ne pouvoir résister à la puissance quy estoit debvant luy, feit appoinctement aux François, par lequel la place feut rendue en l’obéissance du roy.
Audict an, le seiziesme jour dudict mois de may, après la rendition de Montguyon, le comte de Dunois alla mectrele siége debvant l’une des portes de la ville de Blaye. Et se joignirentavecques luy messire Pierre de Beauvoir, seigneur de la Bessière, lieutenant du comte du Maine et gouverneur de ses gents d'armes, et Geoffroy de Sainct-Belin, lesquels avoient en leur compagnie huict vingts lances, fornies d’archiers et guisarmiers. Et là trouvèrent messire Jacques de Chabanne, grand-maistre-d’hostel du roy de France, et Joachim Rohault, lesquels avecques leur compagnie se meirent du costel de devers le chasteau, et se meirent et logèrent à la Maladrerie; et avoient avecqueseulx deulx cents lances, et les archiers et guisarmiers, avecques deulx mille de francs archiers. Et là arriva par mer grande foison de navires, dont estoit Chief et gouverneur Jehan le Bouchier, général de France. Esquels navires avoit grande multitude de gents d’armes et de traict, et grande foison de vivres pour avitailler l’ost. Lesquels navires, en approchant le siège, trouvèrent devant la porte d’icelle ville cinq gros basteaulx bien armés, lesquels estoient venus de Bourdeaulx pour avitailler la ville de Blaye ; lesquels ils assaillirent tellement et si vaillamment que les navires des Francois meirent en fuite les Anglois, desquels il y olt plusieurs morts et navrés; et leur convint désancrer leursbasteaulx pour eulx enffuire; et les chassèrent les Francois jusqu’aulx portes de Bourdeaulx, puis s’en retournèrent avecques leurs navires au port de Blaye , affin que secours ne vivres ne peuissent entrer dedans ladicte ville; etainsy feut assiégée par mer et par terre de toutes parts. Deulx ou trois jours après ce faict, arriva devant ladicte ville le comte de Ponthieu, atout cent lances et trois cents arbalestriers, et se logea au siége du comte de Dunois. Durant icelluy siége feurent faictes des grandes valliances et approchements de mines, de fossés et trenchis; et feut la ville fort battue de gros engins, bombardes et canons, tellement que les murailles feurent abbatues en plusieurs lieulx dedans icelle ville. Pour la deffendre estoient les plus
(1) Receveur-général des Finances. (2) Penthièvre.
valliants gents de la duchié de Guyenne, tenants le party duroy d'Angleterre. Et environle vingthuictiesme jour du mois de may, environ ung peu debvantsoleilcouchant, à l'heure que sonne le guet, aulcuns archiers de la compagnie de Jehan de Meause, nommé le seigneur de la Mangonnerre, capitaine des francs archiers de Tourraine , et les gents de Pierre de Louvain, montèrent sur la muraille de la ville. Lors commença l’assault de toutes parts, tellement que la ville feut prinse. À laquelle prinse y olt des Anglois, que morts que navrés, deux cents ou environ, et se retrairent en grande haste le maire et lesoubs-maire de Bourdeaulx dedans le chastel de la ville, avecques eulx les seigneurs francois; et approchèrent aulcuns le chastel. Mais quand ceulx du chastel veirent qu’ils approchoient et qu'ils ne pouvoient avoir secours par terre ne par mer, ils prindrent traictié avecques les François et rendirent le chastel en l’obéissance du roy de France Charles VII de ce nom; et seretirèrent les maire et soubs-maire de Bourdeaulx, audict Bourdeaulx, leurs vies et bagues saulves.
