CHAPITRE CXLIW

Comment les Hoïlandois furent desconfits des Bourguignons,

quy tenoient garnison à Hornes; et comment plusieurs villes quy tenoient de la partie de la duchesse se rendirent.

En ce temps mesme, les gens de la duchesse de Glocestre s’en allèrent à Hornes, à l’entrée de Frise, où estoient en garnison le seigneur de l’Isle-Adam, le bastard de Sainct-Pol, le seigneur de Humières et aultres, jusqu’à sept cents combattants ; et bien les cuidoient mectre à déconfiture, mais les Bourguignons saillièrent sur eulx si vaillemment qu'ils les meirent en tel desroy qu’il en cut, que morts que prins, bien cinq cents, et les aultres fuirent ; et, du costé des Bourgongnons, n’y feurent morts que le bâtard de la Viefville et dix archers. Le seigneur de l’Isle-Adam fut navré au visaige, et si olt la jambe perchiée d’une hache. Et, pour celle adventure fut l’effroy si grant du pays, que toutes les villes d'illec entour, du party de la duchesse, se rendirent en l’obéissance du duc ; et, vour ce que celles quy se fut rebellées

après le serment faict au duc, et qu’ils eurent esté au siège de Herle avecques la duchesse, icelle feurent contraintes de bailler pleiges des plus souffisants du pays, pour tenir tout che en quoy par le duc ils seroient condempnés pour leurs forfaits.