CHAPITRE CXXX VI
De la response du duc de Glocestre aux Icttres du duc de Bourgongue, par laquelle il lui accepta le combat et assigna jour.
Quand le duc de Glocestre ot veu les lettres du duc de Bourgongne, il n’en feut pas content; et, incontinent après, lui en rescripvist unes respondants, dont la teneur s’enssieult :
« Hault et puissant prince, Philippe, duc de Bourgongne, je, Honfroy, par la grace de Dieu, fils, frère et oncle de roy, duc de Glocestre, comte de Ha ynault , de Hollande et de Zélande, povre seigneur de Frise et grand chambellan d'Angleterre, jai receu vos lettres en forme de placquart à moi adressants; desquelles, afin qu'ils me apperre que le contenu vient de vostre sceu et propre mouvement , avez signé et yescript vosire nom, et à icelles faict mettre vostre signet. Desquelles, pour la greigneur partie réciter m'est aussi pou ou moins comme il estoit à vous des miennes à vous adressées, escriptes à Mons en Haynault, sinon en tant qu’elles font mencion du refus par moi estre faict, pour non vouloir ce discord appaisier, qui est entre mon cousin de Brabant et moi, qui est meindre que vérité; car mon cher et très amé frère le régent, duc de Bethfort, et tout le conseil de France scavent bien ce que j'en ai faict ; et aussi faictes-vous, si ignorer ne le voulez; et encore si le voulez, ne le pouvez. Ce que dictes que mensongièrement, par mesdictes lettres, vous ai mis sus aulcunes choses pourquoi me sommez et requérez par vosdictes lettres de rappeler et de dire ce que par les miennes dessusdictes escript vous ai, si vous laisse sçavoir que le contenu de mesdictes lettres je dis et tiens estre vray, et d’encoste icelles voeul demeurer, et desja est approuvé par ce que vos gens, et à vostre mandement, ont perpétré en madicte comté; ni pour vous ni pour aultre, ne
sera par moi rappelé; ains, a l’aide de Dieu, Nostre-Dame et monseigneur Sainct-Georges, le contenu de mesdictes lettres vous ferai de mon corps contre le vostre connoistre et gehir* estre vérité par-devant quelque des juges que vous eslirez, car tous deux me sont indifférents. Et pour tant que desirez la chose estre briefve, comme je fais pareillement, et que mondict frère est le plus près, je suis content de faire la chose par-devant luy, et le accepte pour juge. Et du jour que mettez en mon élection, je vous assigne Ce jour sainct Georges prochain venant ou aultre, à la discrétion de mondict frère, auquel, au plaisir de Dieu, je serai prest et n'y fauldrai. Et au cas que mondict frère ne voulsist sur luy emprendre la chose, je suis content qu’elle soit devant très hault et très puissant prince l’empereur; et pareillement si l’empereur ne le veult prendre, par-devant beau-frère Hondfroy ou aultre juge indifférent. Mais pour ce que je ne scai si vous voulez demeurer de près vostre signet, je vous somme et requiers que, par le porteur de ceste, m’envoyez vos lettres telles que par icelle m'avez envoyé, qui soient scellées sous votre scel, pareillement que du mien par ces présentes. Et quant audict duc de Brabant, se voulez ou osez dire qu'il ait meilleur droit que moi en nostre présente querelle, je suis prest de vous faire gehir de mon corps, au jour et devant ceulx que dessus, que j'ai le meilleur droit par la grace de Dieu. Escript en ma ville de Soingnies, le seiziesme jour de mars, l’an mil quatre cents vingt-quatre. »
Quand le duc de Bourgongne ot receu les deuxiesmes lettres du duc de Glocestre, par lesquelles donnoit à cognoistre qu’il ne demandoit aultre chose que la bataille estre faicte de corps à corps, et de eulx deux ensemble, il en fut moult joyeux, car aussi il ne demandoit aultre chose. Et de faict accepta et accorda le jour et le juge tel que le duc de Glocestre désiroit et vouloit, et adfin qu'il apparust de son vouloir, tous tels scellés que le duc de Glocestre demandoit touchant ladicte matière le duc lui accorda et envoya.
(1) Avouer.
MÉMOIRES DE SAINT-REMY
