CHAPITRE CXLVIIL
Du débat pour l'éveschié d'Utrecht, et de la paix finalle quy feut faicte entre le duc de Bourgongne et dame Jacques de Bavière, quy se maria à messire Frank de Borsel, comte de Ostrevant.
En ce temps estoient deulx clercqs au pays, quy se débattoient pour Péveschié d’Utrecht, desquels l’ung estoit de la partie de la duchesse et estoit au gré de ceulx de la cité, et l’aultre estoit du parti de Bourgongne et se tenoit avecques le duc. Le duc et son évesque s’en allèrent au pays de Gueldres, contre la duchesse et son évesque. En ce voyage le duc fist assaillir la ville de Amersfort, laquelle est de la seigneurie d'Utrecht, mais ceulx de dedans se deffendirent bien et vaillamment, et occirent le seigneur de Ros, et aultres pluiseurs y furent bleschiés, et convint le duc laissier l’assault. Et mist entour ès villes de son parti garnison de ses gens, et commist illec Lionnel de Bournonville et s’en retourna en Flandres. Mais, peu de temps apprès, il s’en ralla en Hollanile,
pour ce que la duchesse et ses gens ne cessoient de traveillier les gens de son parti; et, finablement, lui venu par de là se trouvèrent moyens entre luy et la duchesse, tellement que la paix fut faicte, et fut la duchesse mence honorablement et paisiblement devers sa mère en Haynault, pour demourer avecques elle, et l'accompaigna le duc mesme. Et fut leur traictié faict par l'advis des trois estats du pays de Hainault, Hollande, Zelande et Frise; c’est assavoir que le due tiendroit et cognoistroit la duchesse, en Bavière, comtesse de Haynault, Hollande, Zélande, et dame de Frise; et elle, de sa part, véant que elle n'estoit point femme pour garder et deflendre de touttes oppressions, envers et contre tous, les dessusdits pays, veu les partialités quy grants estoient ès dessusdits pays de Haynault, Hollande, Zélande et Frise, congnut le duc son cousin pour son vrai héritier, gouverneur de touttes ses terres et scigneurics, et, de faict, l’en mist en possession. Duquel traictié pluiseurs gens des dessusdicts pays furent moult joieulx, et Dicu sait la joie que iceulx duc et duchesse faisoient ensemble, et ne sembloit pas que oncques eussent eu guerre ensemble. Icelle dame, au voulloir du duc, fut mariée à messire Frank Borsel, duquel ne d’aultres elle n’eust nuls enffants; et tantost après alla de vie à trespas, et par ainssi, le duc fut seigneur de touttes les terres dessusdites.
