CHAPITRE CLX V

De l'estat que le duc de Bourgongne tinst en la ville de Brouxelles; et du trespas de son cousin le priuce de Piedmont.

L'an 1451, en la bonne ville de Brouxelles en Brabant, le jour de tous les saincts, au disner, le duc et la duchesse tinrent leur estat, moult honourablement accompaigniés de très révérends pères en Dieu les prélats qui s’ensuivent, assavoir : l’archevesque de Coullongne, l'évesque de Cambray, l’évesque d'Amiens, et

MÉMOIRES DE SAINT-REMY

pluiseurs autres abbés et prélats, et de grans, :

haulx et notables seigneurs, comtes, barons, chevaliers et escuyers; présents lesquels il voult montrer la bonne intencion et voulloir qu’il avoit des ordonnances faire appartenant à ladicte ordre de la Thoison-d’Or. Si est ainsy que, à icelle journée, le duc ne tint point l’estat en sa personne, pour tant que les nouvelles qu'il avoit eu nouvellement de son cousin le prince de Piedmont, fils au duc de Savoye, lequel estoit alle de vie à trespas ; et à ceste cause le duc fist son sustitut à tenir son estat pour la journée, de Jehan monseigneur de Clèves, fils au duc de Clèves, son nepveu, qui tres honourablement le tint. Le duc, présent toute la noble compaignie qui là estoit, fist par son rov d'armes de Brabant, à ce ordonne, sadicte bonne intention et voullenté scavoir et publier sollempnellement, comme il appartenoit, en la manière qu'il s'ensuit.