CHAPITRE CXXXIX

Comment le souldan d'Egypte cet de Syrie envahist le royaulme de Cyppre, ou il feist de gros dominaiges.

Il est vrai que, combien que paix eust esté, par l’espace de treize ans, entre Le souldan, roy de Syrie et d'Égypte, et le roy de Cypre, advint que aulcuns maulvais felons et envieulx firent entendre au souldan que le roy de Cippre n’avoit pas bien entretenu le traictié de paix ; dont le soudan s’esmeult en yre, sy fort et sy légièrement, sans soy plus informer, que il manda six gallées armées, et, sans tarder, les envoya en Cippre; et vinrent arriver et descendre au port de Limesson, laquelle ville, par les guerres précédentes, eust esté détruite ; et se prirent les Sarrazins à entrer au pays, et faire grosse guerre de feu et de sang. Ils prirent gens et ardirent ladite ville de Limesson; mais la tour setinttant que le roi Janus, de Cyppre, l’eut faict faire bonne et forte; et se retrayrent layans! les chrestiens de ladite ville. Quand le roy de Cippre fut adverty de ces choses, il mist sus ung chevallier de Cippre, nommé messire Philippe Prévost , et lances, et aulcuns archiers; lesquels se allèrent à Limesson” ; et fist une escarmouche aux Sarrazins. Or estoit au mois de juillet, que l'air estoit tant chault que merveilles ; dont advint que durant ceste escarmouche messire Philippe leva sa visière pour soi ung peu esventer ; et lors soudainement il fut féru d’une flesche en l’œul , qui lui monta au cherveau, et chut là roide mort; et les Sarrazins, tout incontinent, lui coppèrent la teste, et prindrent les esperons ; puis se retrayrent en leurs gallées, pour le chault, et se retournèrent en Syrie, à peu de perte, et firent présent au souldan de la teste et des esperons du capitaine de Cippre, sur une lance, criant parmi la ville du Caire que ils avoient occis le frère du roy de Cippre, que l’en nommoit Henry, prince de Galilée, dont néanmoins ils mentoient. Pour ceste petite victoire , le souldan et les siens, en grand orgoeul, se délibérèrent de faire si grosse

(1) Dedans. (2) Limisol, :

MÉMOIRES DE SAINT-REMY

armée en la saison prochaine, que pour destruire le royaulme de Cippre. Or estoit, en ce temps, en la ville de Damas ung homme moult

‘renommé en prud’hommie et de saincteté, que

le souldan tenoit en grant révérence; et estoit cet homme bon amy au roy de Cippre, secrettement, comme il le montra depuis ; car il s’en alla devers le souldan, et le blasma de ce qu'il eust les gallées envoyées en Cippre; et tant que le souldan se repentist, et eust bien voullu que bonne paix y eust esté trouvée. Mais, doubtant que le roy de Cippre ne s’y voulsist point incliner, il n'envoya point devers lui pour ceste cause. Dont print le sainct homme sur luy de envoyer ambassade de son fils mesme en Cyppre pour traictier icelle paix; et arriva à Famagoste, que les Genevois” tenoient. Le roy de Cippre, adverty de cette ambassade, ne voult souffrir que ils venissent devers luy, mais y envoya de ses gens pour scavoir quel chose ils voulloient dire. Auxquels les ambassadeurs ne vouldrent rien dire, disant que se icellui fils du sainct homme povoit parler au roy de Cippre, que bonne paix seroit trouvée au profit du roy, grandement. Lors lui dirent les députés du roy que le souldan avoit faict grant follie de commenchier la guerre contre le roy de Cippre , et non - seulement contre le roy de Cippre, mais contre toutte la chrestienté. Er il respondit que le souldan estoit bien adverty du gouvernement de la chrestienté , et que le roy de France, qui tousjours avoit esté le chien au grant collier, dormoit pour le temps, et que peu ou néant doubtoit les chrestiens. Ainsi donc se retourna à Damas le fils du sainct homme, et récita à son père comment le roy de Cippre ne le voullut ouyr; dont le bon homme devint si mal content qu’il devint mortel ennemy du roy de Cippre, et conforta tousjours le souldan en lui affermant qu’il auroit victoire du roy de Cippre.

Au mois d’aoust 1425, le souldan fit son amas de Sarrazins, et à grand planté? de gailiottes, de gallées et de navires, touttes chargiés de gens et d'artillerie , se party de Syrie, et vint arriver dalez 3 Famagoste. Et lors estoit griefvement malade le roy de Cippre ; lequel néantmoins ordonna son frère, messire Henry de Luisegnem #, prince de Galilée, capitaine général du roy de Cippre, lequel se mist en ordonnance en

(4) Génois. (3) Quantité. (3) Près. (4) Lusignan.

approchant ses ennemis, lesquels couroient toutte la rivière de Cippre, à l'endroit de Syrie, en mettant en feu et en ruynes tout le pays où ils passèrent. Messire Henry, qui les poursuivoit toujours, les rataint ung jour en ung lieu nommé Salines; et lorsque il se fut disposé de leur livrer bataille par terre et par mer, il se trouva habandonné de ses gens, tellement que à peu lui demoura le quart de ses hommes.

Pourquoi le convint, par nécessité, retourner en la cité de Nicosie; dont se les Sarrazins en eussent esté advertis, ils eussent pu aller seurement jusques à ladite cité; mais ils poursuivirent toysjours la rivière jusques à Limesson, là où ils prinrent le capitaine et plusieurs aultres hommes et femmes , et menérent tout en Syrie. Et eulx venus devers le souldan, lui présentèrent le capitaine Ragonnet de Flioul, duquel le souldan pria moult queil voulsist laissier sa chrestiente et soi tourner Sarrazin, lui promettant que il le feroit grant seigneur , riche et puissant ; et il lui respondit que la loy des Sarrazins estoit faulse , et que il estoit content de morir en la foy chrestienne. Et lors le souldan incontinent le fit scier par le milieu , dont il mourut à grief martyre; et fut depuis commune renommée que plusieurs eulrent vu une couronne de feu descendre du ciel, en licu où le corps du capitaine avoit esté martyrisié et ars après sa mort.