CHAPITRE XLV
De l'entrée du comte de bunois, counne lieutenant du roy de France, en la ville et cite de Bayonne,
Le samedy onziesme jour dudict mois d'aoust, audict an cinquante et un, entrérent les gents du roy en la ville de Bayonne ; et premièrement entra le comte de Foix,avecquesluy le maistred’hostel du roy, le seigneur de Lautrec, frère dudict comte ; le seigneur de Navailles, le seigneur delaBessièreet plusieursaultres.Etavoientavecques eulx mille archiers que gouvernoit l'Espinace. Etaprès vindrent deulx heraulx duroy, et aultres portants leurs cottes d'armes. Et après messire Bertrand d'Espagne, séneschal de Foix, armé tout au blancq, quy portoit la bannière du roy, montesur ung coursier moultrichement habillié; etavoit son cheval ung chanfrain garny d’or et de pierres précieuses, prisé à quinze mille escus, et grand nombre de gents après luy ; et sans intervalle venoient six centslances à pied. Et de l’autre partentra le comte de Dunois, quy avoit debvant luy douze cents archiers et deulx des héraulx du roy,et aultres portants diverses armes. Après venoit messireJennet de Saveuses, monté sur ung coursier portant l’une des bannièresduroy;età ceste entrée feitlecomtede Dunois chevallier ledict Jennet , le seigneur de Montguyon, Jehan de Montmorency, et le seigneurde la Boussey.Après ladicte bannière entra le comte de Dunois, armé au blancq,et son cheval couvert de velours cramoisy; après, leseigneur deLoheac mareschal de France, le seigneur d’Orval, plusieurs autres grands seigneurs; et derrière eulx six centslances. Ainsy allérent jusques à la porte de la grande église, où estoit l'évesquerevestu en pontifical, chanoines et aultres gens d'église revestus en cappes; et les attendoient atout les reliques; et là descendirent les seigneurs à pied et allèrent faire leur dévotion dedans l’église, puis s’en allèrentenleurslogis. Etenvoyalecomtede Foix la couverture de son cheval, quy estoit de drap d’or, ei prisée à quatre cents escus d’or, devant Nostre-Dame de Bayonne, pour faire des cappes. Le lendemain, les seigneurs allèrent entendre la messe en l'église, et après la messe
prindrent les serments de ceulx de la ville, en la présence du seigneur d’Albreth, quy y estoit venu le samedy debvant.Eten icelle ville feurent commis maire messire Jehan Le Boursier, général de France, et messire Martin Gratien, lesquels demourtrent pour gouverner la ville ; et le lundy prochain, les dessusdicts seigneurs avecques leurs gents s’en allèrent ès pays à eulx assignés pour vivre. Et tantost après, les barons, chevalliers, nobles, bourgeois et gents de touts estats, du pays de Bourdelois, de Bayonnois et ceulx du pays d'environ allèrent à Tallebourg, devers le roy de France, pour confermer les articles et appoinctements passes par eulx, et faire au roy les hommaiges de leurs seigueuries. Apres lesquelles choses faictes au roy, le roy quicta à ceulx de Bayonne vingt mille escus, de quarante mille qu’ils debvoient payer; après, chaseun retourna en son lieu. Ainsy que dictest, feut réduicteenla main du roy deFrance toute la duchié de Guyenne et de Normandie, et genéralement tout le royaume de France, excepté la ville de Calais, que les Anglois tenoient encoires.
