CHAPITRE CL
noit une fiolle dans sa patte et rendoit son ypocras à tous venans, qui chéoit devant lui en ung grant bassin ; et estoit richement ordonné dedans une grant salle faicte de fust toute neufve, dont on parlera ci-après. Il y avoit pareillement faicte une licorne bien grande et richement aournée, qui pertoit en son front devant une licorne fine toute entière d’une pièce, laquelle avoit de longueur entre sept et huit piés, qui, par une petite ampoullette{ qu’elle tenoit en sa patte devant elle, rendoit son eau rose chéant devant lui, comme dict est, en ung bachin, là où se povoient tous ceulx et celles rafraichir, qui là dansèrent ou servirent. Dedans l’hostel furent faicts pluiseurs beaux édifices, lesquels ont esté abattus; c’est assavoir trois grandes cuisines, trois rotisseries, grandes et plantureuses, six drescheoirs pour les viandes rechepvoir, les uns pour potaiges, les autres pour boullis, autres pour gellées, autres pour rosts, autres pour paticheries, autres pour fruis et entremests ; et surtout un grant et principal, auquel tous les autres rendoient. Et avec ce fut faicte neupve, pour abattre, une grande salle du fust, qui avoit cent et quarante-six pieds de long, et de largeur soixante-treize ; et à l’un des bouts y avoit une belle et grande cheminée, et à l’autre des bouts estoient les portes et entrées; laquelle salle estoit moult bien et richement parée ; et à chascun costé de la salle ung drescheoir, dont chascun portoit vingt pieds de long ; et si estoit sur deulx pas de hault, et au costé ung petit huis pour y entrer et yssir, et portoit chascun drescheoir, estages de haulteur chascun de deulx pieds et demi de hault. Dedans ladicte salle avoit dessure une chambre de parement faicte pareillement pour abattre; dedans laquelle chambre avoit ung lit qui portoit dix-huit pieds de long et douze de lées. Par icelle chambre entroit-on dedans le grand hostel anchien. Dedans ladicte salle y avoit faict un moult bel hourdis? et hault, sur un des costés, là où les héraults se tenoient pour regarder les estats, et pour crier les festes; et là sonnoient les trompettes et ménestreulx pour danser. En icelui eschauffault povoient bien entrer soixante hommes. Le comble tout de la salle estoit tendu par dedans, depuis les pens jusqu’à la festissure, de drap neuf
(1) Fiole. (2) Echafaud. :G
de trois coulleurs, c’est ascavoir vermeil, bleu et blancq, et tous semés de la devise du duc ; c'estoit ung fusil à pierres enflambées, et au montant de la salle, au milieu, y avoit attachié ung arbre bien branchu, doré moult richement en ung moult bel et riche préau ; auquel arbre doré pendoient grans escus armoyez des armes des seigneurs et pays du duc; et sur le comble de ladicte salle, par dehors, y avoit assises grandes banières des armes des pays du duc.
Sur les drescheoirs, les trois estages estoient couvers et chargiés de vaisselles fines d’or, et les deux estages d’en bas de moult riche vaisselle d'argent doré par grans vaisseaulx ; et au milieu de la salle y avoit chandeliers croisiez de fust pendans, emplis de torchins de chire, que fesoit moult bel veoir ardeoir par nuict. La chapelle, la grant salle anchienne et toutes les chambres, celle de madame de Bethfort et toutes les autres, connues et non connues, furent tant richement tendues de tapisseries que c’estoit une grant merveille à penser; et en aulcunes chambres et salles, là où il appartenoit, grans drescheoirs chargiés de vaisselle d’or et d'argent par grant habondance, et partout l'hostel servis à toutes les heures disners et souspers tous en vaisselle d'argent; et tousjours demouroient les susdits drescheoirs fournis, tant que c’estoit grant noblesse. Or, fault parler de ceulx qui viadrent en ladicte ville de Bruges pour estre à celle noble feste. Vray est que il y vint pluiseurs grans seigneurs et barons, nobles chevaliers et escuyers, dames et damoiselles dont je me passe en brief, car on peult assez scavoir leur grant puissance et estat, tels que le comte de Conversan, qui depuis fut comte de Sainct-Pol, et ses deulx enffans ; l’évesque de Liège, le comte de Blanquenehem, messire Jehan de Luxembourg, qui depuis fut comte de Ligny et de Guise; le seigneur d’Anthoing, le seigneur de Préaulx, le vidame d’Amiens, le seigneur de Montagu et pluiseurs autres, tant de Bourgongne, de Picardie, de Flandres, de Hollande, de Zellande, que de ailleurs.
Après fault parler des dames ; et première madame Anne de Bourgongne, duchesse de Bethfort, femme et espouse du régent de France; pour lors laquelle dame estoit tenue l’une des gracieuses du monde. Si fault croire que en grant estat de chevaliers et escuyers, dames et
MÉMOIRES DE SAINT-REMY
damoiselles, et tous babillements, tels que à princesses appartenoient, elle estoit aournéet et furnie. La comtesse de Namur, douagière, y vint à moult bel estat, grandement accompaignée de chevaliers et escuyers, tous vestus de sa livrée de drap de sathin noir, ouvrée d'orphaivrerie, au nombre de cent chevaulx ou plus, moult bien accompaigniée aussy de dames et damoiselles vestues pareillement, chascune selon son estat ; et l’accompagnoit la dame de Santes, atout ung chariot et seize chevaulx, ses gens parés de la livrée du seigneur de Santes. La dame de Beaurevoir, femme de messire Jehan de Luxembourg, y entra le vendredy sixiesme jour de janvier, moult noblement accompaigniée de chevaliers et escuyers au nombre de six vingts chevaulx. Elle estoit en ung chariot moult riche, tout garny et couvert de drap d'or. et ensuivant après six gentils hommes sur baquenées moult bien parées, et deulx varlets sur deulx chevaulx menants deulx haquenées en main. La dame d’Antoing vint, grandement accompaigniée à quatre cents chevaux, menant deulx haquenées en main par deulx varlets. Si estoit en sa compaignie la dame de Croisilles, sa niepce ; et estoit ladicte dame de Croisilles à cheval, accompaigniée de cinq dames et damoiselles moult richement habillées, et grant foison de chevaliers, escuyers et aultres portants la livrée du seigneur d’Antoing, robbes vermeilles bien brodées. La séneschale de Haynault vint ledict jour, bien accompaigniée de quatre-vingts chevaulx ou environ, où il y avoit pluiseurs nottables chevaliers, escuyers, dames et damoiselles parés de sa livrée moult honourablement. Après, vindrent pluiseurs dames et damoiselles du pays de Flandres en grants estats, dont je ne ferai icy mémoire ; car de tout leur estat raconter la matière seroit trop longue. Le samedi, septiesme jour de janvier, le duc espousa en la ville de l'Escluse madame Elisabeth de Portingal ; et n’y eult pas grants estats ne cerimonies faictes aux espousages, fors que il y eult aulcuns de ses princes, seigneurs et barons ; et de par la dame pareillement y estoient son frère l’infant don Ferrand, le comte d’Orin?, nepveu de ladicte dame, l’évesque d’Euvres en Portingal. Si y avoit dames, seigneurs et barons : assavoir, don Sansse, don Ferrand
(4) Ornée, (2) Ourem. (3) Evora.'
de Menesse1, don Ferrand de Castro, don Jean de Castro, et pluiseurs aultres nobles et grants seigneurs et escuyers. Si y avoit pluiseurs dames et damoiselles venants du pays de Portingal au nombre de vingt ou vingt-quatre; somme toutte, tant seigneurs Qqu'aultres gens, deux mille ou environ, et la plus grande partie vestus de la livrée de ladicte dame, robbes bleues, brodées bien richement de sa devise. Le dimanche au matin ensuivant, huiticsme jour dudict mois, ledict duc se mit sur l’eaue accompaignié de ses gens, et six vaisseaulx bien ordonnés et habillés, et armoyés dudict pays de Portingal ; et arriva au dehors de Bruges joindant la porte à dix heures du matin. Si allerent au-devant les collèges par procession; peuple y estoit grand. Ceulx de Bruges, de Gand et d'aultres bonnes villes de Flandres y estoient en moult grant estat et magnificence ; et allèrent au-devant de ladicte dame tous les nobles seigneurs du pays de dehors qui estoient venus à ladicte feste. Mais ce ne povoit durer longuement en ordonnance qu'il les convenoit retrayre pour la grant presse qui y estoit. Là il y avoit ung chariot pendant, moult richement doré, couvert de drap d’or, que la régente de France, sœur du duc, avoit envoyé et fait présent à madicte dame; dont on disoit pour vray que ès pommeaulx dudict chariot avoit plus de six marcs d'argent doré et esmaillé moult richement. Il y avoit aussy une moult riche littière faicte neuve, tant richement que il n’estoit point à penser; sur quoy ladicte dame monta seule, adournée à l’usaige de France, accompaignée de toute gentillesse, allant à pied d’un costé et d’aultre, tenant ladicte dame et les deulx destriers qui portoient la litière, sans nul gent de cheval, sinon deulx, dont lung fut don Ferrant son frère, et le seigneur de Roubaix, pour €e qu'il ne povoit aller à pied; car aultrement ne fut-il pas de cheval ; et puis derrière grand foison chevaliers et escuyers. Et tous les barons, chevaliers et escuyers de Portingal alloient à pied ; pareillement roy d'armes, trompettes, héraulx et menestreulx, qui aussy la conduirent jusques à l'hostel du duc. Et fut sur le chemin parmi la ville près de deulx heures avant qu'elle fust descendue dedans l'hostel du duc, pour cause de la grant presse de peuple
(1) Menezès,
