CHAPITRE CLY
Comment madame Ysabel de Portingal arriva à l'Escluse, en Flandres, où elle fut honorablement receue ; de la solemnité et feste des nopces du duc et d'eile, quy se tint à Bruges; et des joustes et esbattemens quy se y feirent ; et des seigneurs et dames quy se trouvèrent à ladite feste.
Après icelle belle feste accomplie, et la responce faicte aux ambassadeurs du due, le roy Jehan de Portingal fut content du mariage et envoya sadite fille, dame Isabel, grandement et honourablement accompaigniée de l’infant don Ferrand, frère de ladite dame, le comte d’Orin et pluiseurs aultres grands seigneurs, dames et damoiselles, devers le duc. Laquelle dame arriva au port de l’Escluse en décembre mil quatre cents vingt-neuf. où elle fut bien et honourablement receue; et là elle fut environ huic{ jours pour elle et ses gens ung peu refaire de la mer, car ils y eulrent tourment merveilleulx, et tant que pluiseurs des navires laissèrent l’ung l’aultre, dont les ungs arrivèrent en Angleterre, les aultres en Bretaigne; mais par la grace de Dieu tost retourna à l’Escluse.
Après que ladite dame eut séjourné à l'Escluse, elle entra à Bruges le huitiesme jour du mois de janvier, l'an mil quatre cents vingt-neuf; mais avant son entrée, il fault parler de l’hostel du duc à Bruges, où les nopces se fcirent.
Il estoit ordonné, il est vrai, que pluiseurs et notables édifices audit hostel, dont les aulcuns estoient à estre mis sur les aultres à durer. Et pour engrandir ledit hostel, y fut appliquée une rue tenant audit hostel pour y applicquier et ordonner pluiseurs édifices ; laquelle rue fut murée aulx deulx bouts. Or fault parler dudit hostel. Il est vrai que dedans la machonnerie dudit hostel, sur la grant rue, fut ung moult bel et grant lyon de fust{ très richement
peint, et ordonné pour toujours durer ac-,
croupi ; et tenoit en l’une de ses pattes de devant ung fusil, et en l’autre une pierre, et de celle pierre sourdoit vin blanc et vermeil par certainartifice, et chéoit devant lui en ung grant bachin assez hault, habandonnés à prendre à tous ceulx et celles qui y vouldroient venir; et y fut celle course de vin durant jour et nuict de la feste. Dedans ledict hostel, emmi la cour, y avoit faict ung cerf pareillement encaissé en ung mur, pour y laissier tousjours, lequel te-
(1) Bois,
