CHAPITRE CLVII
Des armes quy se firent en la ville d'Arras, entre Franchois et Bourguignons, dont le duc estoit juge.
Ici laisse à parler des nopces du due, et parlerai que auparavant dudict mariage, et aussi devant que l’ordre de la Thoison fust mise sus, ainsi que le duc alloit à Paris à grant armée pour ses aflaires, en passant devant la cité de Senlis, pour lors tenant le parti contraire du duc, en laquelle cité avoit grant foison de ses ennemis, furent certaines armes emprinses à cheval, de fust ! et de fer et de lances, de trois chevaliers et ung escuyer des pays du due, allencontre de trois chevaliers et ung escuyer de la partie adverse, desquels les noms s’enssuivent. Premiers, le seigneur de Charny, messire Simon de Lalaing, messire Nicolle de Menton et Jehan de Baudrey ; et ceulx de la partie adverse estoient messire Théaude de Wallepergue, messire Philibert de Bresy, messire Guillaulme de Bès, et Poton de Sainct-Traille, lesquels estoient pour lors en ladicte cité de Senlis. Et mirent les dessus nommés si longuement à faire leurs armes que les espousailles et nopces furent faictes, et ladicte ordre de la Thoison d’or ordonnée, comme desus dit est ; et furent les susdictes armes faictes en la ville d'Arras, au mois de mars enssuivant, devant le duc qui estoit juge des dessusdictes armes. Et comme dit est, le premier fut messire Pierre, seigneur de Charny, allencontre de messire Philibert de Bresy ; lequel de Charny fist ses armes bien et vaillamment ; et fut ledict Philibert navré au visaige trés durement, et en grant dangier de mort ; et les aultres six firent très bien, sans y avoir nul ny navré ne bleschié. Touttefois ledict messire Théode fut porté par terre, luy et son cheval, par messire Simon de Lalaing, qui depuis fut faict chevallier dudict ordre de la Thoison d'or. En après icelles armes, s’en firent unes aultres en ladicte ville d'Arras, de rencontres de lances, d’ung gentilhomme de Savoye tenant la partie au duc, allencontre de l’'Estendart de Milly, bien vaillant escuyer, qui fut fort bleschié au visaige , pareillement que ledict messire Philibert de Bresy.
(1) Bois.
[1430] CHAPITRE CLVIIL
Comment le duc de Bourgongne asségia la ville de Compiengne, où la pucelie Jehanne fut prinse par unc saillie qu'elle fit; et de plusicurs aultres faits de guerre.
En l’an 1430, fut le seigneur de l’Isle-Adam, chevalier de ladite ordre de la Thoison-d'Or, ordonné mareschal de France et capitaine de Paris, là où il s’est grandement et notablement gouverné en la garde de ladicte ville de Paris, et en son dict office de mareschal. Environ le vingt-deuxiesme jour d'avril, an dessusdict, fut envoyé de par le duc une très belle compaignie de chevaliers , escuyers et gens de guerre, de Picardie à Paris; et estoient cinq cents chevaulx ou environ; et estoit leur capitaine le seigneur de Ternant, chevalier dudict ordre de la Thoison-d’'Or; et avoit l’estandart les devises du duc; et prinrent Saint - Mor - des-Fossés, forteresse pour lors adverse, et aultres menues places entour Paris. Et avec ce estoit ledict
seigneur de Ternant capitaine-général du pays de Brie ; et prinrent ses gens la ville de Coulleuvres-en-Brie, d'eschielles ; et fist le seigneur de Ternant de belles besongnes audict pays de France et de Brie en fait de gucrre. Au mois de may ‘ensuivant, fist le duc une très belle et grande armée pour aller au siége de Compiengne où estoient ses ennemis. En laquelle compaigaie estoient de ladicte ordre haulx et puissants seigneurs ; c’est assavoir messire Philippe de Luxembourg comte de Ligny, le seigneur de Créquy, messire Hue de Lannoy, le scigneur de Commines, messire Jacques, messire David, messire Florimond de Brimeu, et le Bégue de Lannoy, tous chevaliers dudict ordre de la Thoison-d'Or, accompaigniés grandement et notablement ; et y eult pluiseurs places et forteresses qui se rendirent en allant audict siége. Au mois de may, an dessusdict, le duc mist le siége devant une forteresse séant sur la rivière d’Ennet, près de la ville de Compiengne, nommée le Pont-à-Choisy ; et falloit passer une grosse rivière, nommée Oise ; et la passoit-on à ung villaige nommé le Pont-l’'Evesque, assez près de la cité de Noyon ; et estoit ledict passage gardé de deulx vaillants chevalliers d’Angleterre, et en iceluy s’estoient les adversaires du duc assemblés en grant nombre pour com-
(1) Aisne.
