CHAPITRE CLXVIII

Messire Pierre de Beffremont, seignéur de Charny ;

Messire Philippes, seigneur de Dinant ;

Messire Jehan de Croy, seigneur de Tourssur-Marne, nostre cousin ;

Et messire Jehan de Créquy et de Canaples;

Et le surplus, pour accomplir ledict nombre de trente chevaliers de l’ordre, sans le souverain, réservons à estre mis en icelle ordre au prochain chapitre ou aultre subséquent, à l’élection de nous et de nos compaignons dudict ordre.

« Item, que en che présent ordre avons ordonné et ordonnons quatre officiers : c’est assavoir, chancellier, trésorier, greffier et roi d'arme, qui sera appelé Thoison-d’Or. Lesdicts officiers serviront audict ordre en la manière déclarée en certain livre et articles que leurs avons faict bailler par escript, pour leur instruction en enseignements requis à icelluy ordre, et feront services chascun en droict soy d’eulx acquitter en leurdict serviche, comme il appartient, et de tenir secret tout che que sera faict, dict, ordonné et apoinctié audict ordre que céler se devera.

“ liem, que en faveur dudict ordre ferons, se Dieu plaist, en nostre ville de Dijon, en nostre duchié de Bourgongne, certaines fondations de divin serviche, en l’église de nostre chapelle des ducs, audict lieu de Dijon, et aultres fondations des vivres et sustentation des povres chevalliers, et édification à che pertinentes et nécessaires ainsi que déclarié est en nos lettres sur che faictes.

« Ilem, que au chœur de ladicte église, contre le mur, dessus le siége du souverain de l'ordre, sera mis et fichié l’escu de ses armes, heaulmes, tymbres et hachements, et pareillement sera faict des aultres chevalliers dudict ordre, dessus leurs siéges, au chœur de ladicte église.

« tem, combien que par cy-devant eust esté advisé de sollempnisier la feste et chappitre de che présent ordre, chascun an, au jour sainct Andrieu, apostre , néantmoins, pour considération de la briefté des jours, et que griefve chose est aux anchiens chevalliers et aux aultres qui sont de longtaines contrées de y venir souvent en si dure saison, nous, eue de plus délibération en ceste matière, ordonnons la feste, chapitre, convention, assemblée et amia-

ble compaignie du souverain et de tous les frères chevalliers estre tenus de trois ans en trois ans, au second jour du mois de may, en tel lieu que le souverain fera par avant sçavoir, par temps compétent et raisonnable, selon la distance des lieux. Toutes voies nous réservons à nous de povoir tenir ladicte feste, et la anticiper et mettre à plus brief jour, se véons qu’il y ait Cas qui le requiert, toudis à distanche et intervalle d’un an du précédent chappitre et non moins.

« Item, et affin que le chappitre, convention et feste de l’ordre soit entretenu, comme dessus est escript, et ne soit délaissié ou empeschié par les nécessités des cas qui pourroient advenir, voulons et ordonnons que, si par maladies, prison, périls de guerre, dangiers de chevalliers ou aultres quelconques causes raisonnables et rechevables, le souverain ou aulcun des chevalliers de l’ordre estoient empeschiés de non povoir sollemnellement comparoir audict chappitre et feste, en che cas celluy qui auroïit tel empeschement seroit tenu d'envoyer pour luy aultres chevalliers de l’ordre ou pluiseurs ; C’est assavoir le commis du souverain pour présider, et des chevalliers, pour assister et comparoir audict chappitre, dire son excusation ou essonnei, tenir lieu pour luy faire ses offrandes et sollempnité, ou ce que pour luy ou contre luy sera dict et faict, receues les corrections et paipes, pour de tout luy faire rapport, et chascun pour faire au lieu de son maistre, qui commis envoyé aura, que il mesmes poeult et deust faire, si présent y estoit; en quoi sera ob et entendu par eulx de l’ordre, à icelluy qui personnellement y debvoit comparoir.

« Item, que dès le premier jour de may, tous les chevalliers de l’ordre, venus au lieu de l’as-

semblée, se viendront présenter devers le sou- !

verain dudict ordre, en son hostel, devant l'heure de vespres, et il les recevera amiablement et honnourablement, comme au cas appartiendra.

« Jiem, que le premier jour de may, ledict souverain et les chevalliers de l’ordre partiront ensemble de lhostel de icelluy souverain ou de son commis, vestus pareillement de manteaulx d'escarlatte , comme dict est dessus ;

(t) Empéchemeut, crbarras.