CHAPITRE CLXVII
trespas, on mect en leur siége ung drap noir où les armes sont, comme toutes ces choses sont bien à plain déclarés ès chapitres de ladicte ordre.
Or fault parler d’iceulx qui furent en ladicte ordre en personne. A la première feste si y furent : le seigneur de Roubaix, messire Anthoine de Vergy, messire Hue de Lannoy, messire Anthoine de Toulonjon, le seigneur de Jonvelle, le seigneur de Croy, messire Jacques de Brimeu, messire Jehan de Croy. Au senestre costé estoient assis, au plus près du prince, messire Rollant d’Utekerque, messire David de Brimeu, le seigneur de Commines, messire Guilbert de Lannoy, le seigneur de l’Isle-Adam, le seigneur Florimont de Brimeu, le Bégue de Lannoy, le seigneur de Ternant, et le seigneur de Créquy, et par procureurs le seigneur de Sainct-George, messire Regnier Pot, le comte de Sainct-Pol, et le comte de Ligny. Le seigneur de Mamines estoit allé de vie à trespas; pour laquelle cause son siége estoit couvert de drap noir, et dessus icellui drap ses armes. Et là se tinrent honnourablement jusques à tant que le sainct serviche divin fust faict; et après vespres chantées, se levèrent lesdicts seigneurs, les plus josnes devant, deulx et deulx, par devant le prince et souverain de ladicte ordre, en le révérendant. Si revindrent, aussi en belle ordonnance, jusques à l’hostel du duc, dont ils estoient partis; et là entrèrent tous en une Chambre, là où ils devestirent leursmanteaulx ; et plus ne fut ce jour faict. Or est vrai que par grant délibéracion de conseil le duc et les seigneurs dudict ordre avoient institué, faict et ordonné quatre hommes officiers à eulx, dont les mémoires s'enssuivent ; c’est à scavoir, ung chancelier pour eulx servir en ladicte noble ordre, faict par ung très nottable docteur en theologie, familier du duc, appelé maistre Jehan Germain, esleu évesque de Nevers ; le second, pour leur greffier et secrétaire, ung notable homme appelé maistre Jehan Imber, familier et officier du duc ; ung autre pour leur tré sorier, ung très puissant etriche homme, pareillement famillier et officier du duc, appelé Guy Guilbault; etung nottable homme et souffisant bérault, appelé Charrolois, lequel estoit aussi au duc. Icelui feirent leur roy d’armes, et le nommèrent Thoison-d’Or, pour eulx servir en leurs besongnes et affaires ; et est autheur de
cestuy livre, comme devant est dit en ung prologue. Et tous iceulx quatre officiers servans à ladicte ordre pareillement furent vestus chascun de rouges robbes, manteaux et chapperons, les robbes fourées et les manteaulx, non réservé le docteur, qui avoit l’habit et foure comme à docteur appartient. Et furent iceulx quatre officiers assis ès basses fourmes, pardevant le siége du duc, chascun en son degré. Et lendemain pareillement, comme la nuict Sainct-Andrieu, entrèrent en l’église à huit heures au matin. Si se sist chascun en son siège ; et quand le sainct service fut faict jusques à l'offrande, alla le duc, fondateur et souverain de ladicte ordre, le premier à l’offrande ; et après,
lui retourné en son siége, le roy d’armes de.
l'ordre, pour le plus prochain du haultain siége, appela le seigneur de Sainct-George, ou son procureur pour lui ; et pareillement il appela messire Regnier Pot, ou son procureur pour lui; pourquoi, au lieu d’iceulx chevaliers qui estoient absents, ils s’en apparurent deux aultres chevaliers de l’ordre dessusdit, dont l’'ung fut messire Anthoine de Vergy, qui se présenta au lieu de monseigneur de Sainct- George, et le seigneur de Jonvelle se présenta au lieu de messire Regnier Pot.
Si se partirent de leurs siéges, comme procureurs représentants les personnes des dessusdicts défaillans. Si allèrent à l’offrande ces deulx ensemble, et chascun d’ung pièce d’or ; et aussi firent tous les aultres chevaliers de ladicte ordre ; et apprès allèrent offrir, le seigneur de Roubaix et messire Rollant d’Utekerque ensemble, de telle manière que les aultres dessusdicts; et ainsi, tous par ordre, ils allèrent offrir tous, deux et deux, l’ung à dextre et l’autre à senestre. En telle manière et ordonnance se fist loffertoire, qui dura moult longuement; et estoient, chascune fois, appelés par le roy d’armes, qui les conduisoit jusques à l’autel, et les raconduisoit jusques à leurs siéges. Apprès ladicte offertoire faicte, se fist une moult belle prédication, en manière de collacion, par le chancelier de ladicte ordre, docteur et évesque de Nevers. Apprès icelle prédication, se parfist le sainct service divin, et puis se partirent de l’église les susdicts seigneurs de l’ordre en leur très honnourable ordonnance, comme j'ai dict dessus, et s’en retournèrent à l’hostel du duc. Si le convoyèrent en sa chambre, où il fut
MÉMOIRES DE SAINT-REMY
une espasse avec icelle noble compaignie. À
toutes icelles ordonnances furent pluiseurs hé-
raulx, roys d'armes et poursuivans ; premier
pour roys d'armes, le roy de Berry, le roy de
Brabant, le roy de Flandres, le roy d'Arthois
et leroy de Haynault ;et pour héraulx, Secille,
Bretaigne, Orenge, Sainct-Pol, Namur, Vianne,
Enghien, Zellande et Anthoing. Et de poursuivans furent le nombre de quatorze, tous à grants princes et seigneurs. Quand l'heure du disner fut venue, environ à midy, les tables furent dreschiées et très nottablement parées, comme à ung si très hault et très noble et riche estat appartenoit, et les dreschoirs parés et aournés de riche vasselle et joiaulx, si très richement que ce seroit trop longue chose à raconter. Si s’assist le duc au milieu de la table, et puis les seigneurs de degré en degré; c'est assavoir, les plus anchiens faicts chevaliers au plus près du souverain, les ungs à dextre et les aultres à senestre, en la fourme et manière que leurs tableaux de leurs armes estoient à l’église, comme dict est. Et au bout d’icelle longue table, par-devant, au dextre, y avoit une petite table où les quatre officiers de ladicte ordre se séoient, et chascun atout leurs manteaulx et habits de ladicte ordre ; et en icelle grant salle n’y avoit aultre table dreschiée. Si furent servis très honnourablement les ungs apprès les aultres en leur degré. Là trompettes et menestreulx cornoient et jouoyent devant les mets et non ailleurs ; et là estoit une doulce mélodie à ouyr durant icelui disner; et ainsi se fina le disner en très grant esjouissement et honnourable ordonnanche. Apprès graces rendues, le duc et lesdicts seigneurs se retrairent chascun en leurs chambres, et se desvestirent de tous leurs habits. En aultres salles se tindrent les estats de messeigneurs de l'église et des aultres nobles seigneurs qui fu- . rent venus à ladicte feste. Apprès icelle noble feste et sollempnité passée, à l’heure de vespres, le duc et mesdicts seigneurs de l’ordre se revestirent tous de noirs habits, manteaulx et chapperons longs, comme de dœuil; si se mirent en leur ordonnance comme ils avoient faict au matin, chascun en son ordre et degré, et leur vindrent les processions au-devant ; et, en fesant dévotes processions et oraisons, ils retournèrent en l’église et se mirent en leurs propres siéges, chascun dessoubs ses armes,
et là furent chantées et dictes vegilles pour les trespassés, et dura le serviche moult longuement et bien avant en la nuict ; et puis, ledict service faict, s’en retournèrent audict hostel en ordonnance comme dessus. Quand che vint l’heure du soupper ils s’assirent à table atout leurs habits noirs, chascun en son degré, comme dict est. Des mets et ordonnance d’icelui soupper je me tais, mais vrai est qu'il fut de grant magnificence. Et lendemain matin de rechief, en noirs habits de doeul, se rangtrent en leur ordre, et avec les processions retournèrent à l’église; et très dévottement y furent au serviche divin que on fist pour les morts, dont au milieu du chœur y avoit ung chandellier de bois, paint de noir, sur lequel y ävoit vingt-quatre chierges ardans pour et au nom desdicts seigneurs de l’ordre, chascun pesant trois livres; et icelui de mondict seigneur le duc souverain estoit au milieu, plus grant que les aultres; et chascun chierge armoié de petits escuchons des armes desdicts seigneurs de ladicte ordre, et estoient tous assis par ordre comme les seigneurs et les tableaux de leurs armes. Si se fist le sainct service divin très révéramment ; et quand il fut l'heure de l’offrande, le roy d'armes Thoisond'Or apporta à mondict seigneur le duc son chierge ainsi armoié, comme dict est, lequel mondict seigneur le duc offrit à l’autel, et puis, par le roi d'armes, fut rapporté en son lieu sur le chandellier ; et puis, comme j'ai dict dessus, furent appelés chascun seigneur en son siége pour aller à l’offertoire; et leur apportoit le roy d’armes à chacun son chierge, et puis, comme dict est, rassis en leur siége. Et les seigneurs qui y furent deffaillans ÿ furent pareillement appelés, et y eulrent chascun leurs procureurs par lesdicts cree et compaignons de l’ordre, comme dessus est dict aux aultres offertoires. Mais cellui de deffunt le seigneur de Mamines fut offert par le roy d’armes de l’ordre et laissié à l’autel destaintt, sans estre rapporté en sa place comme les aultres furent ; et par ainsy demoura ladicte place vide tout le remain? dudict service, en desmonstrant le trespas dudict seigneur de Ma- mines. Lesquelles choses estoient moult desvottes et plaisantes à veoir. Quand icelle offertoire
(4) Eteint. (3) Reste.
