CHAPITRE CLX VII
pe la première feste de l'ordre de la Toison d'or, que le duc de Bourgongnc tint à Lille; et des cérémouics observées à ladicte feste.
Si est ainsi que la nuict Sainct-Andrieu, à l'heure de vespres, le duc, accompaignié de dix-huit de ses compaignions dudict ordre, furent vestus de robes vermeilles fourrées de gris, longues jusques dessoubs les genoulx, et pardessus grants et longs manteaulx de ladicte coulleur de fine escarlatte, bordées de riches orfrois de fin or, et grans et larges et ouvrés à la fachon de fusils, comme le duc les porte; et estoient fourrés de menus vairs moult richement; et par-dessus ils portoient chapperons de pareil drap à longues coquilles doubles, à l’usage anchien; et par-dessus iceulx habits, ils portoient le collier de ladicte ordre à descouvert. Or est-il vrai que le duc et ses compaignions se mirent en ordonnance à l'heure de vespres, en la grande salle, deulx à deulx ensemble, et le duc tout darrière eulx, vestus et parés comme dict est. Si s’en partirent et vinrent à:la porte dudict hostel, où leur vindrent au-devant les processions, moult révéramment et sollempnellement ; et s'en allèrent ainsi tenants leur ordonnance, les sainctes processions devant eulx, jusques à Péglise Sainct-Pierre, où ils entrèrent dedans le chœur, et se seyrent en leurs sièges parés moult richement et nottablement ordonnés, comme ci-après s’ensuit.. Tout le chœur de ladicte église estoit, hault et bas, paré et tendu de fines et riches tapisseries tissues à or, et les siéges pareillement. Si estoit par-dessus le siége du duc ung tableau armoié de ses armes, de hachement ! de son ordre et devise. Et pareillement aux deulx costés du chœur, en haultes fourmes, estoient les siéges où se seyrent lesdicts seigneurs de l’ordre; et par-dessus chascun siége, tableaux armoiés des armes, hachements, ordre, noms et titres d’iceulx chevaliers ; et par leurs armes chascun chevalier scet où il doit seoir; et quand lung d’iceulx chevaliers sont allés de vie à
(1) Ecusson, armes prises eu l'honneur de l'achevement de quelque grande action, d'où les Anglois ont pris leur mot at- Chievement, prononcé comme l'écrit ici Saint-Remy. Ces ef- Chievernents ou écussons se pendent aux maisons à la mort de cel ui qui les portait,
