LIVRE 1, CHAP. XLIL

main, et le mena dedans le chœur faire sa prière debvant l'autel grand. Avecques le lieutenant entrèrent les seigneurs dessus nommés ; et laissèrent les bannières du roy dedans l’église ; et l’oraison faicte des seigneurs, l’archevesque print ung missel, et feit jurer et promectre au licutenant et aux aultres seigneurs, que le roy les maintiendroit en leurs franchises et priviléges anciens. Et pareillement le lieutenant feitjurer l’archevesque, le seigneur del’Esparreet les aultres assistants de la ville, et aultres gents d’auctorité, qu’ils seroientàatousjours bons et loyaulx subjects du roy de France, et mesme toute la communauté; ce qu’ils accorderent touts à une voix, les mainstendues aulx saincts, comme on a accoustumé de faire. De ce serment feut exempté le captalde Bœuf!, quy pour lors estoit chevalier de la Jarretière, quy estoit l'ordre du roy d’ Angleterre. Et après le serment faict et la messe chantée, chascun se retira en son hostel pour disner; mais ne demoura guières après disner qu’il ne feust grand murmure en la ville, pour ung des gens du roy, lequel, après le cry faict solempnellement à son de trompe de par le roy, que nul ne prinst sur son hoste ny ailleurs aucunes choses sans payer, transgressa ledict commandement. Lequel feut prins par les gens du roy et condampné d’estre pendu, comme il feut; laquelle chose pleut moult à iceulx de Bourdeaulx et du pays. Au surplus, le lieutenant du roy feit faire ung gibet tout nœuf, pour pendre cinq compagnons de lost du licutenant, lesquels, en faveur de Guillaume de Flavy, avoient navré messire Pierre Louvain, chevallier, lu y estant au service du roy, et l’avoient espié par plusieurs journées pour le tuer. Et disoit-on que ce faisoient faire messire Charles, messire Hector et messire Raoul de Flavy, frères, touts chevalliers et frères audict Guillaume de Flavy, capitaine de compagnie. Lequel Guillaume, certain temps paravant, avoit esté meurdry par son barbier, quy luy avoit coppé la gorge, à la requeste de la femme dudict messire Guillaume.

Et après qu'il luy oltcoppé la gorge, en une place que on appelle... , entre Noyon et Compiègne, où il se tenoit communément, icelle dame print ung coussin et luy meit sur le visaige et l’estaignit. Et assez tost après, icelluy messire Pierre de Louvain vint au chasteau, et

(1) DeBuch, (2) Lacune dans le manusc rit.

emmena la femme dudict messire Guillaume ; laquelle tost après il espousa. Icelluy Guillaume, en son temps, avoit esté toujours tenant le party du roy, vaillant homme de guerre, mais le plus tyran et faisant plus de tyrannie et horribles crimes que on polroit faire : prendre filles malgré touts ceulx quy en volloient parler, les violer, faire morir gens sans pitié, et les noyer. Entre les aultres, il avoit fait morir le mareschal de Rouan, père de sa femme ; et combien qu’il feust viel et de soixante ans, fort gros, et sa femme belle et josne, de vingt à vingt-trois ans, sy avoit-il toujours des aultres jeusnes filles qu'il maintenoit en adultère; et avecques ce menacoit souvent sa femme; quy, par advanture, feut cause de sa mort. Toutesfois, à cause que sa mort feut villaine et déshonnesie, il en desplaisoit à ses frères ; et pourchassoient ce qu’ils povoient par justice que sa femme feust arse; mais oncques n’en peurent avoir raison à leur volonté. Ils avoient esté six frères, dont les trois avoient tousjours tenuleparty du roy et les aultres troisle party du duc de Bourgogne; c’est à scavoir, Jehan l’aisné, Charles et Raoul, le party du duc; lequel Jehan estoit l’aisné et très riche, et ne feut oncques chevallier ; aussy ne feut Guillaume quy estoit second et très riche. Ceulx qui tindrent le party duroy feurent ledict Guillaume, messire Charles, ehevallier, et ung aultre quy mourut ausiége de Compiègne, d'ung traict, estant à une fenestre. Toutesfois iceulx cinq compagnons feurent pendus. Et ainsy feut par icelluy lieutenant faict justice, dont ceulx de ladicte ville et cité feurent fort joyeulx ; car du temps qu'ils estoient ès mains des Anglois, il n’y avoit que voie de fait; à laquelle voie le plus sage du monde ne sçavoit que respondre.

En icelle ville et citéde Bourdeaulx, séjourna icelluy lieutenant par l’espace de dix jours ou environ, pour y mectre police et gouvernement; et tellement que les gents de guerre s’y gouvernoient sy gracieusement que pendant ce temps griefny extorsion n’y feut faicte à aulcuns de la ville et cité. Par la manière dessusdicte feut conquise la duchié de Guyenne, excepté la ville de Bayonne. A laquelle conqueste faire se portèrent touts les seigneurs dessus-nommés, et touts ceulx quy feurent en leur armée ; laquelle armée feut estimée à vingt mille combattants. Le comte de Clermont demoura capitaine de ladicte ville de Bourdeaulx ;

et son lieutenant estoit mesaire Olivier de Cotivy, qui avoit la charge des gents d'armes ; son frère, Prugent de Cotivy, feut en son temps admiral de France.