CHAPITRE CALIIEI

sur la mer, à cinq lieues près de Nicosie. Quand : entendants aussi que l’armée des chrestiens

ceulx de Nicosie sceurent lendemain ces nouvelles, ils abandonnèrent la cité, s’en allèrent hommes et femmes et enfants ; et ne demourèrent en la cité que polvres gens et impotents.

Entre ces choses, le roy fust mené à Salines, au navire des Sarrazins. Et estoit adonc au pays de Blaffle, en ung port ancré, le navire du roy de Cippre, dont estoit capitaine messire Jehan, bastard de Lusignan, et le navire du grand maistre de Rhoddes , où estoient grand planté de bonnes gens d'armes; mais ne polvoient avoir vent pour approchier Sarrazins, qui fust ung meschief ; car s’ils feussent venus avant, jamais les Sarrazins ne fussent descendus à terre. Mesmement estoit venu et arrivé à Baffle le bastard de Bourgongne, le seigneur de Roubaix , le Barbe de Nedoncel, à grant compaignie de gentilshommes pélerins, lesquels estoient tous désirants d'estre à ladicte bataille; et leur avoit le roy envoyé des chevaux. Mais tout estoit faict avant que ils partissent de Baffle ; et fust une grant faute au roy de soi tant haster qu’il ne les attendist point. Quand monseigneur le bastard de Bourgongne fut adverti de la déconfiture , il s’avancha de soi remectre en la mer pour rencontrer l’armée des Sarrazins à Salines. Le capitaine des Sarrazins, par terres’en alla à Nicosie , trouva la ville abandonnée, entra dedans sans contredit et se logea au palais du roy, puis fist crier que tout homme revenist sur le sien paisiblement. Si revindrent là tost en ceste cité plus de douze mille personnes. En ce point revint le vent bon pour les Franchois chrestiens, à aller par mer sur les Sarrazins, et se avancèrent tellement que ils virent l’un l’aultre. Mais le capitaine par mer des Sarrazins avoit jà mandé au capitaine par terre, à Nicosie , qu’il le venist secourir sur peine de trahison incontinent sans tarder ; et si avoit contraint le roy escripre au

capitaine général de son royaulme, et porta les

lettres messire Gassera dessus nommé, contenants qu’il ne fist quelque entreprise sur les Sarrazins, si chier comme il avoit la vie du roy ; car voirement les Sarrazins eussent le roy tué, se ceulx de Cippre les eussent envahis; et pour tant le capitaine ne se meut , dont néantmoins pluiseurs furent mal contents. Or estoient en celle armée des chrestiens une nove de pélerios, lesquels désirants acquerre los et honneur,

assauldroit celle des Sarrazins, se avancèrent sitost et si avant qu’ils ne peulrent retourner, et furent prins en la présenee du roy de Cippre, et furent près tous decoppés par pièces, comme l’on decoppe chair à la boucherie, car l’armée se fust retournée à Chermes ; d’aultre part, le capitaine des Sarrazins par terre, ouy le mandement de ses compagnons, pilla toute la cité de Nicosie, et y prist et emmena en captivité jusqu’à huit mille personnes; et fit bouter le feu dedans le palais royal, puis se alla à Salines, prenant les petits enfants des mammelles des mères, et les gectoient par les champs sur les espées moult inhumainement ; et quand leurs prisonniers ne pouvoientaller, ils leur coppoient les testes. Quand tous furent rassemblés à Salines, ils monterent en leurs vaisseaulx et remontérent en Syrie et en Egypte , et estoient les povres prisonniers liés deulx ensemble et faisoient traisner la bannière Nostre-Dame, le chief contre terre; et le roy mesme estoit sur un petit mulet , sans selle, loyé de chaisne de fer, et aux jambes grands fers et pesants; et en tel point le mentrent devant le souldan Baldador, et le firent agenouiller devant lui plus bas, par neuf fois, et baiser la terre à chaque fois. Lequel souldan estoit moult pompeusement habillé sur un bault, le feist estre plus d’une heure en sa présence en ce point; puis le fesit mener en une tour, où il Le feist tenir, et lui fist administrer tous vivres, excepté vin; mais les marchands chrétiens lui envoyèrent du vin secrettement, En ce mesme temps, un marchand génevois ! meu de pitié requist à ceulx de Cippre qu’ils voulsissent envoyer au Kaire, et que il avoit espérance que le roy retourneroit brief, par finance, à deulx cent mille ducats, par telle condition qu’il paieroit les ans pour fribu, à perpétuité, ax souldan, cinq tous paille ducats. En icelluitemps envoya le grand maistre de Roddes devers le souldan, pour faire mettre le roy à finances; mais c’estoit jà fait. Ainsi donques fut mis hors de fer le roy de Cippre ; et le mandoit souvent le souldan, pour deviser avecques lui, et moult lui exhortoit à laissier la foi chrestienne. Mais le roy lui fist tousjours si convenable response que le souldan fut si content de lui que souvent

(1) Génois. <

lui fesoit prendre collation avecqueslui. Finallement, le jour de la conversion Sainct-Pol, Janus, roi de Cippre, fut mis hors de prison, et le fist le souldan logier en la ville, et lui envoyoit souvent des beaulx chevaulx pour alleren esbat hors de la ville, où il alloit souvent bien accompaignié de Sarrazins. Et puis, quant la finance fut payée, il fut du tout délivré, et le ‘jour de: Pasques fleurie, ce seigneur monta sur une gallée au port d'Alexandre, que son frère esleu de Nicosie lui eult envoyée avecques la finance, en la compaignie de la gallée de Roddes, sur laquelle estoit l’admiral de Roddes: et s’en allèrent tout droict descendre à Chermes , là où le roy trouva tous les seigneurs et dames de son sang, avec la baronnie et noblesse de son rovaulme; lesquels les receurent moult révéremment, en louant Dieu de . ce que il estoit retourné de si grant péril, et puis s’en alla à Nicosic. Et après qu'il eust esté à l’église de Nostre-Dame rendre grâce à Dieu, il s’en alla logier à l’hostel du connestable de Jhérusalem, auquel il demoura toute sa vie; et depuis le trespas de la royne Charlotte ne cognust femme. Je layray à parler du roy de Cippre , et parleray de la duchesse de Glocestre.