CHAPITRE XLIV

Comment la ville de Bayonne, par appoinclement, se rendit au roy de France ; et d'une croix blanche quy feut veue en l'air dessus la cité; et des Biscayens quy vindrent en l'aide du roy.

Après plusieurs parlements, ceulx de la ville de Bayonne promirent eulx rendre en la main du roy, et avecques ce mectroient en la main du roy dom Jehan de Beaumont, le capitaine, frère du connestable de Navarre, de l’ordre de Saint-Jehan de Jérusalem, lequel demoureroit prisonnier à la volonté du roy; et touts lesgents de guerre estants en icelle ville demoureroient pareillement touts prisonniers et à la volonté du roy; et ceulx de la ville se saulveroient à la volonté du roy, et sy payeroient quarante mille escus ; et ce jour rendroient ledict dom Jehan leur capitaine ; lesquels touts présents, et les assistants du roy, en la main du grand-maistred’hostel du roy bailla sa main. Durant que le siège estoit à Bayonne, ceulx du pays de Biscaye feirent grande diligence de fournir le siége de vivres; car le roy leur en avoit escript. Pareillement venoient vivres de Bierne ; mais c’estoit à grande peine, pour la multitude de bourgeois quy estoient au pays. Toutesfois l’ost n’eut nulle faulte de vivres. Iceulx Biscayens vindrent atout douze basteaux d'armes nommés espinaces et une grande nave; lesquels arrivèrent à une demy-lieue près de Bayonne, affin que ceux qui estoient dedans la ville ne s’en pussent aider par eau. Lesquels Biscayens furent nombrés six cents combattants. Le vendredi vingtiesme jour dudict mois d’aoust, ung peu après soleil levant, que le jour feut bel et clair et qu’il faisoit moult beau temps, feut veue au ciel par ceulx quy estoient en l’ost du roy, et mesmement par les Angloisestants dedans Bayonne, une croix blanche, laquelle feut veue publiquement l’espace d’une demy-heure. Et lors ceulx de la ville quy s’estoient le jour de devant rendusetavoient faict leurs compositions, desquels estoient bannières et pennons aux croix rouges, dirent que c’estoit le plaisir de Dieu qu'ils fuissent Francois et qu'ils portassent touts croix blanches. Et ce jour entra dedans la ville à l'heure de deux heures, avecques l’archevesque d’icelle ville pour prendre possession d’icelle et du chasteau, le seigneur de la Bessière; et là

feurent portées les bannières du roy, au haut de la tour d'iceluy chasteau, par les héraulx du roy, chascund'eulx criant: Montjoie! Eta ceste heure arriva la navire des Biscayens dedans le port de Bayonne, laquelle chose il faisoit beau voir.