CHAPITRE CXXX VIIL

Des remonstrances que le duc de Bethfort, frère du duc de Glocestre, feil faire au duc de Bourgongne, pour cmpescher le combat, à quoi ledit duc ne se volt consentir ; touttefois rien ne ensuivit, et ne retourna oncques puis en France le duc de Glocestre, furs que autour de Calais.

Après ce que le duc de Bethfort eust esté bien au long adverty des escriptures et débats d'entre le duc et le duc de Glncestre, et du jour que ils avoient prins pour combattre, envoya nottable ambassade de ses gens devers le duc pour le remercier de l’honneur qu'il lui avoit faict de le prendre son juge à l’encontre de son propre frère, le duc de Glocestre; et avecques ce, lesdits ambassadeurs feirent de grandes et honnorables remonstrances au duc, affin de l’esmouvoir, et qu’il fust content d’appoinctier avecques le duc de Glocestre sans combattre ; de laquelle chose le duc ne voulut rien faire. Et bien s’attendoit que le duc de Glocestre se trouvast devant le duc de Bethfort au jour que promis estoit. Mais il en fut autrement, car oncques puis en France n’entra, au moins plus avant que environ la ville de Calais. Et, pour appaisier et mettre au néant icelui débat, et aflin que le jour ne fust entretenu, et aussi pour garder l'honneur des parties, aussi avant que faire se povoit, le duc de Bethfort, alors régent de France, assembla le conscil de Paris,

“et des plus nottables, et qui mieulx se debvoient

congnoistre en telles matières. Auquel conseil furent leues lettres que les deulx ducs avoient escriptes l’un à l’autre. Et icelles veues, bien digerées et esbattues, et le tout veu, furent de advis tous ensemble que pour telles et semblables parolles n’y chéoit gaige de bataille. Et là estoient les ambassadeurs des deulx dacs de Bourgongne et de Glocestre présents; mais les ambassadeurs du duc en rien ne se voulloient contenter, ne eulx chargier de rien reporter au duc leur maistre de chose qui là euist esté faicte touchant ladicte matière. Et ceux du duc de Glocestre furent contents, et leur sem-

: bloit que le duc de Glocestre, leur maistre,

estoit bien déchargié. Et depuis icelle journée, n'ai point sceu que aultre chose en ait esté; mais on disoit bien en termes généraulx, que oncques puis ne amèrent l’ung l'aultre.