CHAPITRE XLII
Comment la ville de Bourdeaulx feut mise et rendue enla main du roy de France ; et de l'entrée que fcirent les gens du roy en ladicte ville de Bourdeaulx.
Après que les commis à faire le traictié de Bourdeaulx eurent besoigné avecques ceulx dudict lieu, ils retournèrent vers le comte de Dunois , lieutenant général du roy de France, le chancellier de France et aultres du conseil, et leur monstrèrent l’appoinctement, tant d’ung costel que d’autre , mis par escript; dont feurent fort joyeulx. Et feut la chose desclarée, l'espace de huict jours, comme dict est, après le dimanche à eulx octroyé par ledict lieutenant. Auquel jour ne leur vint ne comparut aucun secours; et néantmoins, contre Îles promesses faictes par ceulx de Bourdeaulx, eulx confiants toujours d’avoir secours, requirent jour de bataille. Lequel jour feut octroyé au quatorziesme jour de juing, pour illecq leur deffendre sy secours leur venoit par le roy d’ Angleterre, ou sinon ils promirent eulx rendre ledict jour. Auquel jour comparurent les dessus-nommés pour cuider combattre les Anglois, ou réduire la ville en l’obéissance du roy de France. Auquel jour ils feurent attendants la bataille jusques au soleil couchant ; et à celle heure ceulx de Bourdeaulx, véants avoir faulte de secours, feirent cri par ung hérault, lequel crioit : Secoars de ceulx d'Angleterre pour ceulx de Bourdeaulx ! auquel cry ne feut aucunement respondu, ne donné secours. Parquoy se partirent d’illecq icelles parties, et s’en allèrent logier, sans aultre chose faire pour icelle heure. Et le lendemain, le chancellier etle thrésorier de France avec plusieurs aultres retournèrent pardevers ceulx de Bourdeaulx ; lesquels appointérent que, le mercredy ensuivant, ils seroient tout prests de rendre la ville et bailler les clefs de touts chasteaux, havres, ports et barrières de la ville, et faire le serment d’estre bons et loyaulx subjects dès-ores-en-avant du roy de France, selon les promesses par eulx faictes. Et feut ordonné le thrésorier de France, pour les grandes diligences qu’il avoit faictes à la poursuite d’icelle duchié de Guyenne, maire
de la cité de Bordeaulx. Et pareillement feut
aussy,ordonné connestable dudict lieu Joachim Rohaut.Au mercredyensuivant,quy estoit prins pour rendre ladicte ville, feurent préparés les
‘seigneurs de Bourdeaulx et ceulx du pays, pour
plus honnorablement recepvoir le comte de Dunois comme lieutenant du roy de France, et La seigneurie estant avecques luy. Lesquels, ce jour, prindrent la possession de ladicte cité. Et entrèrent premiers, par ordonnance d’icelluy lieutenant, messire Thibault de Valpergue, baillv de Lyon, et messire Jehan Bureau, thrésorier de France, et maire d’icelle ville; aulxquels feurent bailliées les clefs de touts leslieulx forts estants en ceste ville. Et à l’entrée ne feurent point les francs archiers , à la requeste de ceulx de Bourdeaulx, mais feurent envoyés logier autour de Libourne. Icelle entrée de Bourdeaulx commença au soleil levant; et feut faicte par le hérault dudict lieu, où estoicnt les seigneurs de l’Esparre, de Montferrand, et plusieurs aultres nobles et notables seigneurs du pays; et touts les gens d’église feurent revestus en cappes, religieulx, chanoines, curés et aultres ; lesquels receurent honnorablement icelluy lieutenant du roy de France et sa compagnie. Et premièrement{commencerent à entrer les archiers de l'avant-garde; c’est à scavoir, mareschaulx et escuyers, quy estoient de mille à douze cents, dont estoient gouverneurs Joachim Rohaut, connestable de Bourdeaulx, et le seigneur de Piensac, séneschal de Toullouse. Apris, allèrent les hommes d'armes d’icelle avant-garde, touts à pied; lesquels gouvernoient les mareschaulx de Loheac et de Jalloingnes, estimés trois cents hommes d’armes; et estoient lesdicts mareschaulx très bien montés. Et après eulx alloient les comtes de Nevers et d’Arminacq, et le vicomte de Lautrec, frère du comte de Foix, quy avoit trois cents hommes de pied. Apres, entrèrent les archiers du seigneur de la Bessière, lieutenant du comte du Maine, de trois à quatre cents. Apres entra La bataille des archiers au nombre de trois mille; etles gouvernoient les seigneurs dela Bessière et de la Rochefoucault. Après entrèrent trois des seigneurs du grand conseil du roy: à scavoir, l’évesque d’Allet, maistre Guy Bernard, archidiacre de Tours, et après l’évesque duc de Langre, le chancellier dela Marche, etavecques luy aulcuns secrétaires du roy. Après entra messire Tristan L’Hermite, prévost des mareschaulx, avecques ses sergeants. Après, entrèrent quatre trompettes du roy, poursuivants et héraulx, portants les cottes d'armes du roy et
des seigneurs à quy ils estoient. Et après entra une hacquenée blanche, couverte d’ung velours cramoisy ; et avoit sur la crouppe ung drap de - velours azuré, semé de fleurs de lys d’or et de brodure; et sur la selle estoit ung petit coffret couvert de velours azuré, semé de fleurs de lys d’orfévrerie , dedans lequel estoient les sceaux du roy; laquelle hacquenée menoit ung varlet de pied ; et à chascun costel d'icelle estoient deulx archiers , vestus de livrée ; puis alloit le chancellier de France à cheval, quy estoit armé d’ung corset d'acier, et par-dessus une jacquette de velours cramoisy. Après, entra le sieur de Xantraille, bailly de Berry,etgrandescuyer d’escurie du roy, monté sur ung coursier couvert d’ung drap de soie; et estoit Je bailly armé à blancq, tenant l’une des bannières du roy ; le seigneur de Montigny, tenant l’aultre à senestre, monté sur ung aultre coursier ; et chevauchoient debvant le lieutenant du roy. Puis après entra le lieutenant du roy, monté sur ung coursier blanc, couvert d’ung velours bleu, chargié d’orfévrerie d’or, et estoit seul armé de harnas blanc. Et après luy venoient les comtes d’Angoulesme et de Clermont, armés de blancq, et leurs chevaulx couverts, leurs pages eteulx habilliés et montés richement. Puis entrèrent les comtes de Vendosme et de Chastres, avec eulx plusieurs barons et seigneurs richement habilliés. Et après eulx entra la bataille des hommes d'armes, nombrés mille cinq cents lances, lesquels gouvernoit messire Jacques de Chabannes, grand-maistre d’hostel du roy; et estoit à cheval tout armé, et son cheval richement couvert. Et après entrèrent les hommes d'armes du comte du Maine, nombrés cent et cinquante lances, lesquels gouvernoit messire Geoffroy de Sainct-Belin, de Chaumont en Bassigny. Puis entra l’arrièregarde, que faisoient les gents de Joachim Rohault, avecques lesquels estoient les gents d’armes du seigneur de Saincte-lraille. Et ainsy allèrent toutes les compagnies jusques au-debvant de la grande église ; et là descendit le lieutenant du roy, les comtes d’Angoulesme, de Vendosme, de Chastres, et plusieurs aultres. Et adoncques vint l’archevesque de Bourdeaulx à la porte d’icelle église, revestu en pontifical, accompagnié de plusieurs chanoines d’icelle église; et encensa le lieutenant, et luy feit baiser la croix et aulcuns aultres reliquaires ; puis le print par la
