CHAPITRE CXLIX
pe plusieurs crollements de terre qui advinrent en Castelogne, Espaigne et Languedoc, et coppie de la lellre que le souldau de Babylone envoya aux seigneurs de la chrestienté.
L’ah 1427, par tout le pays de Castelogne feut grand tremblement de terre, et commenca deulx jours devant le quaresme, et dura jusques au merquedi après Pasques. Emprès la ville de Gironde, devers les monts, en üne ville nomtnée Amer, jadis fondée de par le roy Charles le Grant, advint que un homme vint au curé et luy dit que un homme estoit là près au bois gisant, qui se vouloit confesser. Donc quand le curé vint près du bois, il véit grant planté de noirs moines qui lui sembloient maulvais esprits; si regarda derrière luy pour demander à l’homme qui le menoit qui estoient
ces moines, mais ne le véit oncques depuis. Si
MÉMOIRES DE SAINT-REMY
retourna le curé tout paoureux en la ville, et dit à l'abbé, qui estoit seigneur de la ville, ce qu'il avoit veu. Lequel abbé ordonna tout incontinent faire une noble procession au dehors de la ville, ct y allèrent hommes et femmes et enfants deschaulx, et les chefs nuds moult dévotement, et ne demoureérent en la ville sinon un boullenghier et son varlet. Mais tandis que la procession se faisoit autour de la ville, advinrent en la ville si grands crollements de terre que, quand la procession retourna, ils trouvérent l’abbaye et tous le édifices de la ville trebuchiés par terre. Aucuns jours après, entre ladicte ville de Gironde! et Brachimonneï, trebuchièrent de dix-huict à vingt villages que villes et pluiseurs chasteaulx. En une ville nommée Besodo, à deux lieues près de celle ville d’Amer, la terre fondit en plusieurs lieux, et y effonsèrent quarante-neuf grosses maisons, si parfond que l’on n’y scavoit trouver fond. Encoires d’emprès celle ville fendist un grant camp semé de froument, qui est devenu un grant lac d’eaue, et une partie de celle eaue est chaude ; en celle eaue avallèrent les voisins une corde, ct au bout d’icelle une pierre de ploncq ; mais ils n’y trouvèrent ni polrent trouver fond. En la sepmaine peneuse, entre la ville d'Amer et le bois, fondit la terre si parfond que on n’y véoit point de fond, et y furent péries maintes bestes saulvaiges. En une grande abbaye, à sept lieues de Brachimone, feut amené ung démoniaque pour estre conjuré selon la coutume du lieu; lequel, contraint par les conjuracions, congnut qu'il eust esté avecques les mauvais esprits qui eurent destruit la ville d’Amer, dist oultre qu’ils eurent en octroy de nostre Seigneur de faire pluiseurs maulx au monde, si aulcuns chrestiens ne les eussent empeschées par leurs pénitences et oraisons, et par leurs processions. En ce mesme temps, en Espaigne, advinrent grands crollements de terre, si que pluiseurs villes tresbuchèrent. En Gallice, issirent d’un bois grands serpents, lesquels, par le conduit d’un loup, entrèrent en une ville de six cents maisons, et y engloutirent moult cruellement hommes, femmes et enfants, et aultres bestes semblables. Crollements adveinrent en Languedocq en pluiseurs lieux, et encoires plus grand advint ès pays d’outremer.
S’ensuit la copie d’unes lettres que le souldan
(1) Girona. (2) Barcclonne.
de Babylone envoya audict an aux seigneurs de la chrestienté. « Baldadori, fils d’Aire, connestable de Jérico, prévost de paradis tertestre, nepveu des dieux, roy des roys, princé des princes, souldan de Babylone, de Baldarch{, de Perse, de Jérusalem, de Caldée, de Barbarie, prince d’Affrique et d'Ircanie, seigneur des Scythes, Anucs, des Payens et des Martains, maistre Antipolet, advoué d'Amozone, gardien des isles, doyen des abbayes, commandeur des temples, frisseur de Heaulmes, perseur des haulbers, rompeur des harnois, fendeur d’escus, briseur de lances, lanceur de glaives, effondreur de destriers, trespercheur de presses, destruiseur de chasteaulx et de forteresses, fleur de chevalerie, sengler de hardiesse, ange de largesse, cremeur des ennemis, espérance d'amis, recouvreur des desconfiz, conserveur des Juifs, occiseur des chrestiens, gardien dés Sarrazins, estendart de Mahomet, seigneur de tout le monde, aux roys d’Allemaigne, de France et d'Angleterre, à tous ducs, comtes, et généralement à tous ceulx auxquels nostre débonnaireté est advenir, salüt en notre grace.
Comme il soit loisible de relenquir erreur par saigesse qui veoult, vous mandons que ne tardez de venir vers nous, et relever vos fiefs et terres, en reniant vostre Dieu et la foi chrestienne, délaissant vos erreurs, en quoi vous et vos devanchiers avez estés enveloppés trop longuement, ou aultrement notre indignation et puissance tournera sur vous briefvement vos testes à renchon, sans espargnier homme.
Donné la vegile des bassady, par la main Ebas Baptites, léal barbarin, l’an dix de nostre couronnement, en la seconde année de la victoire de Cippre. »
Atant je me tais de parler du souldan et parlerai du siége des Anglois devant Orléans.
