CHAPITRE CLXIX
celuy chevallier de sa place au chœur de léglise de la fondation, et les transporter où faire se debvra, selon l’ordre; et quand aultre chevalier sera en ce lieu éleu et receu , iceluy trésorier fera mectre ses heaulmes, tvmbres et armes en la place qui lui sera deue au chœur de ladicte église.
« Jlem, aura encoires ledict trésorier la charge de la dotation et fondation dudict ordre, et des dons, lais, augmentations, proufficts, bienfaits etémolumens d'icelluy, qu’il recepvra et fera venir ens bien diligemment, et par ce les fondations, pensions et charges ordinaires aux gens d’églises, povres chevaliers et officiers de l’ordre, selon l'ordonnance de la fondacion ; et sur ce en fera aussi les aultres missions et despens nécessaires et convenables pour le faict de l’ordre, au commandement du souverain ou de son commis, et de tout rendra bon et léal compte au chapitre ordinaire, par devant icellui souverain ou son commis, ou ceulx de l’ordre ad ce desputés.
« Îtem, fera faire, ledict trésorier, livres où seront escripts tous les dons, aulmosnes, lais et bienffaits que l’on fera à l’ordre, de quelques choses que che soit; et des joiaux et aornemenc fera inventoire et ostencion à chascun chappitre, si longuement qu’ils porront durer ou estre, et des dons pécunieulx et proufficts des rentes, revenus et possessions, Comme dict est ; et à chascun chappitre, nommera par nom et surnom les bienffaicteurs dudict ordre, et déclarera les dons qui y auront esté faicts, affin de avoir mémoire et prix, et pour eulx, et donner exemple et couraige de v faire bien.
« Item, des chartres, priviléges, fondacions, augmentations, acquests, lettres, munimens et enseignemens dudict ordre, fera ledict trésorier faire livres et cartulaires collationnés aulx originaulx, et approuvés par scellés authentiques et saings de nos notaires ou personnes publiques; desquels cartulaires l’un demourra en ladicte église, et l’autre sera mis au trésor des chartres de Bourgongne ; et si y sera foi adjoustée comme aux originaulx, affin que s'ils estoient d'aventure perdus, on peust avoir recours et soi aidier desdicts cartulaires.
« Item, ung aultre officier aura audict ordre, appelé greffier, qui sera prébendé d’une des bendes en l’église où sera faicte ladicte fondacion d’icellui ordre, ou aultre personne notta-
ble et habile clercq, homme d'église ou séculier ; lequel greffier sera tenu de faire deulx livres en parchemin, en chaseun desquels sera escripte la fondacion dudict ordre, les causes, ordonnances et estatus d'icellui ; et au commenchement desdicts livres sera historice la représentation du fondateur et des vingt-quatre chevalliers premiers dudictordre ci-dessus nommées; desquels livres, l'ung sera attachié au chœur à chaisne de fer, en ladicte église, devant le siége du souverain, et l’autre aussi sera attachie à chaisne de fer au chappitre devant le siège d’icellui souverain.
« Item, que ledict greffier mectera par escript, en ung livre ad ee ordonné, touttes les proesses louables et honnourables faits du souverain et de tous les chevaliers dudict ordre, faits depuis la fondacion d’icellui, dont il sera informé par Thoison-d'Or, roy d'armes; et sera tenu de monstrer au chappitre enssuivant la minute qu’il aura sur ce faicte au rapport dudict Thoison-d'Or, pour là estreleu et corrigié, se mestier est, et apprès mis en grosse audict livre , laquelle sera leute avec la minute au chappitre subséquent.
« Ilem, en ung aultre livre escripra, ledict greffier, les appointemens, conclusions et actes des chappitres ordinaires, les fautes commises par les chevaliers de l’ordre, dont ils auront esté blasmés et reprins en chappitre, les corrections, pugnitions et peines qui pour che leur auront esté ordonnées, et avec ce, les combinances des chevaliers de l'ordre qui ne seront comparus en chappitre, et n’y auront pour eulx souffisamment envoyés à faire remonstrer leurs excusations.
« Item, ung autre officier aura ordonné, c’est assavoir ung roy d’armes, appelé Thoison-d’Or, prudent, de bon renom et souflisant à l’office; auquel mondict seigneur le souverain fera baillier ung esmail qui sera dudict ordre, qu’il portera tant qu'il vivera ; et apprès le trespas d’icellui, ses heritiers seront tenus de rendre au trésorier de l’ordre ledict esmail, s’il n’avoit esté perdu en aulcun voyage ou faiet honnourable, sans fraulde ; auquel casses héritiers seront quittes dudict esmail qui ainsi perdu seroit; et sera tenu ledict souverain de lui en faire avoir ung autre.
“ Item, le roy d’armesdessusdict aura charge de porter ou faire porter les lettres du souve-
MÉMOIRES DE SAINT-REMY
RE PE re en = mer mm + meme — semer
rain aux chevalliers de l’ordre et aultres où il les fauldra envoyer ; signifier à icellui souverain le trespas des chevalliers de l’ordre quand le cas adviendra ; porter ou faire porter lettres de élections aux chevalliers; rapporter leurs responses ; et généralement de faire ou faire faire toutes les messageries et choses dues, qui par le souverain ou ofliciers de l'ordre lui seront ordonnées.
« Item, ledict roy d'armes, Thoison-d'Or, enquerra dilligamment des prouesses et haulx faits, honnourables entreprinses du souverain et chevalliers de l’ordre, dont il fera véritable rapport au greffier de l’ordre, pour estre mis en escript, Comme faire se debvera.
« [tem, quand l'office du chancelier de l’ordre sera vacquant doresnavant, le souverain appellcra des chevalliers de l’ordre le plus qu’il poulra recouvrer, et néant moins du nombrede six; ct ad ce présents le trésorier et le greffier de l'ordre, se bonnement faire se pœult , procèdera à élection du nouveau chancelier, promeu à prélature ccclésiasticque, comme archevesque, évesque, ou dignité nottable, cathédralle ou collégiale, église ou personne séculière de grant recommandation et expérience, clercq gradué en théologie ou en droit canon ou civil ; laquelle élection ainsi faicte sera signiffiée à Péleu, en lui assignant jour de venir devers le souverain pour faire les sermens pertinens, en requérant que son intencion sur che il signiffie et certifie audict souverain.
« Îlem, Si s'excusoit d'accepter ladicte élection, ledict souverain procèdera à élection d’ung aultre, et fera comme en l’article dessus prochain est contenu ; est jusques il y ait chancellier éleu, et qu’il ait faict le serment, le office sera exercé par ung commis, par l'advis et authorité du souverain et des chevalliers de l'ordre.
« Item, etque le chancellier éleu, et qui aura accepté l'élection, fera, ès mains du souverain au son commis, les sermens que s’ensuit, c'est assa voir : qu’ilcomparera aux chappitres et assemblees de l’ordre en personne, sinon que par maladie ou aultre essongne ou eause recepvable il en fust empeschié, auquel cas il le fera scavoir, sans fraulde, par ses lettres au souverain, qui, en son absence, pour icelle fois, commectera la charge de l'office à nottable personne, des condicions dessusdites, telle qu'il lu
plaira, qui sera sermenté comme au Cas appartient.
a Item, qu'il ne scellera du scel de l’ordre aulcunes lettres touchant l'honneur des chevalliers sinon du commendement du souverain, présents six des chevaliers de l’ordre à tout le moins.
« Jiem, que pour amour, haine, crainte, faveur ou affection aulcune, il ne laissera de loyaulment et duement à son povoir dire et proposer, ès chappitres et assemblées de l’ordre , toutes les choses qui lui seront chargiées par le souverain ; et que les conclusions prinses ès chappitres , touchant la correction ou corrections d’aulcuns chevaliers ou aultrement,
il dira où il appartiendra ; et ainsi que faire se debvera, selon le contenu de ceste ordre, tien dra secret les consaulx d'icellui; et géneralement à son povoir exercera, en tout et partout, bien et duement lediet office.
« Items, sera faicte la élection du trésorier de l'ordre quand le cas y écherra, ainsi que celle du chancellier ; et fera les sermens qui se ensuivent : c'est assavoir, que bien et duement il gardera et gouvernera à son povoir les joiaulx, meubles , rentes, revenus et biens de l'ordre qu’il aura en gouvernement, sans en rien distribuer, fors en usaiges à quoi ils seront, par le souverain de l’ordre, applicqués et ordonnés.
« Item, que bien et loyaulment il distribuera aux gens d'église ce qui leur sera ordonné pour le divin service, aux officiers de l'ordre pour l'exercice de leurs offices, et aux povres chevalliers pour leur vivre et substentation, selon les fondation et dotation sur ce faictes ; et de che fera son devoir, sans en riens retenir ne retarder.
« Item, qu’il rendra bon et loial compte des rentes et revenus appartenantes audict ordre, camme des dons et largesses qui faicts y seront, sans riens céler ni retenir; et en touttes aultres choses exercera le faict de son office bien et loyaulment à son povoir.
« liem, que vacquant le lieu du greffier de l'ordre, il sera, par le souverain , six des chevalliers de l’ordre , et néant moins, éleu ung aultre greffier, nottable personne des eonditions dessusdictes; lequel greffier, ainsi éleu et qui aura accepté, fera, ès mains du souverain ou de son commis, le serment qui?se enssuit , c’est assavoir : que bien véritablement et diligamment à son povoir il mectra par escript et
