CHAPITRE CLVL
Comment le duc de Bourgongne, durant la feste de ses nopces, institua et meit sus la noble ordre de la Toison d'or.
Et pour venir à parler de l’ordre de la Toison d’or, vray est que le duc, par grant magnificence, fist, durant ceste noble feste assemblée, publier la prise de ladicte noble ordre de la Toison d’or, par son roy d’armes de Flandres, accompagnié moult honorablement de pluiseurs officiers d'armes, et de l’un de ses secrétaires, prononchant les paroles par la manière que s'ensuit :
« Or, oyEz, princes et princesses, seigneurs, dames et damoiselles, chevaliers et escuyers ! Très hault, très excellent et très puissant prince, monseigneur le duc de Bourgongne, comte de Flandres, d’Arthois et de Bourgongne, palatin de Namur, ce faict scavoir à tous: que pour la révérence de Dieu et soutenement de notre foi chrestienne, et pour honorer et exaulser la noble ordre de chevalerie, et aussi pour trois causes cy-après déclarées : la première pour faire honneur aux anchiens chevaliers, qui par leurs nobles et haults faicts sont dignes d’estre recommandés ; la seconde , afin que ceulx qui de présent sont puissants et de force de corps, et exercent tous les jours les faicts appartenants à la chevalerie, aient cause de les continuer de bien en mieulx ; et la tierce , afin que les chevaliers et gentilsbhommes qui verront porter l’ordre, dont cy-après sera toutte honneur ceulx qui le porteront, soient meus de eulx employer en nobles faicts, et eulx nourrir en telles mœurs que par leurs vaillances ils puissent acquérir
bonne renommée et desservir en leur temps d’estre esleus à porter ladicte ordre : mondict seigneur le duc a emprins et mis sus une ordre qui est appelée la Toison-d’Or. Auquel, avecques et en oultre la personne d’icelui monseigneur le duc, a vingt-quatre chevaliers, gentilshommes de nom et d’armes, et sans reproches, nés et procréés en léal mariage ; desquels la déclaration des noms et surnoms se ensuivent : c'est assavoir nos très chiers et féaulx , messire Guil- Jaume de Vienne, seigneur de Sainct-Georges et de Saincte-Croix ; nostre cousin, messire Renier Pot, seigneur de la Prugne et de la Roche de Noulay ; messire Jehan, seigneur de Roubaix et de Herzeilles ; messire Rollant d'Utequerque, seigneur de Hemsfrode et de Heestruut ; messire Anthoine de Vergy, comte de Dampmartin, seigneur de Champlite et Rugney, nostre cousin; messire David de Brimeu, scigneur de Ligny; messire Hues de Lannoy, seigneur de Santes ; messire Jehan de Commines ; messire Anthoine de Toulonjon, seigneur de Traves et de la Bastie, mareschal de Bourgongne ; messire Pierre de Luxembourg, comte de Sainct-Pol, de Conversan et Drienne, seigneur d'Enghien, nostre cousin; messire Jehan de la Trimouille, seigneur de Jonvelle, aussi nostre cousin ; messire Guilbert de Lannoy, seigneur de Villerval et Tronchiennes; messire Jehan de Luxembourg, comte de Ligny, seigneur de Beaurevoir et de Bohain, nostre cousin; messire Jehan de Villers, seigneur de lIsle-Adam ; messire Anthoine, seigneur de Croy et de Renty, nostre cousin ; messire Florimont de Brimeu ; messire Robert, seigneur de Mamines; messire Jacques de Brimeu ; messire Baulduin de Lannov, dit le Beghue, seigneur de Molembaix ; messire Pierre de Beffremont, seigneur de Charni; messire Philippe, seigneur de Ternant et de La Motte ; messire Jehan de Croy, seigneur de Tours-sur- Marne, nostre cousin; et messire Jehan, seigneur de Créqui et de Canaples. Auxquels chevaliers dessus nommés mondict seigneur donne à chacun d’eulx ung collier faict de fusils, auquel pend la Thoison-d'Or; et est l'intention de mondict seigneur le duc de faire briefvement les ordonnances appartenants à ladicte ordre. »
MÉMOIRES DE SAINT-REMY
