PP
MÉMOIRES DE SAINT-REMY
lesquels manteaulx et habillements le souverain et chascun des chevalliers fera faire à ses propres cousts, frais et despens, et en cest estat iront à l’église ouyr vespres, comme dict est.
« Item, le jour de la sollempnité, yront ouyr la grand’ messe, qui sollempnellement sera célébrée en la révérenche de monseigneur sainct Andrieu ; à l'offertoire de laquelle messe sera, par le souverain et chascun des chevalliers présents, et procureurs des absents, offert une pièce d’or à la dévocion de celluy qui l’offrera, et apprès le service retourneront, en la manière dicte, en l’hostel du souverain, qui au disner les recevera à sa table et les festoicra bonnourablement, ou les fera festoyer par son commis.
« Item, cedict jour mesme, le souverain et chevalliers dudict ordre, comme diet est, partiront de icelluy, vestus de longs manteaux et affublés de chapperons noirs à longue cornette, iront ainsi à l'église ouyr vegilles et service pour les trespassés ; et lendemain iront en tel estat ouyr la messe pour les trespassés, à lof. fertoire de laquelle le souverain et chascun des chevalliers présents, et procureurs des absents, offreront chaseun ung chierge de chire armoic des armes de celluy pour quy offert sera ; et à ladicte offertoire sera, par le greffier dudict ordre, leu ung rolle des noms, sournoms et tiltres du souverain et des chevalliers de l’ordre trespassés , pour les ames desquels et autres deffunts celluy qui célèbrera ladicte messe dira d’abondant en la fin de l’offertoire le psalme De profundis, et une oraison des trespassés.
Tiem, le jour ensuivant le souverain et chevalliers de l'ordre, vestus comme bon leur semblera, iront à l’église ouyr la grand’ messe, qui sera célébrée sollempnellement de Poffice de Nosire-Dame.
« Ttem, le lendemain de ladicte sollempnité, pourront les souverains et chevalliers de l’ordre, s’il leur plaist, encommenchier le chappitre pour traictier des affaires de l’ordre en tel licu que par le souverain ordonné sera. Mais quant aux eslections et corrections des chevallicrs de l'ordre, elles se feront au chappitre de l'église où aura esté le service divin, si chappitre y a convenable à ce, et sinon, en tel lieu qu’il plaira au souverain ; auquel lieu on
feroit lesdictes élections ou corrections, le souverain, chevalliers et officiers de l'ordre auront leurs manteaulx et chapperons d’escarlatte dessusdicts.
« Item, audict chappitre sera parlé par le souverain ou son commis, ou par le chancellier, de l’auctorité du souverain, et enjoingt à tous les chevalliers présents, et procureurs des absents, et officiers de l’ordre, que ils tiennent secret ce que ès consaulx dudict chappitre sera dict, faict, traictié et demené, mesme les corrections faictes sur les chevalliers de l’ordre, sans rien reveller à aulcuns. fors les procureurs des absents, qui en porront rapporter à leurs maistres che quy leur touchera seullement.
« Ilem, et affin que ce présent ordre et amiable compaignie soit maintenue en bons termes, et que les supposts, chevalliers et frères d’icelluy ordre, travaillent à vivre vertueusement en bonnes mœurs, accroissement d'honneur et bonne renommée, pour exemple à tous aultres chevalliers et nobles, parquoy le debvoir de l'ordre de chevallerie et noblesse soit maintenue et mieulx congnue, et plus patent à tous, sera audict chappitre, entre aultres choses, touchié en général par le chancellier de l’ordre ce qui leur semblera estre bon et vaillable, et prouffiter à la correction des vices et inclination à amendement de vie et vertus par lesdicts de l’ordre ; et ce faict sera par icelluy mesme chancelier, au nom dudiet ordre, et enjoingt au derrain en siege desdicts frères et compaignons, selon l'institution et ordre que dessus, que fl isse du chappitre, et attende au dehors, jusques à ce que on l’appellera pour y retourner.
« [lem, et que lui ainsi parti dudict chapitre, le souverain ou son commis, ou ledict chancellier au nom du souverain et de l’ordre, demandera par serment grant et sollempnel, à tous les chevalliers et au souverain, et à ung chascun particulièrement, en commenchant au siége d'en bas et procédant continuellement Jusques en hault, que ils dient se ils ont veu, sceu ou ouy dire à personne digne de foi que leur frère et compaignon issu dudict chapitre ait dict, faict ou commis chose qui soit contre l'honneur, renommée ou estat de chevallerie, mesme contre les estatuts, points et ordonnanches de che présent ordre et amiable compai-
