CHAPITRE CLI
Comment la pucelle Jehanne vint en bruit, et feut amenée au siége. d'Orléans; comment elle saillist avec les Franchois sur les Anglois, et fut le siégc abandonné.
Or, convient-il parler de une adventure qui advint en France, la nompareille que comme je crois y advint oncques. Vrai est qu'en un villaige sur les marches de Lorraine, avoit un homme et une femme, mariés ensemble , qui eurent pluiseurs enfants , entre lesquels eurent une fille qui, de l'age de sept à huict ans : fat mise à garder les brebis aux Champs, et long-temps fit ce mestier. Or est vray qu’elle peut dire, du temps qu’elle avoit ou pouvoit avoir dix-huict ou vingt ans, qu’elle avoit souvent révélation de Dieu, et que devers elle venoit la glorieuse vierge Marie , accompaignée de pluiseurs anges , saincts et sainctes, entre lesquels elle nommoit madame sainte Katherine et David le prophète, atout sa harpe, laquelle il sonnoit mélodieusement ; et enfin elle disoit que entre les aultres choses elle eut révélation de Dieu, par la bouche de la Vierge Marie, qu'elle se mist sus en armes, et que par elle, Charles , daulphin de Vienne, seroit remis en sa terre et seigneurie, et qu’elle le meneroit | sacrer et couronner à Reims. Icelles nouvelles
MEMOIRES DE SAINT-REMY
mm + mms + — —
advinrent à un gentilhomme de la marche, lequel la arma et monta, et la mena au siége d'Orléans , allencontre des Anglois qui tenoient le siége.
Si fit assembler le bastard d'Orléans et aultres pluiseurs capitaines , auxquels il conta ce que icelle fille, nommée Jehanne la Pucellet , disoit. Et de faict fut interrogiée de pluiseurs sages et vaillants hommes, lesquels se boutèrent en foi de le croire, et adjoutèrent en icelle si grand’ foi qu’ils abandonnèrent et mirent leurs corps en toute adventure avec elle. Et est vray que un jour elle leur dict qu’elle vouloit combattre les Anglois ; et assembla ses gens, et se print de assaillir les Anglois par la plus forte bastille qu’ils tenoient , que gardoit un chevalier d'Angleterre nommé Cassedag. Icelle bastille fut, par ladicte Pucelle et les vaillants hommes , assaillie et prinse de bel assault, et là feut Cassedag mort , qui sembla chose miraculeuse, veue la force de la bastille et les gens qui le gardoient. Le bruit courut par l’ost des An. glois de la prinse de ladicte bastille ; et finablement, quand ils ouyrent dire que ladicte Pucelle avoit faict ceste emprinse, ils en furent moult espouventés ; et disoient entre eulx qu’ils avoicnt une prophétie qui contenoit, que une pucelle les devoit débouter hors de France , et de tous points les deffaire. Si levèrent leur siége et se retrayrenten aucunes places de leur obéissance, environ ladicte ville d'Orléans.
Entre lesquels Anglois le comte de Suffort et le seigneur de la Poulle, son frère, se tinrent à Gergeau; mais gaires ne y feurent que icelle ville fust prinse d’assault, et là fut ledict seigneur de la Poulle mort et pluiseurs Anglois. La puissance des dessusdicts Anglois s’assemblérent pour retourner à Paris devers le régent ; mais ils furent de si près suivis des Daulphinois qu'ils se trouvèrent en bataille l’un devant l'aultre auprès d’un village en Beauce, qui se nomme Patté. Or advint qu’ils cuidèrent prendre place plus advantageuse que celle où ils estoient, et partirent de leur place. Mais les Daulphinois frappèrent dedans tellement qu'ils les deffirent , et de tous points les déconfirent. Là furent prins le comte de Suffort , le seigneur de Tallebot et tous les capitaines, excepté
(1) L'histoire détailléc de cette héroïne d'après les manuscrits du lemps est contenue dans un des volumes de cette collection.
messire Jehan Fastolf, lequel s’en alla , dont il eut depuis grands reproches, pource qu’il estoit chevalier de la Jarretière. Toutefois il s’excusa fort, disant que si on l’eust voulu croire, la chose ne fust pas ainsi advenue de leur part. Ainsi furent Anglois desconfits, et se nomma icelle bataille la bataille de Patté.
