CHAPITRE CXLII
Comment la duchesse Jacques de Bavière trouva facon d'eschapper de Gand, et s'en alla en Zellande et Hollande, où elle feut receue comme dame; du secours que le duc de Glocestre luy envoya d'Angleterre; et comment le duc de Bourgongne les combattist et gaigna la bataille ; et d’aultres empriuses faictes audict pays ; et le trespas de la duchesse de Bourgougue, madame Bonne d'Arthois.
Bien avez ouy comment la duchesse de Glo-
tre fut menée de la ville du Mans à Gand, où . elle estoit gardée de par le duc, et peu de ses : gens avoit avec elle. Toutesfois elle trouva ma- :
nière de soi embler et issir de la ville de Gand, san: le sceu de ceulx qui la gardoient de par le duc; et s’en alla en Zellande, en la compaignie de deux hommes; et la receurent les Hollandois comme leur dame, dont les ungs se joignirent avec elle tout appertement, et les aultres n’osoient faire semblant pour cryme‘ du duc, lequel la feit quérir en maint lieu. Et en ce temps, assavoir en septembre, furent les nopces et sollempnitez faictes en la ville d’Athun , de monseigneur Charles de Bourbon, fils et héritier du duc de Bourbon, lors prisonnier en Angleterre, et de madame Agnès, sœur du duc; et y fut la duchesse de Bourgongne en personne, laquelle, sitost qu'elle fut retournée à Dijon, trespassa de flux de ventre, et fut moult plainte des Bour- gongnons, car moult l’aimoient. En ce temps, furent envoyées devers le Sainct - Père à Rome notables ambassadeurs de France et d’Angleterre , pour lui sommer et convocquier concille genéral , ainsi que promis avoit esté au dernier concille de Constance, pour achever les besongnes qui demourèrent à achever audit concille. Et d’aultre part, le régent envoya nouvelles ambassades en Bretaigne , devers le duc de Bretaigne, pour tenir et entretenir le serment qu’il avoit faict à Amiens; car on se doubtoit de lui, et il respondit que voirement il avoit envoié devers le roy Charles, mais ce avoit esté pour trouver paix finale s’il eult pu. Et comme il fut argué que ses gens portoient la croix droicte blance, comme les Daulphinois , il dict que il n'estoit pas si grant seigneur, ni tel que il peust à ses gens défendre ni constraindre qu'ils ne suivissent la guerre là où bon leur sembloit hors de son pays. Pour lesquelles responses rapportées au régent et au conseil du roy Henry d'Angleterre, ils délibérèrent de faire guerre au duc de Bretaigne ; mais il convenoit, premièrement, le régent aller en Angleterre pour appaiser le discort qui estoit entre le duc de Glocestre son frère et le cardinal de Vincestre leur oncle . et frère au duc d'Excestre. Et estoit leur débat pour ce que le duc de Glocestre voulloit avoir le gouvernement du roy Henry, et aussi fit le cardinal ; et pour ceste matière se tin-
{t) Crainte.
MEMOIRES DE SAINT-REMY
drent plusieurs consaulx ; et feut icelluy roy Henry, josne enfant , apporté pluiseurs fois en plein conseil, assis au siége royal; et ordonna illec , entre aultres choses, le comte Mareschal estre duc. Le parlement se tint à Londres. Le régent avoit avec lui, entre aultres conseillers, maistre Philippe de Morvilliers, premier président en parlement à Paris.
Comme devant est dit, la duchesse de Glocestre trouva manière d’eschapper de la ville de Gand, elle troisiesme, et s’en alla en Zellande ; et n’est pas à doubter que en grand diligence elle le fit scavoir au duc de Glocestre qui lors estoit en Angleterre , qui moult en fut joyeulx ; et pour la conforter et aidier, mist sus une armée de mille cinq cents combattants ou plus ; et estoient la plus part archiers ; et en estoit Capitaine ung chevalier d'Angleterre; lesquels promptement que ils feurent prestset adoubést, se mirent en mer pour descendre en Zellande, où il y avoit pluiseurs chevalliers , escuyers et aultres gens du pays, tenants le party de la duchesse. Or est vrai que lesdits Anglois montèrent en mer et vindrent descendreen Zellande. Pour laquelle cause le duc, atout quatre mille combattants environ, monta sur mer, cuidant trouver ses ennemis ; mais ils avoient déjà pris terre en Zellande, où ils trouvèrent de trois à quatre mille Zellandois qui se joignirent avecques eulx, dont le seigneur de Hamestede, son frère, et aultres estoient chiefs.
Quand le duc sceust de vrai que les Anglois estoient descendus, et les Zellandois joints aveques eulx, il se conclud de descendre de son navire pour les combattre, comme il feit. Mais sa descente estoit moult périlleuse, car la mer se commençoit à retraire. Parquoy les gros navires ne polvoient approcher de la terre; et falloit descendre dedans les battelerins; et les aultres s’alloient en l’eau jusques au col, laquelle chose estoit moult dangereuse, attendu que les Anglois et Hollandois véoient icelle descente près de combattre et rangiés en belle ordonnance et battaille, au long d'une dicque, laquelle ils cuidoient bien garder contre le duc; et se fortune ne leur eust esté contraire, ils avoient grand avantage, attendu qu'ils estoient hault, et le duc et ses gens estoient sur la grève de la mer. Touttefois, par
(1) Armés.
la grace de Dieu et la’vaillance du duc, ladicte
dicque fut conquestée. ‘A icelle entrée, y ot
pluiseurs hommes morts et navrés, tant d’ung costé que d’aultre. Anglois et Zélandois furent de tous points assaillis, et tant que la décontiture tourna de tous points sur eulx , et commenchèrent à fuir; mais la plupart d’eulx furent morts ou prins, tant sur la place comme en fuyant. De la part des Bourguignons, n’eult pas grant perte, sinon du seigneur de Vallins, Robert de Brimeu , et cinq ou six aultres hommes nobles. Après icelle bataille, le duc mit ses garnisons en pluiseurs places, tant de Hollande que de Zélande, et s’en retourna en son pays de Flandres, pour assembler gens pour retourner ès dessusdit pays de Hollande et de Zélande, comme il fist. Après le partement que le duc fist de Zélande , la duchesse de Glocestre, atout grosse puissance, assiégea le chastel de Hiellant, auquel estoit, de par le duc, ile damoisel de Halzembergue, messire Rollant d'Utquerque et aulcuns aultres gentils hommes et archers. Quand messire Philippe d’Utquerque, fils de messire Rollant, en fut adverti, doubtant que son père n’eust disette en ceste place, il assembla de ses amis en Flandres, tant que il eust bien six cents combattants , et les mena en Hollande, pour lever le siége ou entrer en ladicte place ; et de ce avoit adverty son père, et de l'heure qu’il y viendroit, afin que ceulx de dedans saillissent sur leurs ennemis, et que ils combatissent tous ensemble. Mais la duchesse, qui fust advertie de leur venue, et envoya partie de ses gens allencontre d’euix, les trouvèrent en un destroit près de la mer, et les ruèrent jus et en occirent pluiseurs. Mais messire Jehan, et aulcuns de ses amis, qui estoient derrière, se sauvèrent par fuite. Quand les Hollandois furent retournés devers leur dame, elle fist occire tous les Flamands, puis leva son siége, donna congié à.ses gens, et se retraict en la cité d'Utraicht. Entre ces choses, le duc eust grands consaulx en Flandres avecques le duc de Brabant sur ceste guerre, puis s’en alla à Boullongne, en pèlerinage, et retourna en Arthois, là où il leva grant aide d’argent , puis retourna en Flandre. Lors vindrent à lui pluiseurs capitaines de Bourgongne que il avoit mandés ; entre lesquels estoit le prince d'Orange. Si s’en alla en Hollande à peu de chevaux , et commencha à mener dure guerre contre ceulx J. Do Czerco er Sr. Remy.
