CHAPITRE CL

demoura gaires; il fut par le régent ordonné d'aller mettre le siége devant Orléans, laquelle chose fut faicte. Mais auparavant qu’il y mist le siége, il conquesta villes et chasteaulx pluiseurs. Ces choses faictes , il mist le siége devant Orléans, du costé devers la Solongne; et en venue prist la tour du bout du pont; et trois ou quatre jours après ce qu’il eust prins ladicte tour , il s’assist hault aux fenestres, par lesquelles il véoit bien à plain en ladicte ville; et belle et puissante luy sembloit , espérant la mettre en l’obéissance du roy et régent d’Angleterre. Or advint que en soy devisant à ses gens d’icelle ville d'Orléans, ung homme, comme l'on disoit, qui pas n’estoit canonnier , se trouva auprès d’un canon chargié de poudre et de pierre, auquel canon il bouta le feu. Or est ainsi que la pierre férit contre Îa fenestre où le vaillant comte de Salbery estoit appuyé; duquel cop il fut si grevé, que en moins de huict jours après, alla de vie à trespas; qui fut grand’ perte pour les Anglois , car plus vaillant de luy ne fut en Angleterre, ne poeult estre sous le soleil. Quand le régent sceut celle mort, il ordonna estre en son lieu le comte de Suffort et le seigneur de Tallebot. Or est vrai que dedans la ville d'Orléans estoient de quinze à seize cents combattants, gens de guerre, sans ceulx de la ville, dont estoit capitaine le bastard d'Orléans, qui puis fut comte de Dunois, le sefgneur de Gaucourt, PotondeSainte-Traille, La Hire, le seigneur de Villars, et pluiseurs aultres , lesquels faisoient pluiseurs belles saillies sur les Anglois. Les Anglois firent pont sur la rivière de Loire; et avec ce feirent pluiseurs boulverts pour clore la ville de toutes parts. Toutefois je n’ai point sceu que la ville fust si dsségiée que ceulx de dedans n'en ississent tellement quellement. Icellui siége dura très longuement ; et pour la puissance des Daulphinois, failloit que les vivres, pour avitailler ceulx du siége, fussent conduits à puissance de gens de guerre. Or est ainsi que le régent, qui lors estoit à Paris, ordonna grant foison de charriots et charrettes chargiés de vivres, et, pour les mener seurement, furent ordonnés pluiseurs capitaines, accompagnés de quinze à seize cents hommes de guerre, et deux mille communes ; lesquels exploitèrent chemin tant qu'ils se trouvèrent emprès d'Henville, en Beauce; et À, en plain Champ , furent assaillis

des Daulphinois , qui pouvoient bien estre six mille combattants, dont estoit chief messire Charles de Bourbon, le bastard d’Orléans, messire Jehan Stuart, connestable d’Escoche , son fils et son frère, Poton, La Hire et pluiseurs aultres. Quand les Anglois véirent si grand’ compaignie de gens de guerre devant eulx, ils se mirent tous à pied et se fermèrent de leur charroi ; eten belle ordonnanceattendirentleurs ennemis. Là commencha la bataille dure et aspre en venue , mais enfin les Daulphinois se mirent en rompture et en fuicte ; c’est assavoir ceulx de cheval ; ceulx de pied y moururent la pluspart. Là furent tués le connestable d’Esceche, son frère , son fils, et près tous les Escochois, et pluiseurs aultres chevaliers et escuyers ; et se appela celle bataille la bataille des herens. Après celle déconfiture, les Anglois menèrent leurs charriots et charrettes au siége que leurs gens tenoient devant ladicte ville d'Orléans, et y feurent à grant chière recheus.