CHAPITRE CXXX VI

desdites che que m'avez escripts, que j'ay donné chose à entendre contre vérité, comme dict est, :

et selon que contiennent vos lettres-patentes ; et se faire ne le voullez, se voullez maintenir la devant dite parole ou chose quy puisse chargier mon honneur ou renommée, je suis prest et seray de me deffendre de mon corps contre le vostre, et de vous combattre, en l’ayde de Dieu et de Nostre-Dame, en prenant jour compétent et raisonnable tel que bon vous semblera, et devant très hault et très excellent, ct très puissant prince l’empereur, mon très chier sire et cousin, afin que vous et tout le monde voye que je vœul abrégier ceste matière, et garder mon honneur estroictement. Se miculx vous plaist, je suis content que prenez à juge mon très chier et très amé frère le duc de Bethfort dessusdit, lequel, par raison, ne debvez refuser, car il est tel prince que je scay que à vous et à moy, ct à tout aultre, il vouldroit estre droicturier juge. Et pour honneur et révérence de Dieu, et eschiever ! effusion de sang chrétien et la destruction du peuple, dont en mon cœur ay grant compassion, il doit à vous et à moy, quy sommes josnes chevaliers, estre plus convenable, ou cas que les paroles dessusdites vouldriez maintenir, que par nos Corps, sans plus, ceste querelle soit menée, afin que d'y aller par voie de guerre, dont il convenroit maint vaillant homme, gentil et aultre, tant de vostre costé comme du mien, finer leurs jours piteusement ; laquelle chose me desplairoit, se ainsy le me falloit faire ; et aussy debveroit-il à vous, veu que la guerre des chrestiens l’un à l’aultre doibt desplaire à tous bons catholiques; et à moy a-t-elle despleu et desplaist, se aultrement se polvoit faire. Hault et puissant prince, sur le contenu d’icelles veuillez faire response par vos lettres-patentes, et par le porteur de ceste ou aultre, le plus brief que faire se pourra, sans prolongier ces choses par escriptures ou aultrement, car j'ai désir que ceste chose prende briefment conclusion; pour mon honneur ne doy laissier ne laisseray que elle demoure en che point et sur ceste matière. Après la rescription de vosdites lettres, vous eusse plutost rescript et faict response, se n’'eussent esté plui-

(t) Eviter.

seurs grandes occupations, quy depuis me sont

| survenues et me ont retardé. Et afin que vous

apperre que ce vient de mon sceu et propre mouvement, j'ay escript mon nom à ces présentes, et à icelles ay faict mettre mon signet. Escript le douziesme jour de mars, l’an mil quatre cents vingt-quatre. » Dessous estoit escript : “ De par le duc de Bourgongne, comte de Flandres, d’Arthois et de Bourgongne. »